اَفِسُسیَل 5:16 - کتاب مقدس به زبان لکی - گویش مرکزی

¹⁶ قدِر ایی وخدَ بِذانِن، اَرِیَگه ایی روژِلَ، روژَل گَنی کِن.

اَفِسُسیَل 5:16 Iomraidhean Croise

مَتّی 25:17

هَرِ ایی جورَ، اَوَه گه دو قَنطار داشدی، دو قَنطارِتِریش فادَه کِردی.

یوحنا 12:35

اَسَه عیسی وِتیَ بینو: «تا مِدتی‌تِر، نُیر ها گَردتو. اِسَه تا وخدی گه هَنی نُیر ها گَردتو، بِچِنَ رئیا، ناخواد تیَریکی هُمَه اِرابِگِری. اَوَه گه اِنوم تیَریکیَ مَچوءَ رئیا، نِمَذانی کوءَ مَچو.

رومیان 13:11

هَمیش هُمَه مَذانینو گه هاینونِ چه زمونی‌کِر، گه هَراِسگَه سات رَسیَسی گه اژ خاو هیزگِرینو، اَرِیَگه نجاد ایمَه اِسگَه نزیکتِر اژ زمونی کَ گه ایمونمو آوِرد.

اول قرنتیان 7:26

مِه گُمونَ مَهَم وَه خاطر سخدیَلی گه اِسگَه هَس، اَرِه اِنسو خوءَ اِ هر وضی گه هَس بِمینی.

غَلاطیَل 1:4

گه گیو ووژ اَرِه گنائَل ایمَه داتی تا مِطابق خواس خدامو ئو باوَه‌مو، ایمَه اژ ایی زمونَه شَرَبارَ آزاد بِهِه.

غَلاطیَل 6:10

اِسَه تا وخد دیریم خوئی بِهِیم اَر کُل کس، مصقوصاً اَر ایمودارَل مسیح.

اَفِسُسیَل 6:13

اِسَه اسلحَه کامل خدا بِهَنِ وَرتو، تا اِ روژ شر بتونینو طاخَت بارینو، ئو بتونینو دُما اَنجوم دائِن کُل چی، بوسینون اَرسر پا.

اَفِسُسیَل 6:15

ئو کِلاش آمادَه بیئِن اَرِه اِلوم کِردِن انجیل سِلامتیتو کِردیَسِ پا.

کولُسیَل 4:5

وَه‌گَرد مردِمی گه اژ کلیسا هانَ دِریر، وَه حِکمتا رفدار بِهَن، اژ هر مِجالی استفادَه بِهَن.