اَفِسُسیَل 6:12 - کتاب مقدس به زبان لکی - گویش مرکزی

¹² اَرِیَگه ایمَه وَه‌گَرد جسم ئو خوین زورو نِمَگِریم، بلکِم ایمَه اَرضد حکِمرونَل، اَرضد رِئیسَل، اَرضد قدِرتَلی گه اَر دنیا تیَریکی حکِمرونیَ مَهَن، اَرضد قدِرتَل روحانی شر اِ جائَل آسمونی، جنگَ مِهِیم.

اَفِسُسیَل 6:12 Iomraidhean Croise

مَتّی 16:17

عیسی وِتی: «خَوزگالَ تو، اِاِ شَمعون، کُر یونا! اَرِیَگه گوشد ئو خوین ایی حخیختَ اَر تو آشگارا نَهَردیِ، بلکِم باوَه مِه گه ها نوم آسمون‌اِر یَه آشگارا کِردیِ.

مَرقُس 4:19

مِنتائای هول ایی دنیاءَ ئو فنی گه مالِ‌منال وَه اِنسونَ مِ ئو هوس چیئَلی‌تِرَ ماءَ دَرینو ئو کلوم اِ دَرینو خفَه مِهِه ئو بی‌ثمرَ مِهِیتی.

لوقا 13:24

«فِرَه تقِلا بِهَن تا اژ در تنگ باینون اِنوم، اَرِیَگه موشِم‌ئونتو، فِرَه کسَل تقِلا مَهَن تاگَه بان اِنوم، مِنتائای نِمَتونِن.

لوقا 22:53

مِه کُلِ روژی اِنوم معبدَ گَردتو بیم، ئو هُمَه دَستون اَر مِه دِریژا نَهَرد. مِنتائای اِسگَه سات، سات هُمِئَه ئو سات قدِرت تیَریکی.»

یوحنا 12:31

اِسگَه وخد داوری اَر ایی دنیاسَ؛ اِسگَه رِئیس ایی دنیا ماوژِنَ دِریر.

یوحنا 14:30

دیَر ویشتِر اژ یَه قصَه‌تونَ گَرد نِمَهَم، اَرِیَگه رِئیس ایی دنیا گه شِطونَ دیری مای. او هُیچ ادعای اَر مِه نِری؛

یوحنا 16:11

ئو اِبارَه داوری کِردِن‌یش، اَرِیَگه رِئیس ایی دنیا مَکوم بیَ.

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

رومیان 8:38

اَرِیَگه زَقین دیریم گه نه مرگ ئو نه زِنِه‌ی، نه فریشدَه‌ل ئو نه رِئیسَل، نه چیئَلی گه اَلانَه هَس ئو نه چیئَلی گه میا بان، ئو نه هُیچ قدِرتی،

اول قرنتیان 15:50

بِرال، مصقودِم یَسَ گه جسم ئو خوین نِمَتونی پاتِشائی خدا بیَریَ میرات، اَ چیئَه گه اَژبِن‌چیئِنیَ، نِمَتونی چیئی گه اَژبِن‌چیئِنی نیَ بیَریَ میرات.

دوئِم قُرَنتیان 11:14

ئو یَه چی بِلُجوئی نیَ، اَرِیَگه شِطون‌یش ووژ اِجور فریشدَه نُیر اِرَماری؛

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

غَلاطیَل 1:16

گه کُر ووژ اَر مِه ظاهر بِهِه تاگَه اِنوم خِرِیهودیَل اِلوم کَمی، مِه هِرازِه وَه‌گَرد جسم ئو خوین شورِم نَهَرد،

اَفِسُسیَل 1:21

بِلِنگ‌تِر اژ هر ریاست ئو قدِرت ئو قویَت ئو حکومت، ئو بِلِنگ‌تِر اژ هر نُمی گه نه فَخَد اِ ایی زمونَه بلکِم اِنوم زمونی گه میا بای هِنا ماو.

اَفِسُسیَل 1:3

بِمارِک بو خدا ئو باوَه خداونمو عیسی مسیح، گه ایمَه اِنوم مسیح وَه هر بِرَکت روحانی اِ جائَل آسمونی بِرَکت داسی.

اَفِسُسیَل 2:2

ئو زمونی اِنوم اونَل زِنِه‌یتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِه‌یشَ اِنوم آیلَل کورفِربونی کارَ مِهِه.

اَفِسُسیَل 3:10

تا وَه‌سونگَ کلیسا اِسگَه حکمت جوراجور خدا آشگارا بو اَر حکِمرونَل ئو قدِرتَل اِ جائَل آسمونی،

کولُسیَل 1:13

اَرِیَگه قدِرت تیَریکی اژ ایمَه آوشدیَسِ لا ئو جاوازمو کِردیَسیَ پاتِشائی کُر عزیزگرامی ووژ،

کولُسیَل 2:15

او اسلحَه اژ حکِمرونَل ئو قدِرتَل گِرتی، ئو وَه فائق هاتن اَر اونَل اِنوم ووژ گه اَررُی صلیب بی، اِوَر چیَم کُل رُسبائو کِردی.

دوئِم تیموتائوس 2:5

هَمیش ورزشگاری گه مِسابقَه مِ تاج قَرَمانی نِماریَ دس، مَر یَگه مِطابق قانونَل اَوَه مِسابقَه دائیتی.

عِبرانیَل 12:1

اِسَه اَرِیَگه هُنَ اُر کَلِنگی اژ شاتیَل اِراگِرتیمونیِ، بورِن هر بار ئو هر گنای گه سفدِسخد پیچَ میریَ قِمونا، بنیمِ لا ئو وَه پایاری، اِ مِسابقه‌ی گه ها نوامون‌اِر، بِرَمیم.

عِبرانیَل 12:4

هَنی اِ جنگتونَ گَرد گنا تا پا گیو نوسیاینونَ.

اول پطرس 3:22

هَر او گه ویرِ آسمو چی ئو اِسگَه ها اَر دس راس خدا ئو فریشدَه‌ل ئو صائای‌قدِرتَل ئو قویَتَل فِربوبَر اوئِن.