اَفِسُسیَل 5:2 - کتاب مقدس به زبان لکی - گویش مرکزی

² ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اَفِسُسیَل 5:2 Iomraidhean Croise

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

یوحنا 13:34

حکِم نووئی میَمَ بینتو، ئو اَوَه یَسَ گه مِحبت بِهَن اَر یَکتِری. هَرهُنَ گه مِه مِحبتِم کِرد اَر هُمَه، هُمِه‌یش باس مِحبت بِهِینون اَر یَکتِری.

یوحنا 6:51

مِنِم اَ نُو زِنیَ گه اژ آسمو هاتَ هُار. هر کی اژ ایی نونَ بیری، تا ابد زِنیَ مَمینی. لار مِنَ اَ نونَ گه ژییاینَ موئَشخیَ دنیا.»

رومیان 15:16

تاگَه خادم مسیحْ عیسی اَرِه خِرِیهودیَل بوئم ئو اِجور کاهنی اِ خِلمت انجیل خدا، تاگَه خِرِیهودیَل پیشکَشی باوِ دل خدا بوئن گه وَه‌سونگَ روح‌القدس تقدیس بیَ.

رومیان 4:25

گه وَه خاطر گنائَل ایمَه تسِلیم مرگ بی ئو وَه خاطر صالح وَه حساو یِهاتِن ایمَه، اژ مِردیَل زِنیا بی.

رومیان 8:3

اَرِیَگه اَ چیئَه گه شریعت وَه خاطر زوئین بیئین جسم نتونستی اَنجوم دِ، خدا اَنجوم داتی. او کُر ووژ وَه دائول جسم گناکار کِل‌کِردی تا ’قُرونی گنا‘ بو، ئو هُنَ گنا اِنوم جسم مَکوم کِردی

رومیان 8:37

بلکِم وَه‌سونگَ او گه مِحبت کِردی اَر ایمَه، اِ کُل ایی چیئِلَ ایمَه سرتِر اژ کسَلی کیم گه فائق هاتِنَ.

اول قرنتیان 16:14

کُل کارَلتو وَه مِحبتا بو.

اول قرنتیان 5:7

ووژتون اژ حمیرتُرش کُینَه پاکا کَن تاگَه حمیر نوو بوئینو، هُنَ گه اِراسی فطیرینو؛ اَرِیَگه مسیح، وَرک پِسَخ ایمَه، قُرونی بیَ.

دوئِم قُرَنتیان 2:14

مِنتائای شگِر اَرِه خدا گه هَر اِ مسیح، ایمَه اِ صف کسَلی گه بِردونَسا رَبَریَ مِهِه، ئو عطِر خَوش شناخت ووژ وَه‌سونگَ ایمَه اِ کُل جا پَشخا مِهِه.

دوئِم قُرَنتیان 2:15

اَرِیَگه ایمَه اَرِه خدا عطِر خَوش مسیحیمو، چه اِنوم کسَلی گه نجادَ مَگِرِن ئو چه کسَلی گه نابودَ موئن،

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

غَلاطیَل 1:4

گه گیو ووژ اَرِه گنائَل ایمَه داتی تا مِطابق خواس خدامو ئو باوَه‌مو، ایمَه اژ ایی زمونَه شَرَبارَ آزاد بِهِه.

غَلاطیَل 2:20

وَه‌گَرد مسیح کیشیام‌ اَر صلیب، ئو دیَر مِه نیِم گه زِنِه‌یَ مَهَم، بلکِم مسیحَ گه اِنوم مِه زِنِه‌یَ مِهِه؛ ئو ایی زِنِه‌یَ گه اِسگَه اِ جسمَ مَهَم، وَه ایمون اَر کُر خداءَ مَهَم گه مِه دوس داشدی ئو گیو ووژ اَرِه مِه داتی.

