اَفِسُسیَل 3:9 - کتاب مقدس به زبان لکی - گویش مرکزی

⁹ ئو اَرِه کُل کس باوژمِ در گه نشقَه رازی گه اِ دورَه‌ل قدیم اَر تک خدای گه کُل چی خَلک کِردی پنهو مَنوئی، چَه بی.

اَفِسُسیَل 3:9 Iomraidhean Croise

مَتّی 10:27

اَ چیئَه گه اِنوم تیَریکی وِتم‌ئونتو، اِنوم روشتایی بوشِنیا ئو اَ چیئَه گه بِن‌گوشیَ مَشتوئینو، اَرسر بُنَل اِلوم کَنی.

مَتّی 13:35

یَه اتفاق کَت تا کلوم پِخَمَر اَنجوم بِگِری گه وِتوئیتی: «دَم ووژمَ مَتَلا وازَ مَهَم، ئو اَ چیئَه گه اژ بِنیا دنیا، پنهو مَنیَ موشِم.»

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

مَتّی 28:19

اِسَه بِچِن ئو کُل قومَل بِهَنَ شاگرد مِه ئو اونَل وَه نُم باوَه، کُر ئو روح‌القدس خُسِل تیَمید دَن

لوقا 24:47

ئو وَه نُم او، توئَه ئو بشخِش گنائَل اِلومَ ماو اَر کُل ملتَل ئو بِنیا اژ اورشلیمِ.

یوحنا 10:30

مِن ئو باوَه‌م یَکی کیم.»

یوحنا 5:17

مِنتائای جوواو عیسی یَه بیَ گه «باوَه‌م هَنی کارَ مِهِه، مِن‌یش کارَ مَهَم.»

یوحنا 5:19

عیسی وِتیَ بینو: «حخیختاً، موشِمَ بینتو گه کُر اژ وَر ووژ نِمَتونی کاری بِهِه مَر کارَلی گه موئینی باوِه اَنجومَ مِ؛ اَرِیَگه هر چی گه باوَه مِهِه، کُریشَ مِهِه.

کارَل رسولَل 15:18

ایی چیئِلَ اژ قدیم آشگارا کِردیَسی.“

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

اول قرنتیان 2:7

بلکِم حکمت خدا اِلومَ مِهِیم گه اِنوم یِه رازی پنهو بی گه خدا اژ اَ اولَ اَرِه جِلال ایمَه نا.

اَفِسُسیَل 1:4

اَرِیَگه وِر اژ یَگه بِنیا دنیا باوِنی، ایمَه اِنوم مسیح اِنتخاو کِردی تا اَر تک ووژ مقدّس ئو بی‌عِو بوئیم. ئو اِنوم مِحبت،

اَفِسُسیَل 3:2

حکماً اِبارَه نظارت فیض خدا گه اَرِه خِلمت اَر هُمَه بَشخیاسَ مِه، شنَفتِتونَ.

اَفِسُسیَل 6:19

اَرِه مِن‌یش دوعا بِهَن، تا هَر یَگه دَمِم اَرِه قصَه کِردِن وازَ مَهَم، قدِرت کلوم بَشخیا بوءَ بینِم تا راز انجیل وَه جورَت اِلوم بِهَم،

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

کولُسیَل 1:26

یانی اَ سِرّی گه اِ زمونَل ئو نسِلَل پنهو مَنوئی، مِنتائای اِسگَه آشگارا بیَس اَر ایمودارَل او.

کولُسیَل 3:3

اَرِیَگه هُمَه مِردینو ئو زِنِه‌ی هُمَه اِسگَه وَه‌گَرد مسیح اِنوم خدا پنهونَ.

کولُسیَل 4:3

ئو اَرِه ایمِه‌یش دوعا بِهَن، گه خدا دری اَرِه کلوم اَررُی ایمَه واز بِهِه، تا راز مسیح گه اَرِه اَوَه هامِ زندو اِلوم بِهِیم.

دوئِم تِسالونیکیَل 2:13

مِنتائای اِاِ بِرالی گه عزیزگرامی خدائینو، ایمَه باس وَه خاطر هُمَه هَر شگِر خدا بِهِیم، اَرِیَگه خدا هُمَل اِجور نوبر دیاری کِردی تا وَه‌سونگَ کار تقدیس‌کَر روحِ خدا ئو ایمون اَر حخیخت نجاد بِگِرینو.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

دوئِم تیموتائوس 1:9

خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.

دوئِم تیموتائوس 4:17

مِنتائای خداون هوسیا اَر لِف مِه ئو قویَت داتیَ مِه تاگَه کلوم خدا وَه‌سونگَ مِه تمومِ‌کمال اِلوم بو ئو کُل خِرِیهودیَل بشتوئِنی. اِسَه اژ دَم شیر اِرچِم‌.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 14:6

اَسَه فریشدِه‌‌‌ی‌تِرِم دی گه اَر نومجا آسمو بالَ مَگِرتی ئو انجیل ابدی‌ایَ بی بیتی تا اِلوم کِیتی اَر کسَلی گه لیزو گِرتیَس اَررُی زَمی، ئو اَر هر ملت ئو طائفَه ئو زوئون ئو قوم.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 4:11

«اِاِ خداون، خداءِ ایمَه، تو لائقین گه جِلال ئو عزّت ئو قدِرت پیشکَش بو اَرینِت، اَرِیَگه تو کُل چیئِت خَلک کِرد، ئو کُل چی وَه خواس تو وِجود گِرتی ئو خَلک بی.»