یوحنا 1:4 - کتاب مقدس به زبان لکی - گویش مرکزی

⁴ اِنوم او ژییاین بی، ئو اَ ژییاینَ، نُیر آمَل بی.

یوحنا 1:4 Iomraidhean Croise

مَتّی 4:16

مردِمی گه اِنوم تیَریکی زِنِه‌یونَ مَهَرد، نُیر کَلِنگونی دی، اَر اونَل گه لیزو گِرتوئی اِنوم، هیال سا مرگ، نُیری بِریقَه داتی.»

لوقا 2:32

نُیری اَرِه آشگارا کِردِن حخیخت، اَر قومَلی‌تِر؛ ئو جِلالی اَرِه قوم تو، قوم اسرائیل.»

یوحنا 11:25

عیسی وِتی: «مِنِم اَ قیومت ئو ژییاینَ. هر کی ایمونمَ بی باری، جُ‌جُ اَرّیش بِمِری، وَه ایی حالا زِنِه‌یَ مِهِه.

یوحنا 12:35

اَسَه عیسی وِتیَ بینو: «تا مِدتی‌تِر، نُیر ها گَردتو. اِسَه تا وخدی گه هَنی نُیر ها گَردتو، بِچِنَ رئیا، ناخواد تیَریکی هُمَه اِرابِگِری. اَوَه گه اِنوم تیَریکیَ مَچوءَ رئیا، نِمَذانی کوءَ مَچو.

یوحنا 12:46

مِه اِجور نُیری هاتِمَس اَرِه ایی دنیا تا هر کی ایمون اَر مِه باری، اِنوم تیَریکی نَمینی.

یوحنا 14:6

عیسی وِتیَ توما: «مِنِم رئی، مِنِم حخیخت، ئو مِنِم ژییاین؛ هُیچ کس نِمای اَرِه تک باوَه مَر وَه‌سونگَ مِنا.

یوحنا 3:19

ئو حکِم یَسَ گه نُیر هات اِنوم دنیا، مِنتائای مردِم تیَریکیو ویشتِر اژ نُیر دوس داشد، اَرِیَگه کارَلو گَنَ.

یوحنا 5:21

اَرِیَگه هَراَ جورَ گه باوَه مِردیَل زِنیا مِهِه ئو ژییاینَ موئَشخیَ بینو، کُریش وَه هر کی گه بِیتی، ژییاینَ موئَشخی.

یوحنا 5:26

اَرِیَگه هَراَ جورَ گه باوَه ژییاین اِنوم ووژ دیری، وَه کُریش بَشخیَسی گه ژییاین اِنوم ووژ داشدوئیتی،

یوحنا 8:12

اَسَه عیسی یِه گِلی‌تِر وَه‌گَرد مردِم قصَه کِردی، وِتی: «مِنِم نُیر دنیا. هر کی وَه تُرّ مِنا بای، هرگِس اِنوم تیَریکی نِمَچوءَ رئیا، بلکِم نُیر ژییاین دیری.»

یوحنا 9:5

تا وخدی گه هامِ دنیا، نُیر دنیام.»

کارَل رسولَل 26:23

یَگه مسیح باس عذاو بِکیشی ئو اول کسی بو گه اژ مِردیَل زِنیا ماو، تاگَه نُیر اِلوم بِهِه اَر ایی قومَ ئو قومَل خِرِیهود.»

اول قرنتیان 15:45

هَراَ جورَ گه نُیسیاءَ: «اِنسو اول، یانی آدم، موجود زِنی‌ای بی»؛ آدم آخِر، ماوَ روحی گه ژییاینَ موئَشخی.

اَفِسُسیَل 5:14

اَرِیَگه هر چیئی گه آشگارا ماو نُیرَ. اَژونَسَ موشی: «اِ کسی گه هاینِ خاواِر، بوءَ خَوَر، اژ مِردیَل هیزگِر، ئو مسیح مَدَرشخی اَرینِت.»

کولُسیَل 3:4

وخدی مسیح گه زِنِه‌ی هُمِئَه ظاهر بو، اَسَه هُمِه‌یش وَه‌گَرد او اِنوم جِلال ظاهرَ موئینو.

اول یوحنا 1:1

اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.

اول یوحنا 1:2

ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

اول یوحنا 5:11

ئو ایی شاتیَ یَسَ گه خدا ژییاین ابدی داسی‌ئونمو ئو ایی ژییاینَ، ها نوم کُری.

مِکاشفَه 22:1

اَسَه روو آو ژییاین نشونِم داتی گه اِجور بِلور بِریقَه ماتی ئو اژ تخت خدا ئو وَرک جُرَ مَگِرت

مِکاشفَه 22:16

«مِه، عیسی، فریشدَه ووژِم کِلِم‌کِرد اَرِه تَکتو تا ایی چیئِلَ اَرِه کلیسا شاتی بِ. مِه ریشی ئو نسِل داوود ئو آسارَه بِریقَه‌دار شفقِم.»