یوحنا 13:1 - کتاب مقدس به زبان لکی - گویش مرکزی

¹ وِر اژ عِد پِسَخ، عیسی وَه‌یاآگه مَذِناسدی سات چیئِنی اژ ایی دنیا رَسیَ تا بِچو اَرِه تک باوَه، تاگَه آخِر مِحبت کِردیَ کسِ‌کار ووژ گه اِنوم ایی دنیا دوسو داشدی.

یوحنا 13:1 Iomraidhean Croise

مَتّی 26:45

اَسَه هات اِرَه تک شاگردَل ئو وِتی‌ئونو: «یانی هَنی هاینونِ خاو ئو شَکَتی اِرَمِهِینو؟ سِیل کَن، اَ سات مَیِّنَ، گه کُر اِنسونَ میَنَ گیر گناکارِلا، رَسیَ.

مَتّی 28:20

ئو تیَلیمو دَن تاگَه کُل چیئَلی گه فِربونم‌ئون داینونَ، بارنَ جا. اِسگَه مِه کُلِ روژی تاگَه آخِر ایی دنیا هامَ گَرد هُمَه!»

لوقا 22:53

مِه کُلِ روژی اِنوم معبدَ گَردتو بیم، ئو هُمَه دَستون اَر مِه دِریژا نَهَرد. مِنتائای اِسگَه سات، سات هُمِئَه ئو سات قدِرت تیَریکی.»

لوقا 9:51

وخدی موقَع ویرِ آسمو بِردِن عیسی نزیکا موئیا، قَص کِردی گه بِچو اَرِه شیَر اورشلیم.

یوحنا 11:55

وخدی گه عِد پِسَخ یهودیَل نزیک بی، فِرَه کسَل اژ جائَلی‌تِر، چِن اَرِه اورشلیم تاگَه وِر اژ عِد پِسَخ آداو پاکی بارِنَ جا.

یوحنا 12:23

عیسی وِتیَ بینو: «سات مرگ ئو زِنیابیئِن کُر اِنسو رَسیَ.

یوحنا 13:29

بِری گُمونو کِرد گه اَرِیَگه ژاژ خرجِ‌بَرج ها دس یهودا، عیسی موشِتیَ بی اَ چیئَه گه اَرِه عِد نیازَ بِخِری، یاگَه چیئی بیَ ژارَل.

یوحنا 13:3

عیسی گه مَذِناسدی باوَه کُل چی داسیَ دس اوآ، ئو اژ تک خدا هاتیَ ئو مَچو اَرِه تک او،

یوحنا 13:34

حکِم نووئی میَمَ بینتو، ئو اَوَه یَسَ گه مِحبت بِهَن اَر یَکتِری. هَرهُنَ گه مِه مِحبتِم کِرد اَر هُمَه، هُمِه‌یش باس مِحبت بِهِینون اَر یَکتِری.

یوحنا 14:28

شنَفتِتو گه وِتمَ بینتو، ”مِنَ مَچِم، مِنتائای اِدوارَه مام اَرِه تَکتو.“ اَرّ مِنتو دوس باشتا، خَوشیتونَ مَهَرد گه مَچِم اَرِه تک باوَه‌م، اَرِیَگه باوَه اژ مِه کَلِنگتِرَ.

یوحنا 14:31

مِنتائای مِه اَ کارَ مَهَم گه باوَه فِربو داسیَ مِه، تاگَه دنیا بِذانی گه باوَه دوس دیرِم. اِسگَه هیزگِرِن، اژ ایرَه بِچیم.

یوحنا 16:28

مِه اژ تک باوَه هاتِمَ ئو هاتِمَسَ نوم ایی دنیا؛ ئو اِسگَه ایی دنیا مِیلِمَ جا، ئو مَچِم اَرِه تک باوَه.»

یوحنا 17:1

دُما یَگه عیسی ایی قصه‌لَ کِردی، سِیل کِردی اَر آسمو ئو وِتی: «باوَه، دیَر اَ وخدَ رَسیَ. جِلال بِ اَر کُرِت تاگَه کُریشِت جِلال بِ اَر تو.

یوحنا 17:16

اونَل هِن ایی دنیاءَ نیِن، هُنَ گه مِن‌یش هِن ایی دنیاءَ نیِم.

یوحنا 17:26

مِه نُم تونم اَر اُوُ شناسو ئو مَشتاسِنِم، تاگَه مِحبتی گه تو اَر مِنِت داشدیَ، اِنوم اون‌یش بو ئو مِن‌یش اِنوم اونَل بوئم.»

یوحنا 17:5

ئو اِسگَه باوَه، تونیش اَر تک ووژِت جِلالِم دَ، هَراَ جِلالی گه وِر اژ یَگه دنیا دُریس بو، اَر تک تونِم داشد.

یوحنا 18:4

عیسی، وَه‌یاآگه مَذِناسدی چَه اَر سرَ مایتی، چیِ نوا وِتیَ بینو: «هاینونِ فِتِراخ کی؟»

یوحنا 19:28

اَسَه عیسی باخَوَر اژ یَگه کُل چی اَنجوم گِرتیَ، اَرِیَگه نُسَخ مقدّس وَه اَنجوم برَسی، وِتی: «تینیمَ.»

یوحنا 2:13

وخدی نزیکَل عِد پِسَخ یهودیَل بی، عیسی چی اَرِه شیَر اورشلیم.

یوحنا 6:4

عِد پِسَخ یهودیَل نزیک بی.

یوحنا 7:30

اَسَه هِستو عیسی بِگِرِن، مِنتائای هُیچ‌کس دس اَری دِریژ نَهَرد، اَرِیَگه هَنی وخد او نَرَسوئی.

یوحنا 7:6

اَسَه عیسی وِتیَ اونَل: «وخد مِه هَنی نَرَسیَ، مِنتائای اَرِه هُمَه هر وخدی خوءَ.

یوحنا 8:20

عیسی وخدی ایی قصه‌لَ وِتی گه اِ جای گه صَنُق پیشکَشیَل معبد اَر اورَه بیَ، تیَلیمَ ماتی. مِنتائای هُیچ‌کس او نَگِرتی، اَرِیَگه وخد او هَنی نَرَسوئی.

رومیان 8:37

بلکِم وَه‌سونگَ او گه مِحبت کِردی اَر ایمَه، اِ کُل ایی چیئِلَ ایمَه سرتِر اژ کسَلی کیم گه فائق هاتِنَ.

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

عِبرانیَل 3:6

مِنتائای مسیح، اِجور کُری اَر مال خدا اَمونتدارَ، ئو مال او ایمِه‌یمو، وَه شرطی گه تاگَه آخِر وَه اطمینون ئو افتخار سفدِسخد بچسبیمون اَر امیدمو.

عِبرانیَل 6:11

آواخدمو یَسَ گه هرکُم اژ هُمَه هَر ایی خیرَتَ تاگَه آخِر حفظ کِ تاگَه امیدتو کامل وَه اَنجوم برَسی،

اول پطرس 1:13

اِسَه فگِرَلتو اَرِه عمل آمادَه بِهَن، هوشیار بوئن ئو امیدتو کامل اَر فیضی بو گه موقَع ظاهربیئِن عیسی مسیح ماوَ نَصُیتو.

اول یوحنا 4:19

ایمَه مِحبتَ مِهِیم اَرِیَگه اول‌بار او مِحبت کِردی اَر ایمَه.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،