اَفِسُسیَل 6:13 - کتاب مقدس به زبان لکی - گویش مرکزی

¹³ اِسَه اسلحَه کامل خدا بِهَنِ وَرتو، تا اِ روژ شر بتونینو طاخَت بارینو، ئو بتونینو دُما اَنجوم دائِن کُل چی، بوسینون اَرسر پا.

اَفِسُسیَل 6:13 Iomraidhean Croise

دوئِم قُرَنتیان 10:4

اَرِیَگه اسلحَه جنگ ایمَه جسمونی نیَ، بلکِم قدِرت خدا دیری تاگَه دِژَل اِربِرِمِنی.

لوقا 21:36

اِسَه هَر حُواستو بو ئو دوعا بِهَن تاگَه بتونینو اژ کُل ایی چیئِلَ گه وَه ایی زویَ اتفاقَ مَکُوءِ، اِ اَمو بِمینینو ئو بوسینون اَر حضور کُر اِنسو.»

اَفِسُسیَل 5:16

قدِر ایی وخدَ بِذانِن، اَرِیَگه ایی روژِلَ، روژَل گَنی کِن.

لوقا 8:13

تُئمَلی گه مَکُوئِن اِنوم زَمی گُلور کسَلی کِن گه وخدی کلومَ مَشتوئِن، وَه خَوشی مَچِنیِ گِرد، مِنتائای کلوم اِنوم اونَل ریشیا نِمِ. یوئنَ مِدت کمی ایمو دیرِن، مِنتائای موقَع اِنتحو، ایمو ووژون اژ دسَ میَن.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اَفِسُسیَل 5:6

نِیلِن کسی وَه قصَه‌ل پیک فَنتو دِ، اَرِیَگه وَه خاطر هَرایی چیئِلَسَ گه خَضو خدا مَرِشی اَرسر آیلَل کورفِربونی‌اِرا.

مِکاشفَه 6:17

اَرِیَگه روژ کَلِنگ خَضو اونَل رَسیَ ئو کیَ مَتونی طاخَت باری؟»

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

یعقوب 4:7

اِسَه تسِلیم خدا بوئن. بوسِن اَر نوا ابلیس، تاگَه اَژینتو بِحوای.

اول پطرس 4:1

اِسَه اَرِیَگه مسیح اِنوم جسم عذاو کیشیتی، هُمِه‌یش هَرِ هُنَ فگِری ووژتو آمادَه بِهَن، اَرِیَگه هرکی اِنوم جسم عذاو کیشیَسی، دیَر کارَ گنا نِری.