اَفِسُسیَل 6:6 - کتاب مقدس به زبان لکی - گویش مرکزی

⁶ ئو یوئیشَ نه فَخَد وخدی گه هاینونِ وَر چیَمَلو، اِجور کسَلی گه هانَ دُم یَگه وَه دل اِنسونَل بوئن، بلکِم اِجور خُلُمَل مسیح گه خواس خدا وَه دل ئو گیونَ مارِن‌َ جا.

اَفِسُسیَل 6:6 Iomraidhean Croise

مَتّی 12:50

اَرِیَگه هر کی خواس باوَه مِه گه ها نوم آسمون‌اِر، باریَ جا، بِرا ئو خُیَه ئو دا مِنَ.»

مَتّی 7:21

«نه هر کی مِنَ ’اِاِ خداون، اِاِ خداون‘ هِنا کِ مَچو اِنوم پاتِشائی آسمونا، بلکِم اَوَه گه خواس باوَه‌م گه ها آسمون‌اِر باریَ جا.

مَرقُس 3:35

اَرِیَگه هر کی گه خواس خدا باریَ جا، بِرا ئو خُیَه ئو دا مِنَ.»

رومیان 6:17

مِنتائای شگِر اَرِه خدا گه وَه‌یاآگه زمونی خُلُمَل گنا بینو، اِسگَه وَه تموم دل بینو‌نَسَ فِربوبَر تیَلیمی گه خدا سپارتیَس‌ئونتو.

اول قرنتیان 7:22

اَرِیَگه نوکری گه اژ جونِم خداون دَوَت بیَ، اِنوم خداون آزادَ؛ ئو آم آزادیشی گه اژ جونِم خدا دَوَت بیَ، نوکر مسیحَ.

غَلاطیَل 1:10

یانی مِه هام اَر دُم تایید اِنسو یا تایید خدا؟ یاگَه تقِلا مَهَم وَه دل اِنسو بوئم؟ اَرّ هَنی تقِلامَ مَهَرد گه وَه دل اِنسو بوئم، خُلُم مسیح نوئیم.

اَفِسُسیَل 5:17

اِسَه نایو نوئن، بلکِم بِذانِن گه خواس خداون چیَ.

فیلیپیَل 2:12

اِسَه، اِاِ عزیزَل، هَرهُنَ گه هَر فِربوبَر بینونَ، اِسگَه، نه فَخَد وخدی مِه هم بلکِم ویشتِر وخدی نیِم، اَرِیَگه نجاد ووژتو برَسیَ نتیجَه وَه ترسِم‌لرزِم ویشتِری خیرَتتو داشدوئی.

کولُسیَل 1:9

وَه ایی خاطرَ، اژ روژی گه یَمونَ شنَفت، دَسمون اژ دوعا کِردِن اَرِنتو نکیشیَ، بلکِم یِمِجو اژ خدامونَ مِ گه پِر بوئینون اژ شناخت خواس او، اِ هر حکمت ئو فیَم روحانی،

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 2:4

بلکِم هَراَ جورَ گه خدا میر تایید داسی اَر ایمَه ئو انجیل سپارتیَسیَ بینمو، اِسَه ایمَه نه اَرِیَگه وَه دل مردِم بوئیم، بلکِم اَرِیَگه وَه دل خدای بوئیمو گه دلَلمو اِنتحونَ مِهِه، قصَه مِهِیم.

اول تِسالونیکیَل 4:3

اَرِیَگه خواس خدا یَسَ گه مقدّس بوئینو: ووژتون اژ بی‌عصمتی دویر بِگِرِن.

عِبرانیَل 10:36

اَرِیَگه لازمَ پایار بِمینینو تا زمونی گه خواس خداتو اَنجوم دا، اَ چیئَه گه وَدَه هاوِنتیَ بارینونَ دس.

عِبرانیَل 13:21

هَراَ خدای گه هُمَل مِجهز کِردیَ کُل چیئَل خو تاگَه خواس او اَنجوم دِینو، تاگَه اَ چیئَه گه وَه دِلَسی وَه‌سونگَ عیسی مسیح اِنوم ایمَه اَنجوم دِ، گه جِلال اَر او تا ابدالآباد. آمین.

اول پطرس 2:15

اَرِیَگه خواس خدا یَسَ گه وَه خوئی کِردِن ووژتو، نوا قصَه‌ل نایونی مردِم اَخمَخ بِگِرینو.

اول پطرس 4:2

هُنَ باقی عمِر اِنوم جسم، اَرِه اَنجوم دائِن خواس خدا زِنِه‌یَ مِهِه، نه اَرِه هُواوهوسَل بشری.

اول یوحنا 2:17

دنیا ئو هُواوهوسَلی دیری مَگُذَری، مِنتائای اَوَه گه خواس خدا ماریَ جا، تا ابدَ مَمینی.