4 گه گیو ووژ اَرِه گنائَل ایمَه داتی تا مِطابق خواس خدامو ئو باوَهمو، ایمَه اژ ایی زمونَه شَرَبارَ آزاد بِهِه.
تُئمی گه کَت اِنوم دِرِکو، کسی کَ گه کلوم خداءَ مَشتوئی، مِنتائای دلِهولی اَرِه ایی دنیا ئو فنی گه مالِمنالَ اِنسونَ مِ، اَ کلومَ خَفه مِهِه ئو بیثمرَ مِهِیتی.
هُنَ گه کُر اِنسونیش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»
یَسَ خوین مِن اَرِه عَت [جدید] گه وَه خاطر بشخِش گنائَل فِرَه کسَل مَرِشیاِرا.
اَسَه عیسی یِگِلیتِر چی ئو دوعا کِردی: «اِاِ باوَهم، اَرّ نِماو ایی جُمَ بییَگه خُرّ دَمی اژ مِه بِکُوءِ لا، اِسَه اَ چیئَه گه تونَ مِت، بو.»
«اِسَه هُمَه هُنَ دوعا بِهَن: «اِاِ باوَه ایمَه گه هاینِ آسموناِر، نُم تو مقدّس بو.
هُنَ گه کُر اِنسونیش نِهات تاگَه خِلمت اَری بِهَنی، بلکِم هات تاگَه خِلمت کِ ئو گیونی اِجور خیمت آزادی اَرِه آمَل فِرِهی بِ.»
هَرهُنَ نونی گِرتی، شگِر خدا کِردی ئو کُت کِرد ئو داءَ اونَل ئو وِتی: «یَه لار مِنَ گه اَرِه هُمَه قُرونیَ ماو؛ یَه وَه یاء مِه بارنَ جا.»
«اِاِ باوَه، اَرّ خواس تونَ، ایی جُمَ اژ مِه باوژِ لا؛ مِنتائای نه خواس مِه بلکِم اَ چیئَه گه خواس تونَ اَنجوم بِگِری.»
«مِنِم اَ شوئو خوءَ. شوئو خو گیو ووژَ مِهِئَه خِر کاوِرَلی.
اِسگَه وخد داوری اَر ایی دنیاسَ؛ اِسگَه رِئیس ایی دنیا ماوژِنَ دِریر.
مِه اژ وَر ووژِم نِمَتونِم کاری بِهَم، بلکِم مِطابق اَ چیئَه گه مَشتوئِم داوریَ مَهَم ئو داوری مِه اژ رُی عدلَ، اَرِیَگه وَه دُم خواس ووژما نیِم بلکِم هامَ دُم خواس اَوَه گه مِه کِلکِردیَسی.
اَرِیَگه اژ آسمو نِهاتِمَسَ هُار تا اَ چیئَه گه دلمَ مِیتی اَنجوم دَم، بلکِم هاتِمَ تاگَه خواس اَوَه گه مِه کِلکِردیَسی اَنجوم دَم.
وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیضوسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.
نوئنَ هُمشکِل ایی دنیاءَ، بلکِم وَه نووآ بیئِن فگِرَلتو، عوض بوئن. اَسَه مَتونینو خواس خدا تشقیص دِینو؛ خواس خو، باوِ دل ئو کامل خدا.
گه وَه خاطر گنائَل ایمَه تسِلیم مرگ بی ئو وَه خاطر صالح وَه حساو یِهاتِن ایمَه، اژ مِردیَل زِنیا بی.
ئو او گه دلَلَ مَجوری، فگِر روحَ مَذانی، اَرِیَگه روح مِطابق خواس خدا اَرِه ایمودارَل مسیح شِفاعتَ مِهِه.
اَرِیَگه اَ چیئَه گه شریعت وَه خاطر زوئین بیئین جسم نتونستی اَنجوم دِ، خدا اَنجوم داتی. او کُر ووژ وَه دائول جسم گناکار کِلکِردی تا ’قُرونی گنا‘ بو، ئو هُنَ گنا اِنوم جسم مَکوم کِردی
او گه کُر ووژ دَریخ نَهَردی، بلکِم او اَرِه کُل ایمَه تسِلیم کِردی، چطورَ گَرد او کُل چی وَه دسِدلوازیا نِموئَشخِنیَ ایمَه؟
اَرِیَگه چیئی گه رَسیَسئونِم، مِهمتِرین چیئی کَ گه دامَ دَستونا: یَگه مسیح مِطابق نُسَخ مقدّس وَه خاطر گنائَل ایمَه مِرد،
خداءِ ایی دنیا یانی شِطو ذِنَل بیایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.
