یعقوب 1:12 - کتاب مقدس به زبان لکی - گویش مرکزی

¹² خَوزگالَ کسی گه اِنوم اِنتحونَل طاخَتَ ماری، اَرِیَگه وخدی اِ اِنتحو سربِلِنگ بو، اَ تاج ژییاینَ ماریَ دس گه خداون وَدَه داسیَ دوسدارَل ووژ.

یعقوب 1:12 Iomraidhean Croise

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.

مِکاشفَه 2:10

اژ جُورَلی گه وَه ایی زویَ مَکیشین زِلَت نَچو. سِیل کَ، ابلیس وَه ایی زویَ بِری اژ هُمَه ماوژیِ زندو، تا اِنتحو بوئینو ئو دیَه روژ عذاوَ موئینینو. تا مِردِن وفادار بِمین، گه مِه تاج ژییاینتَ موئَشخِم‌ئون.

یعقوب 5:11

اِسگَه ایمَه کسَلی خوشبختَ مَذانیم گه پایار مَنِنَ ئو هُمَه اِبارَه صبِر ئو تیَمِل ایوبتو شنَفتیَ ئو دیتونَ گه خداون آخِرسر چَه اَرِه کِرد، ئو خداون چَنی رِئیم ئو مِرِبونَ.

رومیان 8:28

ئو ایمَه مَذانیم اَرِه اونَلی گه خدا دوس دیرِن ئو مِطابق خواس او دَوَت بینَ، کُل چیئَل وَه‌گَرد یَک اَرِه خِریَّت کارَ مَهَن.

مَتّی 10:22

کُل مردِم وَه خاطر نُم مِن اژ هُمَه بیزارَ موئن. مِنتائای هر کی گه تاگَه آخِر طاخَت باری، نجادَ مَگِری.

اول قرنتیان 9:25

هر کی مِسابقَه مِ سزاءَ مِ اَر ووژ گه اِ کُل چی نوا ووژ بِگِری. اُوُ اَرِه یَه هُنَ مَهَن تاگَه تاجی گه اژ بِنَ مَچو، بارنَ دس؛ مِنتائای ایمَه اَرِه تاجی گه اژ بِن نِمَچو، هُنَ مِهِیم.

اول پطرس 3:14

مِنتائای جُ‌جُ اَرّ وَه خاطر صالح‌بیئین عذاوتو دی، بِرَکتَ مَگِرینو! «اژ چیئَلی گه اُوُ زِلِئونَ مَچو، زِلَتو نَچو ئو هولتون اِرانَگِری.»

دوئِم تیموتائوس 4:8

اَژیرِ دُما تاج صالح‌بیئین اَرِنِم آماده‌ءَ، تاجی گه خداون، اَ داور عادلَ، اِ اَ روژَ موئَشخِتیَ مِه -نه فَخَد وَه مِه بلکِم وَه کُل کسَلی گه وَه دارا بینَ اَرِه ظاهربیئِنی.

یعقوب 2:5

بِرال عزیزِم، گوش بِگِرِن! مَر خدا ژارَل ایی دنیاءَ اِنتخاو نَهَردیِ تاگَه اِ ایمو دولَمَن بوئن ئو بوئنَ وارث اَ پاتِشائیَ گه وَدَه داسیَ دوسدارَل ووژ؟

اول پطرس 5:4

تا وخدی رِئیس شوئونَل ظاهر بو، تاج جِلالی گه اژ بِن نِمَچو، بارینونَ دس.

اول قرنتیان 2:9

مِنتائای هَراَ جورَ گه اِشعیا پِخَمَر نُیسونیِ: «اَ چیئَه گه هُیچ چیَمی نِئیَسی، هُیچ گوشی نَشتَفتیَسی، ئو وَه فگِر هُیچ کس نَرَسیَ، خدا اَرِه دوسدارَل ووژ، آمادَه کِردیَسی.»

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.

اول پطرس 4:13

بلکِم اژ یَگه شیَریک عذاوَل مسیحَ موئینو خَوشال بوئن، تا موقَع ظاهربیئِن جِلال او وَه خَوشی دودَسمالَه بِگِرینو.

اول قرنتیان 8:3

مِنتائای اَ کسَ گه خدا دوس دیری، وَه‌سونگَ خدا شناسیا ماو.

مِکاشفَه 3:19

«مِه کسَلی تنبیَه مَهَم ئو خِضَ مَهَم اَرینو گه دوسو دیرِم. اِسَه بور اَر سر خیرَت ئو توئَه بِهَه.

عِبرانیَل 10:32

اَ روژَل وِر اژ یَه بارنَ ویرتو، زمونی گه تازَه نُیردارا بوئینو؛ اِ اَ روژِلَ، اِ جنگ کَلِنگیَ گَرد عذاوَل طاختتو آوِرد.

عِبرانیَل 6:15

ئو وَه ایی جورَ، ابراهیم دُما یَگه وَه صبِر چیَمَ‌رئی مَن، وَدَه آوِردیَ دس.

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

عِبرانیَل 11:17

وَه ایمو بی گه ابراهیم وخدی اِنتحو بی، اسحاق پیشکَش کِردی؛ ئو او گه وَدَه‌ل خدا گِرتوئیتی، داشدی کُر یَکونَه ووژ قُرونیَ مَهَردی،

اول یوحنا 4:19

ایمَه مِحبتَ مِهِیم اَرِیَگه اول‌بار او مِحبت کِردی اَر ایمَه.

عِبرانیَل 12:5

مَر اَ پَنتون اِنوم کِتاو امثال سلیمان اِویر چیَ گه هُمَئَه کُرَل هِناءَ مِهِه، موشی: «اِاِ کُرِم، تربیت خداون خوار نَذان، ئو وخدی خِضت اَرینَ مِهِه دلسردا نو.

لوقا 6:22

«خَوزگالَ هُمَه، وخدی گه مردِم وَه خاطر کُر اِنسو، اژ هُمَه بیزار بوئن ئو هُمَه اِنوم ووژو تار کَن ئو دُشمینتون‌ئون دَن ئو بَنُمتو کَن.

رومیان 5:4

ئو طاخَت، شصخیتَ ماریَ بار، ئو شصخیت، امیدَ ماریَ بار؛

دوئِم تیموتائوس 2:15

تقِلا ووژِت بِهَه گه وَه دل خدا بوئین، اِجور عمِلِه‌ی گه دلیلی اَرِه خجالت نِری ئو کلوم حخیخت وَه دُریسَ میَریَ کار.

اول پطرس 4:14

اَرّ وَه خاطر نُم مسیح دُشمینَ میَن‌ئونتو، خَوزگالَ ووژتو، اَرِیَگه روح جِلال، روحِ خدا اَررُی هُمَه سِتارَ مَگِری.