غَلاطیَل 2:2 - کتاب مقدس به زبان لکی - گویش مرکزی

² وَه خاطر مِکاشفه‌ی گه گِرتِم چِم. اَر اورَه انجیلی گه اِنوم خِرِیهودیَل موعظَه مَهَم نام اَر وَرو؛ تا مِطمئن بوئم بی‌فادَه نَنیام اَر دو ئو نَنیامَس اَر دو، (وَه‌یاآگه مِه وَه بی‌کِشکی اَرِه کسَلی گه سرشناسَ چیَما ماهاتِن تیَریفِم کِردوئی.)

غَلاطیَل 2:2 Iomraidhean Croise

مَتّی 10:16

«حُواستو بو، مِه هُمَل چُی کاوِرَل کِلَ‌مَهَم اِرَه نومجا گُرگَل. اِسَه چُی مار هوشیار بوئن ئو چُی کموتر سادَه.

کارَل رسولَل 15:12

اَسَه کُل جیَمیَت بی‌کِش مَنِن ئو گوشو داءَ برنابا ئو پولُس گه داشدو نشونَه‌ل ئو مُجِزَه‌لونی تیَریفَ مَهَرد گه خدا وَه دس اونَل اِنوم خِرِیهودیَل آشگارا کِردوئیتی.

کارَل رسولَل 15:2

دُما بَث ئو دَمَرَگَ سخدی گه کَت اِنوم پولُس ئو برنابا وَه‌گَرد اونَل، قِطِ‌قِرارو نا گه اَ دوءَ گَرد چَن نفرتِر اژ اونَل اَرِه ایی گپَ بِچِن اِرَه شیَر اورشلیم اِرَه تک رسولَل ئو شیخَل.

کارَل رسولَل 15:4

هَرَخدی رَسینَ شیَر اورشلیم، کلیسا ئو رسولَل ئو شیخَل هاتِنِ نوائو. پولُس ئو برنابا هر چی گه خدا وَه‌سونگَ اونَل اَنجوم دائیتی، تیَریفون اَرِه دان.

کارَل رسولَل 18:9

یِه شو خداون اِنوم رویا وِتیَ پولُس: «زِلَت نَچو! قصَه بِهَه ئو بی‌کِش نوس!

کارَل رسولَل 23:11

هَراَ شوءَ، خداون هوسیا اَرتَک پولُس ئو وِتی: «دلِ‌دَرینِت داشدوئی! هَرهُنَ گه اِنوم شیَر اورشلیم شاتیِت دا اَر مِه، اِنوم روم‌یش باس شاتی بِین.»

کارَل رسولَل 5:34

مِنتائای پیای اژ شیخَل فرقَه فَریسی، گه نُم گامالائیل بیتی، ئو یَکی اژ مَلِمَل تورات بی ئو کُل عزّتونَ مَنیا اَری، اِنوم مِجِلیس هیزگِرتی ئو فِربو داتی گِری رسولَل بیَرنَ دِریر.

رومیان 9:16

اِسَه، یَه رَفطی اَر خواس یاگَه تقِلا اِنسو نِری، بلکِم رَفط اَر خدای دیری گه ریَم دیری.

اول قرنتیان 1:23

مِنتائای ایمَه مسیحی گه کیشیاس‌ اَر صلیب موعظَه مِهِیم گه اَرِه یهودیَل کُچِکی کَ گه پائلو گیرَ مِهِیتی اَری ئو مَکُوئِن ئو اَرِه اونَلی گه یهودی نیِن نایونیَ،

اول قرنتیان 2:2

اَرِیَگه قَصِم داشد گه اِنومتو چیئی نَذانِم بِخِر اژ عیسی مسیح، اویشَ مسیحی گه کیشیون اَر صلیب.