اَفِسُسیَل 1:4

اَرِیَگه وِر اژ یَگه بِنیا دنیا باوِنی، ایمَه اِنوم مسیح اِنتخاو کِردی تا اَر تک ووژ مقدّس ئو بی‌عِو بوئیم. ئو اِنوم مِحبت،

اَفِسُسیَل 3:17

تاگَه مسیح وَه‌سونگَ ایمو لیز بِگِری اِنوم دلَلتو، ئو اِنوم مِحبت ریشیا بِینو ئو پایارا بوئینو،

اَفِسُسیَل 3:19

ئو مِحبت مسیح گه بِلِنگ‌تِر اژ درک ئو فیَم بشرَ، بشتاسینو- تا اژ پِری کامل خدا پِرا بوئینو.

اَفِسُسیَل 4:15

بلکِم وَه وِتِن حخیخت اِنوم مِحبت، ایمَه باس اِ کُل چی اِنوم او گه سِرَ، یانی مسیح، رشد بِهِیم.

اَفِسُسیَل 4:2

اِ تاواضی کامل ئو مِلائمت، وَه صبِر ئو اِنوم مِحبت یَکتِری تیَمِل بِهَن.

اَفِسُسیَل 5:15

اِسَه، خو حُواستو بو گه چطور رفدارَ مِهِینو، رفداری نه اِجور نایونَل بلکِم اِجور دونائَل.

اَفِسُسیَل 5:25

اِاِ میردَه‌ل، ژِنَلتو دوس داشدوئی، هَرهُنَ گه مسیح کلیسا دوس داشدی ئو گیو ووژ کِردَ خِر،

فیلیپیَل 4:18

اَ پیلمَ کامل گِرت ئو جُ‌جُ ویشتِر. ئو اِسگَه گه پیشکَشیَلی گه هُمَه کِلتوکردیَ، اژ اِپافْرودیتوسِم گِرتیَ، کُل چی دیرِم، گه یِه پیشکَشی خَوشبو ئو قُرونی قابلِ قبول ئو وَه دل خدای کَ.

کولُسیَل 3:14

ئو اَر رُی یوئنَ کُل، مِحبت بِهَنِ وَر گه کُل چی اِ اتحاد کامل مَنیَ قِ یَکا.

اول تِسالونیکیَل 4:9

اِسگَه اِبارَه مِحبت بِرائی نیازی نیَ کسی چیئی اَرِنتو بِنُیسِنی، اَرِیَگه هُمَه ووژتون اژ خدا گِرتِتونَسا گه یَکتِریتو دوس داشدوئی.

اول تیموتائوس 2:6

او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی.

اول تیموتائوس 4:12

نِیل هُیچ‌کس وَه خاطر جِهالیِت خوارِت کِ، بلکِم اِ قصَه کِردِن ئو کردار ئو مِحبت ئو ایمون ئو پاکی، سرمقش کُل ایمودارَل بو.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 8:3

اَرِیَگه هر کاهن اعظم مَیِّنَ ماو تاگَه پیشکَشیَل ئو قُرونیَل تقدیم بِهِه. اِسَه، ایی کاهن‌یشَ باس چیئی اَرِه تقدیم کِردِن داشدوئیتی.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

عِبرانیَل 9:23

اِسَه لازمَ چیئَلی گه نمونَه چیئَل آسمونیِن وَه ایی قُرونیِلَ پاکا بوئن، مِنتائای چیئَل آسمونی، ووژو وَه قُرونیَل بیتِر اژ یوئنَ.

عِبرانیَل 9:26

اَرِیَگه اَسَه، مسیح باس اژ زَمو بِنیا دنیا، هَر جُور کیشوئیتی. مِنتائای اِسگَه او یِه گِل اَرِه همیشَه اِ آخِر کُل دورَه‌ل ظاهر بیَ تا وَه قُرونی کِردِن ووژ، گنا اژ بِن بیَری.

اول پطرس 4:8

مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

اول یوحنا 3:16

ایمَه دوس داشدِنمو اژ یَه شناسیَ گه او گیو ووژ کِردیَ خِر ایمَه ئو ایمِه‌یش باس گیو ووژمو بِهِیمَ خِر بِرال.

اول یوحنا 3:23

حکِم او یَسَ گه ایمو باریمَ نُم کُری عیسی مسیح ئو یَکتِریمو دوس داشدوئی، هُنَ گه مسیح‌یش هَر ایی فِربونَ داسیَ ایمَه.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