اَفِسُسیَل 4:13 - کتاب مقدس به زبان لکی - گویش مرکزی

¹³ تا وخدی گه کُل ایمَه اِنوم ایمو بوئیمونَ یَکی ئو درکمون اژ کُر خدا یَکی بو تاگَه هُنَ چَن آم کاملی رشد بِهِیم ئو برَسیمَ چَن پِری‌ دائول مسیح.

اَفِسُسیَل 4:13 Iomraidhean Croise

مَتّی 11:27

باوَه‌م کُل چی سپارتیَسیَ مِه. کس کُر نِمَشتاسی بِخِر اژ باوَه ئو کس باوَه نِمَشتاسی بِخِر اژ کُر ئو اونَلی گه کُر بِیتی باوَه اَرینو آشگارا بِهِه.

یوحنا 1:16

اژ پِری او کُل ایمَه بیَرَه‌مو بِردیَ، فیض اَر رُی فیض.

یوحنا 16:3

ئو ایی کارِلَ مَهَن، اَرِیَگه نه باوَه آسمونیَ مَشتاسِن، نه مِه.

یوحنا 17:21

تاگَه کُل یَکی بوئن، هَرهُنَ گه تو اِ باوَه هاین اِنوم مِه ئو مِن‌یش هام اِنوم تو. هُنَ بِهَه گه اون‌یش اِنوم ایمَه بوئن، تاگَه دنیا ایمو باری گه تو مِنِت کِل‌کِردیَ.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 6:69

ئو ایمَه ایمونمو آوِردیَ ئو فیَمیمونَ گه اَ قدوسِ خدا تونین.»

کارَل رسولَل 4:32

کُل ایمودارَل اژ دل ئو گیو یَکی بین ئو هُیچ کس چیئی اژ دارِنداری هِن ووژ نِمَذِناسدی، بلکِم اِ کُل چی وَه‌گَرد یَک هُم‌بیَر بین.

اول قرنتیان 1:10

اِاِ بِرال، وَه نُم خداونمو عیسی مسیح خواهشد اَژینتونَ مَهَم گه کُل یِه دل بوئن ئو جیاکی نَکُوءِ نومتو، بلکِم فگِر ئو عخیدَه‌تو، یَکی بو.

اول قرنتیان 14:20

اِاِ بِرال، اِ درک ئو فیَم اِجور آویل نوئن، بلکِم اِ گَنی کِردِن اِجور کورپَه بوئن. برعسک، اِ درک ئو فیَم اِجور آم بالغ بوئن.

اول قرنتیان 2:6

وَه ایی حالا، ایمَه اِنوم کسَلی گه کَلِنگِن، حکمتَ موشیم، مِنتائای نه حکمتی گه هِن ایی زمونَه یاگَه حکِمرونَل ایی زمونِئَه گه مَکومِن تاگَه اژ بِن بِچِن،

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

غَلاطیَل 4:19

اِ رولَه‌ل، گه اِدوارَه اَرِنتو ژُ زائین دیرِم تا مسیح اِنوم هُمَه شکِل بِگِری،

اَفِسُسیَل 1:17

تاگَه خداءِ خداونمو عیسی مسیح، اَ باوَه پِرجِلالَ، روحِ حکمت ئو مِکاشفَه بوئَشخیَ بینتو تاگَه او بشتاسینو.

اَفِسُسیَل 1:23

کلیسای گه لارَسی، یانی پِری او گه کُل چی اَر کُل جا پِرا مِهِه.

اَفِسُسیَل 2:15

او رسمِ‌رِسیمی گه اِ حکمَل شریعت بی، بی‌اتبار کِردی، تاگَه اِنوم ووژ اِجال دو، یِه اِنسو تازَه خَلک بِهِه، تا باعث صُئل ئو سِلامتی بو.

اَفِسُسیَل 4:12

تا ایمودارَل اَرِه کار خِلمت آمادَه بِهَن، اَرِه بِنا لار مسیح،

اَفِسُسیَل 4:3

تقِلا بِهَن تا وَه یاری رَسَن صُئل‌وصفا اَ یَک‌بیئینی گه اژ روحِ خداءَ حفظ کِینو.

اَفِسُسیَل 4:5

یِه خداون، یِه ایمو، یِه تیَمید؛

فیلیپیَل 3:10

تاگَه مسیح ئو قدِرت زِنیابیئِنی بشتاسِم ئو اِ عذاوَلی شریک بوئمی، اِ مرگی بوئم اِجور او.

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

کولُسیَل 1:28

ایمَه مسیح اِلومَ مِهِیم، ئو هُشتارَ مِیمَ کُل کس، ئو وَه تموم حکمت تیَلیمَ مِیمَ کُل کس، تاگَه اِنوم مسیح کُل کس بالغ باریم اَرِه تک خدا.

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

عِبرانیَل 5:14

مِنتائای خوراک سنگین هِن کَلِنگِلَ، اونَلی گه وَه یِمِجو تمرین کِردِن، قدِرت تشقیص ووژو تربیتو کِردیَ تاگَه گَن ئو خو اژ یَک اِربارِن.

دوئِم پطرس 1:4

گه وَه‌سونگَ یوئنَ او وَدَه‌ل کَلِنگ ئو خیمتی ووژ بَشخیَسیَ ایمَه، تا وَه‌سونگَ اونَ بوئینونَ هُم‌بیَر طبیعت الهی ئو اژ فسادی گه وَه خاطر میلَ گنا ها نوم دنیااِر، آزاد بوئینو.

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.

اول یوحنا 5:20

ایمَه مَذانیم گه کُر خدا هاتیَ ئو فیَم داسی‌ئونمو تا او گه حخیختَ، بشتاسیم ئو ایمَه هایم اِنوم او گه حخیختَ، یانی کُری عیسی مسیح. اوءَ خداءِ حخیخت ئو ژییاین ابدی.