اول قرنتیان 9:24

مَر نِمَذانینو گه اِ مِسابقَه دو کُلَ مَنِن اَر دو، مِنتائای فَخَد یَکی جائزَه میَری؟ اِسَه هُمَه جوری بِنِن اَر دو گه بیَرینونا.

اول قرنتیان 9:26

اِسَه مِه بی‌هدف نِمَنم اَر دو؛ ئو اِجور کسی گه اِ هُوا مِشتَ مَشینی، مِشت نِماوژِم؛

دوئِم قُرَنتیان 12:1

مِه باس هَرهُنَ وَه ووژِم افتخار بِهَم؛ وَه‌یاآگه نفعی نِری، اِسَه اِبارَه رویائَل ئو مِکاشفَه‌لی گه اژ خداونِم داشدیَ، دُم قصَه‌مَ مَگِرِم.

غَلاطیَل 1:12

اَرِیَگه مِه اَومَ اژ اِنسو نَگِرت، ئو کسی‌شی اَوَه یام ناتی؛ بلکِم عیسی مسیح اَوَه آشگار کِردی اَر مِه.

غَلاطیَل 1:16

گه کُر ووژ اَر مِه ظاهر بِهِه تاگَه اِنوم خِرِیهودیَل اِلوم کَمی، مِه هِرازِه وَه‌گَرد جسم ئو خوین شورِم نَهَرد،

غَلاطیَل 1:6

بِلُجوئیمَ مای گه هُمَه اَخَ زوی اژ او گه هُمَل اِنوم فیض مسیح دَوَت کِردی گِلتوناهُاردیَ، ئو ویرِ انجیلی‌تِرَ مَچینو.

غَلاطیَل 2:6

مِنتائای اونَلی گه سرشناسَ چیَما ماهاتِن -اونَ هر کی بین اَرِه مِه فرخی نِمِهِه، اَرِیَگه خدا اَژی وِلِ‌بی‌جهتَ اژ کسی جونِمداری نِمِهِه- اَاَ، اونَل چیئونی اَر مِه اضاف نَهَرد،

غَلاطیَل 2:9

اِسَه وخدی یعقوب ئو پطرس ئو یوحنا گه سُتینَلَ چیَما ماهاتِن، فیضی گه نَصُی مِه بوئیو دی، دس رِقیفیو داءَ مِن ئو برنابا ئو کَتیم اَر یَک گه ایمَه بِچیم اَرِه تک خِرِیهودیَل ئو اُوُ بِچِن اَرِه تک ختینَه‌کَریائَل.

غَلاطیَل 5:7

هُمَه خوءَ مَنیاتون اَر دو. کی نواتو گِرتی تا فِربوبَر حخیخت نوئینو؟

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

فیلیپیَل 2:29

اِسَه اِنوم خداون وَه خَوشی کامل، بِچِنیِ گِرد ئو عزّت بِنِن اَر هُنَ کسَلی.

اول تِسالونیکیَل 3:5

اَژونَبیَ اَرِیَگه دیَر طاختِم ناآشد، تیموتائوسِم کِل‌کِرد تاگَه اژ ایمونتو باخَوَرا بوئم، اَرِیَگه زِلَمَ مَچیا گه اَ وسوسَه‌کَرَ یانی ابلیس وَه یِه طوری وسوسَه‌تو کِردوئیتی ئو زیَمَت ایمَه یِه لا چوئی.

دوئِم تیموتائوس 4:7

اِ جنگ خو، جنگِم کِردیَ، دور ووژِم رَسونِمَسَ آخِر ئو هوسیامَس اَر سر ایمونِم.

عِبرانیَل 12:1

اِسَه اَرِیَگه هُنَ اُر کَلِنگی اژ شاتیَل اِراگِرتیمونیِ، بورِن هر بار ئو هر گنای گه سفدِسخد پیچَ میریَ قِمونا، بنیمِ لا ئو وَه پایاری، اِ مِسابقه‌ی گه ها نوامون‌اِر، بِرَمیم.