یوحنا 13:8 - کتاب مقدس به زبان لکی - گویش مرکزی

⁸ پطرس وِتَ بی: «هرگِس پال مِه نِمَشورین!» عیسی جوواو داتی: «اَرّ نَشورمِت دیَر قط خدافظیَ.»

یوحنا 13:8 Iomraidhean Croise

مَتّی 16:22

مِنتائای پطرس او بِردیِ پِنِه‌ ئو مِنا کِرد ئو وِتی: «دویر اژ گیونِت، اِاِ آقا! خدا نِهِه هُنَ چیئی هرگِس اَرِنِت اتفاق بِکُوءِ.»

مَتّی 21:29

جوواو داتی: ”نِمَچِم.“ مِنتائای دُماخِرِ عخیدَه اِرگیردونی ئو چی.

مَتّی 26:33

پطرس جوواوا داتی: «جُ‌جُ اَرّ کُلو، وِلِت کَن، مِه هرگِس وِلِت نِمَهَم.»

مَتّی 26:35

مِنتائای پطرس وِتی: «جُ‌جُ اَرّ لازم بو وَه‌گَرد تو بِمِرِم، حاشات نِمَهَم.» باقی شاگردَل‌یش هُنِئونَ وِتَ.

یوحنا 13:6

وخدی گه رَسی‌َ شَمعونِ پطرس، او وِتیَ عیسی: «آقا، یانی تو پال مِنَ مَشورین؟»

یوحنا 13:9

شَمعونِ پطرس وِتی: «آقا، فَخَد پالِم نه، دَسَل ئو سَریشِم بشور!»

یوحنا 3:5

عیسی جوواو داتی: «حخیختاً، موشِمَ بینِت تا کسی اژ آو ئو روحِ خدا زاندَه ناو، نِمَتونی با اِنوم پاتِشائی خدا.

کارَل رسولَل 22:16

اِسگَه چیَمَ‌رئی چِین؟ هیزگِر ئو خُسِل تیَمید بِگِر ئو نُم او بار، ئو اژ گنائَلِت پاکا بو!“

اول قرنتیان 6:11

بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ.

اَفِسُسیَل 5:26

تا کلیسا تقدیس بِهِه ئو وَه آو کلوم خدا پاکا کِیتی،

کولُسیَل 2:18

نِیلِن کسی گه مَجُرّی اَر یَگه باس لار خوار بو ئو فریشدَه‌ل عَبادت بوئن، محرومتو کِ. هُنَ کسی میا ووژَ رویائَل ووژ مشغول بِهِه ئو بی‌یَگه دلیلی داشدوئیتی وَه فگِرَل اِلَکی ووژ، قُراتا ماو.

کولُسیَل 2:23

وَه‌یاآگه یوئنَ وخدی اژ ایی دینی گه ووژو ساخدونَ، سزا دائِن اَر لار ئو سخد گِرتِن اَر لار، قصَه مَهَن، ظاهرو عاقلونه‌ءَ، مِنتائای اَرِیَگه نوا هُواوهوس جسم بِگِرِن، هُیچ اِ دَسون اِرنِمای.

تیتوس 3:5

او ایمَه نجاد داتی، نه وَه خاطر کارَلی گه اِ صالح‌بیئینمو کِردیَ، بلکِم وَه خاطر ریَمَت ووژ بی ئو اژ رئی خُسِلی گه وَه‌سونگَ اَوا، روح‌القدس تولد تازَه ئو زِنِه‌ی نوو بَشخیتیَ بینمو.

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 7:14

مِه وِتم‌ئون: «اِاِ آقا، تونَ مَذانین.» ئو او وِتی‌ئونِم: «یوئنَ هَراَ کسَلِنَ گه اژ عذاو کَلِنگ هاتِنَسَ دِریر، اونَل چوخائَل ووژون اِ خوین وَرک شوریَ ئو اِسبیا کِردیَ.