یعقوب 4:4 - کتاب مقدس به زبان لکی - گویش مرکزی

⁴ اِاِ آمَل زِنهاکار، یانی نِمَذانینو گه دوسی وَه‌گَرد دنیا، دشمنی وَه‌گَرد خداءَ؟ اِسَه هر کی مِیتی رِقیف دنیا بو، ووژَ مِهِئَه دشمن خدا.

یعقوب 4:4 Iomraidhean Croise

مَتّی 12:39

عیسی جوواوُنا داتی وِتی: «نسِل شرَبار ئو زِنهاکار مِنِی نشونَه مَهَن! مِنتائای نشونه‌ئو‌نیون نِمیَم، بِخِر اژ نشونَه یونس پِخَمَر.

مَتّی 16:4

نسِل شرَبار ئو زِنهاکار نشونه‌ئونَ مِ، مِنتائای نشونَه‌ئونون نِمیَن بِخِر اژ نشونَه یونس پِخَمَر.» اَسَه اونَل هُیشتیِ جا ئو اژ اورَه چی.

مَتّی 6:24

«هُیچ کس نِمَتونی خِلمت اژ دو اَرباو بِهِه، اَرِیَگه یاگَه اژ یَکی بیزارَ ماو ئو اَ یَکَ دوس دیری، ئو یاگَه گیو ووژَ مِهِئَه خِر یَکی ئو اَ یَکَ خوارَ مِهِه. نِمَتونینو هم خِلمت اژ خدا بِهِینو، هم خِلمت اژ پیل.

لوقا 19:27

اِسگَه اَ دشمنَلی گه مِنو نِهِست تا سِلطنت اَرینو بِهَم، بارن اِرَه ایرَه ئو اِبِرُوَر مِه بِکُشِنو.“»

یوحنا 15:19

اَرّ هِن دنیا بوئیاینو، دنیا هُمَه اِجور کسِ‌کار ووژ دوس داشدی. مِنتائای اَرِیَگه هِن دنیا نیئینو، بلکِم مِه هُمَه‌م اژ دنیا اِنتخاو کِردیَ، اِسَه دنیا اژ هُمَه بیزارَ.

یوحنا 17:14

مِه کلوم تونِم داءَ بینو، ئو دنیا اژ اونَل بیزار بی، اَرِیَگه هِن ایی دنیاءَ نیِن، هُنَ گه مِن‌یش هِن ایی دنیاءَ نیِم.

یوحنا 7:7

دنیا نِمَتونی اژ هُمَه بیزار بو مِنتائای اژ مِه بیزارَ، اَرِیَگه مِه شاتیَ میَم گه کارَلی گَنِن.

رومیان 5:10

اَرِیَگه اَرّ حِنی گه وَه‌گَرد خدا دشمن بیمو، وَه‌سونگَ مرگ کُریا وَه‌گَرد ووژ دوسیمو داتی، چَنی ویشتِر اِسگَه گه دوسیمو، وَه‌سونگَ ژییاین او، نجادَ مَگِریم.

رومیان 8:7

اَرِیَگه فگِری گه اَررُی جسمَ، وَه‌گَرد خدا دشمنیَ مِهِه، اَرِیَگه فِربون اژ شریعت خدا نِمیَری ئو نِمَتونی‌شی بیَری،

اول قرنتیان 1:20

اِراسی، حکیم هار کو؟ مَلِم تورات هار کو؟ کسی گه اِبارَه ایی زمونَه نظرَ مِ، هار کو؟ مَر خدا حکمت دنیا نایونی نَهَردیَسی؟

اول قرنتیان 1:21

اَرِیَگه وَه حکمت خدا، دنیا نتونستی وَه‌سونگَ حکمتْ، خدا بشتاسی، خدا هُنَ صِلا دیتی گه وَه‌سونگَ هَرایی نایونیَ گه موعظَه مِهِیم، کسَلی گه ایمونَ مارِن، نجاد بِ.

غَلاطیَل 1:10

یانی مِه هام اَر دُم تایید اِنسو یا تایید خدا؟ یاگَه تقِلا مَهَم وَه دل اِنسو بوئم؟ اَرّ هَنی تقِلامَ مَهَرد گه وَه دل اِنسو بوئم، خُلُم مسیح نوئیم.

یعقوب 1:27

دینداری پِرچِ‌پاک اَر تک باوَه ایمَه، خدا، یَسَ گه اِ سخدیَل اژ یتیمَل ئو بیوَه‌ژِنَل دسگیری بِهِیم ئو اژ فساد دنیا ووژمو دویر بِگِریم.