وَهگَرد مسیح کیشیام اَر صلیب، ئو دیَر مِه نیِم گه زِنِهیَ مَهَم، بلکِم مسیحَ گه اِنوم مِه زِنِهیَ مِهِه؛ ئو ایی زِنِهیَ گه اِسگَه اِ جسمَ مَهَم، وَه ایمون اَر کُر خداءَ مَهَم گه مِه دوس داشدی ئو گیو ووژ اَرِه مِه داتی.
مِنتائای ناخواد مِه هرگِس وَه چیئی افتخار بِهَم بِخِر اژ صلیب خداونمو عیسی مسیح، گه وَهسونگَ اَوَه دنیا اَرِه مِه کیشیا اَر صلیباِرا ئو مِه اَرِه دنیا.
ایمَه اِنوم او بیمونَسَ وارثَل. هُنَ گه خدا کُل چیئَل مِطابق خواس ووژ اَنجومَ مِ، ایمِهیش مِطابق مصقود او وِر اژ یَه اِنتخاو بیمونَ.
ئو زمونی اِنوم اونَل زِنِهیتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِهیشَ اِنوم آیلَل کورفِربونی کارَ مِهِه.
قدِر ایی وخدَ بِذانِن، اَرِیَگه ایی روژِلَ، روژَل گَنی کِن.
ئو اِنوم مِحبت رفدار بِهَن، هَرهُنَ گه مسیحیش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.
اَرِیَگه ایمَه وَهگَرد جسم ئو خوین زورو نِمَگِریم، بلکِم ایمَه اَرضد حکِمرونَل، اَرضد رِئیسَل، اَرضد قدِرتَلی گه اَر دنیا تیَریکی حکِمرونیَ مَهَن، اَرضد قدِرتَل روحانی شر اِ جائَل آسمونی، جنگَ مِهِیم.
جِلال اَر خدا، باوَه آسمونیمو تا ابد. آمین.
اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درینداریتو گه اژ امید اِنوم خداونمو عیسی مسیحَ، ماریمَ ویر.
اِسگَه خدا، باوَه آسمونی ایمَه، ئو خداونمو عیسی، ووژ رئی ایمَه ویرِ هُمَه واز کِ.
ئو دلَلتو قرص بِهِه تا اَسَه گه خداون ایمَه عیسی وَهگَرد کُل ایمودارَل ووژَ مای، اَرتَک خدا، باوَه آسمونیمو بیعِو ئو مقدّس بوئینو.
اِسگَه خداونمو عیسی مسیح ووژ، ئو خدا، باوَه آسمونیمو گه ایمَه دوس داشدی ئو وَه فیض ووژ دلگُوئی ابدی ئو امید خو بَشخیتیَ بینمو،
او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی.
گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.
اَرِیَگه خدا، دنیا آیندَه گه دیریم اَژی قصَه مِهِیمی، فِربوبَر فریشدَهل نَهَردی.
ئو طُم خوئی کلوم خدا ئو قویَتَل زمونهی گه میا بایو کِردیَ،
چَنی ویشتِر، خوین مسیح گه وَهسونگَ روحِ ابدی، ووژ بیعِو پیشکَش کِردی اَر خدا، وِژدان ایمَه اژ کارَل بیثمر پاکا مِهِه تاگَه خِلمت اژ خداءِ زِنی بِهِیم!
اِاِ آمَل زِنهاکار، یانی نِمَذانینو گه دوسی وَهگَرد دنیا، دشمنی وَهگَرد خداءَ؟ اِسَه هر کی مِیتی رِقیف دنیا بو، ووژَ مِهِئَه دشمن خدا.
مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالحبیئین زِنِهی بِهِیم، هَراَ کسَ گه وَه زیَمَل او شِفاتو گِرتیَ.
اَرِیَگه مسیحیش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون اَرِه تک خدا. او اِنوم جسم کُشیا، مِنتائای اِنوم روح، زِنیا بی،
او کفارَه گنائَل ایمِئَه، نه فَخَد گنائَل ایمَه، بلکِم گنائَل کُل دنیایش.
ایمَه دوس داشدِنمو اژ یَه شناسیَ گه او گیو ووژ کِردیَ خِر ایمَه ئو ایمِهیش باس گیو ووژمو بِهِیمَ خِر بِرال.
ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،
ئو سروء تازهئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛
دُما اَوَه سِیلِم کِرد ئو اِسگَه، جَرخَه کَلِنگی اژ هر ملت، طائفَه ئو قوم ئو زوئونِم دی گه کس نِمَتونی بشمارتی ئو کُلو هوسیائین اَر وَر تخت ئو اَر وَر وَرک. اونَل کُل چوخائَل اِسبی اِوَرو بی ئو پَلَل خرما اِ دَسو.