اَفِسُسیَل 4:18 - کتاب مقدس به زبان لکی - گویش مرکزی

¹⁸ عَخِلو کور بیَ، ئو وَه خاطر نایونی‌ای گه اژ سخددلیو ها نومون‌اِر، اژ ژییاین خدا دویرا کَتِنَ.

اَفِسُسیَل 4:18 Iomraidhean Croise

مَتّی 13:15

اَرِیَگه دل ایی قومَ بیَسَ بَرد، گوشَلو سنگینا بیَ، ئو چیَمَل ووژونا بَسدونَ، تاناخواد وَه چیَمَلونا بوئینِن، ئو وَه گوشَلونا بشتوئِن ئو اِنوم دلَل ووژونا بفیَمِن ئو گِلابیرِنِ دُما ئو مِه شِفائو دَم.“

مَرقُس 3:5

عیسی، وَه پیرّا سِیل کِردی اَر کسَلی گه اِ دورا بینی ئو خَمین اژ سنگدلیو، وِتیَ اَ پیا: «دسِت دِریژ کَ.» او دس ووژ دِریژ کِردی ئو دَسی اِجور اول آزاآ بی.

یوحنا 12:40

«او چیَمَل اونَل کور، ئو دلَلو کِردیَسیَ بَرد، تا وَه چیَمَل ووژو نوئینِن، ئو وَه دل ووژو نفیَمِن، ئو گِلانیرِن‌ِ دُما تاگَه شِفائو دَم.»

کارَل رسولَل 17:30

خدا دورَه‌ل نایونیَ نِئیَ گِرتی، مِنتائای اِسگَه فِربونَ مِئَه کُل مردِم اِ کُل جا گه توئَه کَن.

کارَل رسولَل 3:17

«ئو اِسگَه اِاِ بِرال، مَذانِم گه کار هُمَه چُی کَلِنگَلتو اژ نایونی بیَ.

رومیان 1:28

هَرهُنَ گه شناخت خدا اَرِه اونَل ارزشدی ناآشدی، خدا اونَل تسِلیم فگِرَل گَنو کِردی تاگَه اَوَه گه نَباس، اَنجوم دَن.

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

رومیان 11:7

اِسَه چَه؟ یَگه قوم اسرائیل اَ چیئَه گه وَه دُما بیتی، ناوِردیَ دس. مِنتائای اونَلی گه دیاری بینَ آوِردونَ دس ئو باقی، دِلو بیَ بَرد.

رومیان 2:19

ئو اطمینو دیرین گه رَنِما کورَلین ئو اَرِه کسَلی گه هان اِنوم تیَریکی‌اِر، نُیرین،

اول قرنتیان 1:21

اَرِیَگه وَه حکمت خدا، دنیا نتونستی وَه‌سونگَ حکمتْ، خدا بشتاسی، خدا هُنَ صِلا دیتی گه وَه‌سونگَ هَرایی نایونیَ گه موعظَه مِهِیم، کسَلی گه ایمونَ مارِن، نجاد بِ.

اول قرنتیان 2:8

هُیچ‌کُم اژ حکِمرونَل ایی دنیاءَ ایی حِکمتونَ نَفیَمی، اَرِیَگه اَرّ اونَ مَفیَمیان، خداون جِلالو نِمَکیشیا اَر صلیب.

دوئِم قُرَنتیان 3:14

ذِنو تیَریکا بوئی اَرِیَگه تاگَه ایمِرو وخدی اوُ عَت عتیقَ مَحیوَنِن هَراَ نِقاوَ اَر نوم‌رُیو هَر ها سرجا ووژ ئو هیزنَگِرتیِ، اَرِیَگه فَخَد وَه‌سونگَ مسیح هیزَمَگِری.

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

غَلاطیَل 4:8

وِرِکار، زمونی گه خداتو نِمَشتاسیا، بَنَه اونَلی بینو گه ذاتاً خدا نیِن.

اَفِسُسیَل 2:1

ئو هُمَه اِنوم خطائَل ئو گنائَل ووژتو مِردوئینو،

اَفِسُسیَل 2:12

بارِنَ ویر گه اِ اَ زمونَ، اژ مسیح جیا بینو، ئو جُزم قوم اسرائیل وَه حساو نِماهاتینو ئو وَه‌گَرد عَتَل وَدَه بیگونَه بینو، ئو ناامید ئو بی‌خدا اِنوم ایی دنیاءَ زِنِه‌یتونَ مَهَرد.

کولُسیَل 1:21

هُمِه‌یش زمونی وَه‌گَرد خدا بیگونَه ئو اِ فگِرتو دشمن بینونی، ئو یَه اِنوم شَرَباریتو دیارَ موئیا.

اول تِسالونیکیَل 4:5

نه اِ هُواوهوس شَوَت، اِجور خِرِیهودیَلی گه خدا نِمَشتاسِن.

عِبرانیَل 5:2

اوءَ مَتونی وَه‌گَرد نایونَل ئو اَژرئی‌اِر‌هاتیَل، وَه مِلائمت رفدار بِهِه، اَرِیَگه ووژیشی ضیَف دیری.

عِبرانیَل 9:7

مِنتائای فَخَد کاهن اعظمَ مَچیا اِنوم بَشق دوئِمینِهَه، اَویشَ فَخَد سالی یِه گِل، ئو هر گِل‌یشی خوین قُرونیَ گَرد ووژَ موئردی تا اَرِه ووژ ئو گنائَلی گه قوم اژ نایونی اَنجومو دائی، پیشکَش کِ.

یعقوب 4:4

اِاِ آمَل زِنهاکار، یانی نِمَذانینو گه دوسی وَه‌گَرد دنیا، دشمنی وَه‌گَرد خداءَ؟ اِسَه هر کی مِیتی رِقیف دنیا بو، ووژَ مِهِئَه دشمن خدا.

اول پطرس 1:14

اِجور آیلَل فِربوبَر، دیَر نوئن اِجور هُواوهوسَلی گه دورَه نایونی اَسگَه‌تونَ داشد.

اول یوحنا 2:11

مِنتائای هر کی اژ بِرا ووژ بیزارَ، ها نوم تیَریکی‌اِر ئو اِنوم تیَریکیَ مَچوءَ رئیا. او نِمَذانی ویرِ کوءَ مَچو، اَرِیَگه تیَریکی چیَمَل کور کِردیَ.