عِبرانیَل 1:3 - کتاب مقدس به زبان لکی - گویش مرکزی

³ او نُیر جِلال خدا ئو نَشق کامل ذاتَسی، ئو وَه کلوم قدِرت ووژ، کُل چی حفظَ مِهِه. او دُما پاکا کِردِن گنائَل، نیشت اَر دس راس حضرت اعلی‌آ، اِ عرشِ فِلک.

عِبرانیَل 1:3 Iomraidhean Croise

مَتّی 22:24

وِتو: «استاد، موسی پِخَمَر وِتیَسی‌ئونمو گه اَرّ پیای بی‌اولاد بِمِری، بِرای باس اَ بیوَه بُوازی تاگَه اژ او نسِلی اَرِه بِرا ووژ بِیلی اَر جا.

مَرقُس 16:19

اَسَه عیسیِ خداون دُما یَگه ایی قصه‌لَ وِتیَ بینو، ویر آسمو بَریا، ئو نیشت اَر دس راس خدا.

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

یوحنا 1:4

اِنوم او ژییاین بی، ئو اَ ژییاینَ، نُیر آمَل بی.

کارَل رسولَل 2:33

او ویرِ بِلِنگ بَریاءَ دس راس خداآ ئو روح‌القدسی گه باوَه آسمونی وَدَه دائیتی، گِرتیِ، ئو رِشونیَس اَر هُاراِرا، هَر یَگه اِسگَه موئینینون ئو مَشتوئینو.

کارَل رسولَل 7:56

اَسَه وِتی: «هَراِسگَه آسمونَ موئینِم گه تاقا بیَ ئو کُر اِنسونَ موئینِم گه هوسیاس اَر دس راس خداآ.»

رومیان 1:16

اَرِیَگه مِن اژ انجیل عارِم نِمای، اَرِیَگه قویَت خداءَ اَرِه نجاد هر کی گه ایمو باری، اول‌بار یهود ئو دُماخِرِ یونانی.

رومیان 8:34

کیَ گه مَکومو کِ؟ مسیحْ عیسی گه مِرد، بلکِم اژ مِردیَل‌یش زِنیا بی، او گه ها اَر دس راس خداآ، اوءَ گه اِراسی اَرِه ایمَه شِفاعت‌یشَ مِهِه!

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

کولُسیَل 3:1

اِسَه اَرّ وَه‌گَرد مسیح اژ مِردیَل زِنیا بینونَ، اِ دُم چیئَلیا بوئن گه هانِ بِلِنگ، جای گه مسیح نیشتیَس اَر دس راس خدا.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 1:13

خدا تاگَه اِسگَه وَه کُمین اژ فریشدَه‌ل وِتیَسی: «بِنیش اَر دس راس مِنا تاگَه دشمنَلِت بِهَمَ کرسی اِژیر پائلِت»

عِبرانیَل 10:12

مِنتائای مسیح دُما یَگه اَرِه همیشَه یِه قُرونی اَرِه گنائَل پیشکَش کِردی، نیشت اَر دس راس خداآ.

عِبرانیَل 12:2

ئو گِز بِهِیم اَر عیسی گه بِناوَه ایمون ایمِئَه ئو ایمونمو کاملا مِهِه گه وَه خاطر اَ خَوشی‌ای گه اَر نوا بیتی، صلیب تیَمِل کِردی ئو ننگ اَوَه خوارا کِردی ئو اِسگَه نیشتیَس اَر دس راس تخت خداآ.

عِبرانیَل 4:14

اِسَه وخدی کاهن اعظم کَلِنگی دیریم گه ویرِ آسمونَل چیَسِ رُ، یانی عیسی کُر خدا، بورِن سفدِسخد بچسبیمون اَر اعتراف ایمونمو.

عِبرانیَل 7:27

او نیازی نِری اِجور کاهنَل اعظمی‌تِر کُلِ روژی، اول‌بار اَرِه گنائَل ووژ ئو دُماخِرِ اَرِه گنائَل قوم قُرونی تقدیم بِهِه. اَرِیَگه وخدی ووژ قُرونی کِردی، یِه گِل اَرِه همیشَه یَه کِردی.

عِبرانیَل 8:1

اِسگَه مصقود اصِلی چیئی گه موشیم یَسَ گه ایمَه هُنَ کاهن اعظمی دیریم گه نیشتیَس اَر دس راس تخت حضرت اعلی‌ اِنوم آسمونا

عِبرانیَل 9:16

اَرِیَگه وخدی وصیت‌نُامه‌ی ها نومجااِر، باس ثابت بو گه وصیت‌کَر مِردیَ.

عِبرانیَل 9:26

اَرِیَگه اَسَه، مسیح باس اژ زَمو بِنیا دنیا، هَر جُور کیشوئیتی. مِنتائای اِسگَه او یِه گِل اَرِه همیشَه اِ آخِر کُل دورَه‌ل ظاهر بیَ تا وَه قُرونی کِردِن ووژ، گنا اژ بِن بیَری.

اول پطرس 1:21

هُمَه گه وَه‌سونگَ او ایمونتو آوِردیَس اَر خدا، خدای گه او اژ مِردیَل زِنیا کِردی ئو جِلال داتیَ بی، تاگَه ایمون ئو امیدتون اَر خدا بو.

اول پطرس 3:22

هَر او گه ویرِ آسمو چی ئو اِسگَه ها اَر دس راس خدا ئو فریشدَه‌ل ئو صائای‌قدِرتَل ئو قویَتَل فِربوبَر اوئِن.

دوئِم پطرس 1:16

اَرِیَگه وخدی قدِرت ئو هاتِن خداونمو عیسی مسیحمو اِلومَ مَهَرد اَرِنتو، وَه دُم پاچائَلی گه وَه رِنگَری دُریس بینَ، نوئیمو، بلکِم عظَمت اومونَ چیَم دوئی.

دوئِم پطرس 1:17

اَرِیَگه وخدی او اژ خداءِ باوَه، جِلال ئو عزّت گِرتی ئو دَنگی اژ جِلال عظیم رَسیتیَ بی گه موئِتی: «یَسَ کُر عزیزگرامی مِه گه فِرَه وَه دل مِنَ.»

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

اول یوحنا 3:5

هُمَه مَذانینو گه مسیح ظاهر بی تاگَه گنا اژ بِن بیَری. اِنوم او هُیچ گنای نیَ.

یهودا 1:25

اَر اَ خداءِ یَکونَه ئو نجاددهندَه ایمَه وَه‌سونگَ عیسی مسیح، خداون ایمَه، جِلال ئو عظَمت ئو سِلطنت ئو قدِرت بو، گه اژ اَ اولَ بیَسی، اِسگَه هَسی، ئو تا ابد هَسی! آمین.

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.

مِکاشفَه 4:11

«اِاِ خداون، خداءِ ایمَه، تو لائقین گه جِلال ئو عزّت ئو قدِرت پیشکَش بو اَرینِت، اَرِیَگه تو کُل چیئِت خَلک کِرد، ئو کُل چی وَه خواس تو وِجود گِرتی ئو خَلک بی.»