اَفِسُسیَل 4:14 - کتاب مقدس به زبان لکی - گویش مرکزی

¹⁴ تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

اَفِسُسیَل 4:14 Iomraidhean Croise

مَتّی 11:7

وخدی شاگردَل یحیی مَچیان، عیسی بِنیا نا اَر قصَه کِردِن اِبارَه یحیی وَه‌گَرد مردِم ئو وِتی: «چینون اِرَه بیاوو چَه بوئینینو؟ چینو زَل گه وَه وا مَشَکی، بوئینینو؟

مَتّی 24:11

پِخَمَرَل دِروزِنِ فِرِه هیزَمَگِرِن، فِرَه کسَل اژ رئی اِرَمارِن.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

کارَل رسولَل 23:21

نَچوءِ ژیر اَ چیئَه گه مِئو، اَرِیَگه ویشتِر اژ چِل نفر اَژینو کُلون اِراگِرتیَ. اونَل قسمو هُاردیَ گه تا او نکُشِن، نه آو بیرِن نه نُو. ئو اِسگَه حاضرِن، ئو فَخَد چیَمَ‌رئیِن تاگَه جنابعالی بِچینِ گِرد اَ چیئَه گه مِئو.»

اول قرنتیان 12:2

هُمَه مَذانینو وخدی گه بِت‌پِرَس بینو، هر جوری گه موئیا مَکیشیاینو ویرِ بِتَل لال ئو اژ رئی اِرَماهاتینو.

اول قرنتیان 14:20

اِاِ بِرال، اِ درک ئو فیَم اِجور آویل نوئن، بلکِم اِ گَنی کِردِن اِجور کورپَه بوئن. برعسک، اِ درک ئو فیَم اِجور آم بالغ بوئن.

اول قرنتیان 3:19

اَرِیَگه حکمت ایی دنیا وَه نظر خدا نایونیَ. اَرِیَگه اِنوم کِتاو ایوب نُیسیاءَ: «خدا آمَل دونا وَه فنِ‌فیت ووژو گرفدارَ مِهِه.»

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

دوئِم قُرَنتیان 4:2

بلکِم ایمَه رئیَل پنهونی ئو نادُریسمو رد کِردیَ ئو وَه رِنگَریا رفدار نِمِهِیم ئو دس اِنوم کلوم خدا نِمیَریم، بلکِم وَه آشگارا وِتِن حخیخت، تقِلاءَ مِهِیم اَرتَک خدا ئو وِژدان کُل مردِم، تایید بوئیمو.

غَلاطیَل 3:1

اِاِ غَلاطیَل نایو، کی جادوتو کِردیِ؟ مرگ عیسی مسیح هُنَ آشگارا اَرِنتو تیَریف بی مَری اِ وَر چیَمَلتو کیشیا اَر صلیب.

اَفِسُسیَل 6:11

اسلحَه کامل خدا بِهَنِ وَرتو تا بتونینو بوسینون اَر نوا فن‌ِفیتَل ابلیس.

اول تیموتائوس 3:6

ئو نَباس تازَه ایمو آوِردوئیتی، ناخواد قُراتا بو ئو اِجور ابلیس مَکوم بو.

دوئِم تیموتائوس 1:15

خَوَر دیرین گه کسَلی گه هانِ هیال آسیااِر کُل رُیون اژ مِن اِرپِلونیَ، اِنوم اونَ فیگِلوس ئو هِرموگِنِس‌یش هَن.

دوئِم تیموتائوس 3:13

مِنتائای شَرَبارَل ئو رِنگَرَل اِ گَنی گَنتِرا موئن، فنَ میَن ئو فنَ میرِن.

دوئِم تیموتائوس 4:3

اَرِیَگه زمونی مای گه مردِم تیَمِل شنَفتِن کلوم دُریس نِرِن، بلکِم بِری مَلِم جیَمَ مَهَن اَر دور ووژو گه اَ چیئَه گه گوشَلونَ مِیتی ئو مِطابق هُواوهوسَلونَ، بشتوئِن؛

عِبرانیَل 13:9

وَه تیَلیمَل جوراجور ئو بِلُجوئی اژ رئی اِرنان، اَرِیَگه خوءَ گه دل اِنسو اژ فیض قویَت بِگِری، نه اژ خوراکَلی گه اَرِه کسَلی گه هانَ دُمونا، نفعی نِرِن.

یعقوب 1:6

مِنتائای وَه ایمو بِیتی ئو هُیچ چِرچِ دل نیَری، اَرِیَگه هر کی چِرچ بیَریِ دل، اِجور موج دریاءَ گه وا مِیتی اَری ئو ایلا ئو اَلاءَ مِهِیتی.

یعقوب 3:4

سِیل بِهَن اَر کَشتیَل‌یش وَه‌یاآگه فِرَه کَلِنگِن ئو وَه واهوفَه‌ل رئیَ مَهَن، وَه سُکّان گُجَری، ویرِ هر لای گه ناخدا بِیتی، هدائَتَ موئن.

دوئِم پطرس 2:18

اَرِیَگه وَه قصَه‌لی گه وَه دَنگ کَلِنگ پر اژ قُراتی ئو نَفیَمیَ، اونَلی گه وَه ایی تازَه اژ چِنگ کسَلی گه اژ رئی اِرهاتِنَ حِواینَ، ماوژِنِ تِلَه شَوَتَل نفسونی ووژو.

اول یوحنا 2:19

اونَل اِنوم ایمَه چِنَ دِریر، مِنتائای اژ ایمَه نوئین؛ اَرِیَگه اَرّ اونَل اژ ایمَه بیان، مَمَنِنَ گَرد ایمَه. مِنتائای اونَ چِنَ دِریر تا یَه بِکُوءِ در گه هُیچ‌کُم اژ اونَ اژ ایمَه نیِن.

اول یوحنا 2:26

مِه ایی چیئِلَ اَرِه هُمَه اِبارَه کَسَلمی نُیسونیَ گه میا هُمَه اژ رئی اِربارِن.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

یهودا 1:12

یوئنَ اِنوم مِمونیَل پِر اژ مِحبت هُمَه بی‌هُیچ خجالتی وَه‌گَردتو میرِن ئو خُرَّ میَن، مِنتائای اِجور کمرَل ژیر آوِن گه نِماو بوئینیو؛ یوئنَ شوئونَلی کِن گه ووژونَ مَگِرِن اَر بَن؛ اُرَل بی‌وارونی کِن گه وائونَ میَری، ئو دارَل بی‌ثمر آخِر پایزِن گه دو گِل مِردِنَ ئو ریشیون اِرهاتیَ.

مِکاشفَه 19:20

مِنتائای اَ جونور وَشیَ گرفدار بی ئو وَه‌گَرد او اَ نبوّت‌کَر دِروزِنِ گه اَرتَک او نشونَه‌ل ئو مُجِزَه‌لی کِردوئیتی تاگَه وَه اونَ کسَلی فن بِ گه چوئینِ گِرد نشونَه اَ جونور وَشیَ ئو مِجسمَه اَوُنَ مَپِرَسیا. اُوُنو هَردِک، زِنی آوشد اِنوم دریاچَه آگِر ئو گوگرد.