اَفِسُسیَل 6:11 - کتاب مقدس به زبان لکی - گویش مرکزی

¹¹ اسلحَه کامل خدا بِهَنِ وَرتو تا بتونینو بوسینون اَر نوا فن‌ِفیتَل ابلیس.

اَفِسُسیَل 6:11 Iomraidhean Croise

مَرقُس 13:22

اَرِیَگه مسیحَل ئو پِخَمَرَل دِروزِنِ آشگارَ موئن، نشونَه‌ل ئو مُجِزَه‌ل اَنجومَ میَن تاگَه اَرّ بو، کسَلی گه دیاری بینَ اژ رئی اِربارِن.

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

رومیان 13:14

بلکِم شصخیت عیسی مسیح خداون اِجور جِنِکی بِهَنِ وَر ئو اَرِه جسم تیارِک نوئینِن تاگَه چیئَلی گه جسمَ مِیتی بارینونَ جا.

اول قرنتیان 10:13

هُیچ اِنتحونی نِهاتیَس اَر سرتو گه اَرسر باقی آمَل نِهاتوئی. خدا اَمونتدارَ؛ او نِمِیلی ویشتِر اژ قویَتتو اِنتحو بوئینو، بلکِم وَه‌گَرد اِنتحونی گه موئینو، رئی اَرِه حِواین‌یش جورَ مِهِه، تاگَه بتونینو طاخَت بارینو.

دوئِم قُرَنتیان 10:4

اَرِیَگه اسلحَه جنگ ایمَه جسمونی نیَ، بلکِم قدِرت خدا دیری تاگَه دِژَل اِربِرِمِنی.

دوئِم قُرَنتیان 11:3

مِنتائای زِلَمَ مَچو هَرهُنَ گه مار وَه رِنگَری ووژ، سر حوّا فن داتی، فگِرَل هُمِه‌یش اژ ارادت خالص ئو رُی‌راسی گه اَر مسیح دیرینو، اِرگیردی.

دوئِم قُرَنتیان 2:11

تاگَه شِطو سر ایمَه فن نِ، اَرِیَگه اژ فنِ‌فیتَلی بی‌خَوَر نیئیمو.

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

دوئِم قُرَنتیان 6:7

وَه راس‌وَشی، وَه قدِرت خدا ئو وَه شِمشیر صالح‌بیئین اِ دس راس ئو چپ؛

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

اَفِسُسیَل 4:24

ئو اِنسونی تازَه بِهِینونِ وَر، گه اِ صالح‎بیئِن ئو قدوسیّت حخیخی، اِجور خدا خَلک بیَ.

اَفِسُسیَل 6:13

اِسَه اسلحَه کامل خدا بِهَنِ وَرتو، تا اِ روژ شر بتونینو طاخَت بارینو، ئو بتونینو دُما اَنجوم دائِن کُل چی، بوسینون اَرسر پا.

کولُسیَل 3:10

ئو اِنسو نووتو کِردیَسِ وَر، گه دیری اِنوم میَرفت حخیخی تازه‌آ ماو تا بو اِجور خالق ووژ.

اول تِسالونیکیَل 5:8

مِنتائای اَرِیَگه ایمَه هِن روژیم، باس وَه سر ووژمونا بوئیم، ئو ایمون ئو مِحبت اِجور زِری‌ای بوئنیم اَر وَر سینَه‌مونا ئو کِلاوخور امید نجاد بنیمِ سر.

عِبرانیَل 7:25

اِسَه اوءَ مَتونی اونَلی گه وَه‌سونگَ او مان اِرَه تک خدا، کامل نجاد دِ. اَرِیَگه هَر زِنیَ تاگَه شِفاعتو کِ.

یعقوب 4:7

اِسَه تسِلیم خدا بوئن. بوسِن اَر نوا ابلیس، تاگَه اَژینتو بِحوای.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

یهودا 1:24

اَر او گه مَتونی هُمَل اژ کَتِن اژ ایمو حفظ بِهِه ئو پِر اژ خَوشی کَلِنگی بی‌عِو باریتون‌ اَرِه درگا جِلال ووژ،

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 19:20

مِنتائای اَ جونور وَشیَ گرفدار بی ئو وَه‌گَرد او اَ نبوّت‌کَر دِروزِنِ گه اَرتَک او نشونَه‌ل ئو مُجِزَه‌لی کِردوئیتی تاگَه وَه اونَ کسَلی فن بِ گه چوئینِ گِرد نشونَه اَ جونور وَشیَ ئو مِجسمَه اَوُنَ مَپِرَسیا. اُوُنو هَردِک، زِنی آوشد اِنوم دریاچَه آگِر ئو گوگرد.

مِکاشفَه 2:24

مِنتائای وَه باقی هُمَه اِ شیَر تیاتیرا، گه نمَچسبینون اَر ایی تیَلیمَ ئو اَ چیئَه گه بِری موشِنی‌ئون ’رازَل قویل شِطو‘ نَگِرتِتونَسا، یَه موشِم‌ئونتو گه بار ویشتِری نِمَنم اَر کولتو.