اَفِسُسیَل 5:14 - کتاب مقدس به زبان لکی - گویش مرکزی

¹⁴ اَرِیَگه هر چیئی گه آشگارا ماو نُیرَ. اَژونَسَ موشی: «اِ کسی گه هاینِ خاواِر، بوءَ خَوَر، اژ مِردیَل هیزگِر، ئو مسیح مَدَرشخی اَرینِت.»

اَفِسُسیَل 5:14 Iomraidhean Croise

لوقا 1:78

اَرِیَگه خداءِ ایمَه دلی دیری، پِر اژ ریَمَت، اَژونَسَ، تیخ هویَر اژ عرشِ فِلک، مَجویجی اَر ایمَه،

لوقا 15:24

اَرِیَگه ایی کُرمَ مِردوئی، اِدوارَه زِنیا بیَ؛ گم بوئی، بیَسَ دی!“ اِسَه بِنیائو نا اَر جَشت ئو خَوشی.

یوحنا 8:12

اَسَه عیسی یِه گِلی‌تِر وَه‌گَرد مردِم قصَه کِردی، وِتی: «مِنِم نُیر دنیا. هر کی وَه تُرّ مِنا بای، هرگِس اِنوم تیَریکی نِمَچوءَ رئیا، بلکِم نُیر ژییاین دیری.»

یوحنا 9:5

تا وخدی گه هامِ دنیا، نُیر دنیام.»

کارَل رسولَل 13:47

اَرِیَگه خداون هُنَ فرمائشت کِردیَسیَ ایمَه: «”تونِم کِردیَسَ نُیری اَرِه خِرِیهودیَل، تاگَه نجاد برَسِنینَ ایی پر تا اَ پر دنیا.“»

رومیان 6:13

عضا لار ووژتو تسِلیم گنا نَهَن تاگَه وسیلَه‌ ناراسی بوئن، بلکِم اِجور کسَلی گه اژ مرگ گِلوناهُاردیَسَ زِنِه‌ی، ووژتو تسِلیم خدا کَن تاگَه عضا لارتو اَرِه خدا وسیلَه‌ راسی بوئن.

اول قرنتیان 15:34

اژ ایی گیژی مَسیَ بورنَ دِریر ئو دیَر گنا نَهَن؛ اَرِیَگه بِری هَن گه خدا نِمَشتاسِن. یَه موشِم تاگَه خجالتا بوئینو.

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

اَفِسُسیَل 2:1

ئو هُمَه اِنوم خطائَل ئو گنائَل ووژتو مِردوئینو،

اَفِسُسیَل 2:5

جُ‌جُ وخدی اِنوم خطائَلمو مِردوئیمو، وَه‌گَرد مسیح زِنیا کِردیمی -اِسَه، وَه‌سونگَ فیض نجادتو گِرتیَ؛

کولُسیَل 3:1

اِسَه اَرّ وَه‌گَرد مسیح اژ مِردیَل زِنیا بینونَ، اِ دُم چیئَلیا بوئن گه هانِ بِلِنگ، جای گه مسیح نیشتیَس اَر دس راس خدا.

اول تِسالونیکیَل 5:6

اِسَه باس اِجور باقی، نِئسیم، بلکِم بِمینیمَ خَوَر ئو وَه سر ووژمونا بوئیم.

دوئِم تیموتائوس 1:10

ئو اِسگَه وَه‌سونگَ ظاهربیئِن نجاددهندَه‌مو مسیحْ عیسی، کَتیَسِ در- او گه وَه‌سونگَ انجیل مرگ اژ بِن بِردی ئو زِنِه‌ی ئو ژییاین ابدی آشگار کِردی،

دوئِم تیموتائوس 2:26

ئو بانَ سر ووژو ئو اژ تِلَه ابلیس بِحوان گه اونَل اسیر کِردیِ گه خواس او بارِنَ جا.