غَلاطیَل 1:8 - کتاب مقدس به زبان لکی - گویش مرکزی

⁸ مِنتائای جُ‌جُ اَرّ ایمَه یا فریشدِه‌ی اژ آسمو، انجیلی بِخِر اژ اَ چیئَه گه ایمَه اِلوممو کِردیَس اَرینتو موعظَه بِهِه، لیَن اَرِنی!

غَلاطیَل 1:8 Iomraidhean Croise

مَتّی 25:41

اَسَه موشیَ اونَلی گه هانیِ لا چپا: ”اِاِ لیَنَت‌بیَل، اژ مِه دویرا بِگِرِن ئو بِچِن اِنوم آگِر ابدی‌ای گه اَرِه شِطون ئو فریشدَه‌ل او آمادَه بیَ،

مَرقُس 14:71

مِنتائای پطرس بِنیا نا اَر نُئِر کِردِن ئو قسم هُاردی، وِتی: «ایی پیاءَ گه موشینو نِمَشتاسِم!»

کارَل رسولَل 23:14

اونَل چِن اِرَه تک رِیئسَل کاهنَل ئو شیخَل ئو وِتو: «ایمَه قسم سخدمو هُاردیَ گه تا پولُس نَکُشیم، دَم اَر چیئی نَنیم.

رومیان 16:17

اِاِ بِرال، خواهشدتون اَژینَ مَهَم گه حُواستون کسَلی بو گه باعث جیاییَ موئن ئو کُچِکَ مَنِن اَر نوم رئی هُمَه ئو هان اَرضد تیَلیمی گه گِرتِتونَسا؛ اَژینو دویرا بِگِرِن،

رومیان 9:3

اَرِیَگه آواخدِم داشد گه مِه ووژِم وَه خاطر بِرالِم، یانی اونَلی گه مِطابق جسم قوم مِنِن، بوئمَ لیَنت‌بی ئو اژ مسیح جیاآ بوئم.

اول قرنتیان 12:3

اِسَه مِم بِذانینو هر کی اِنوم روحِ خدا قصَه مِهِه، هرگِس نِموشی: «لیَنت اَر عیسی»، ئو هُیچ‌کس نِمَتونی بوشی «عیسی خداونَ.» مَر وَه‌سونگَ روح‌القدس.

اول قرنتیان 16:22

لیَنت اَر اَوَه گه خداون دوس ناآشدوئیتی. اِاِ خداون ایمَه، بوری!

غَلاطیَل 1:9

هَراَ جورَ گه وِر اژ یَه وِتمو، اِسگَه مِه اِدوارَه موشِم: اَرّ کسی انجیلی بِخِر اژ اَوَه گه قبولتو کِردیَ اَرِنتو موعظَه بِهِه، لیَن اَرِنی!

غَلاطیَل 3:10

اَرِیَگه اونَلی گه تکیا میَن اَر کارَل شریعت، کُل هانِ ژیر لیَن‌اِر، اَرِیَگه اِنوم تورات نُیسیاءَ گه «لیَن اَر هر کی گه نوسی اَر سر کُل اَ چیئِلَ گه اِنوم کِتاو شریعت نُیسیاءَ ئو اَنجومو نِ.»

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

تیتوس 3:10

وَه کسی گه فَساتیَ مِهِه، یِه گِل دُماخِرِ دو گِل هُشتار بیَ، اژ اَوِءِ دُما دیَر قط خدافظیَ گَرد بِهِیتی.

دوئِم پطرس 2:14

اونَ چیَمَلی دیرِن پِر اژ زِنها گه اژ گنا کِردِن سیر نِموئن. ایی آیلَل لیَنتَ، گیونَلی گه سُسِن ماوژِنِ تِلَه ئو دلَلون اَرِه طَما آوِردیَسَ عمل!