اَفِسُسیَل 3:5 - کتاب مقدس به زبان لکی - گویش مرکزی

⁵ ایی رازَ هَراَ جورَ گه اِسگَه وَه‌سونگَ روحِ خدا اَر رسولَل مقدّس او ئو پِخَمَرَلی آشگارا بیَ، اَر کُرَل اِنسو اِ نسِلَلی‌تِر آشگارا نوئیَ.

اَفِسُسیَل 3:5 Iomraidhean Croise

مَتّی 13:17

حخیختاً، موشِم‌ئونتو، فِرَه کسَل اژ پِخَمَرَل ئو آمَل صالح آواخدو داشد اَ چیئَه گه هُمَه موئینینو، بوئینِن ئو نِئیو، ئو اَ چیئَه گه هُمَه مَشتوئینو، بشتوئِن ئو نَشتَفتو.

مَتّی 20:7

جوواوُ دا: ”اَرِیَگه هُیچ کس ایمَئَه کار نَگِرتی.“ وِتی‌ئونو: ”هُمِه‌یش بِچِن اِنوم باخ انگویر مِه.“

مَتّی 23:34

اَرِیَگه مِه، پِخَمَرَل ئو مَلِمَل ئو کسَلی گه حکمت دیرِن کِلَ‌مَهَم اِرَه تک هُمَه ئو هُمَه بِرونی مَکُشینون ئو مَکیشینون اَر صلیب ئو بِریشی اِنوم عَبادتگال ووژتو شلاخَ مِینو ئو شیَر اَر شیَر مَکُوئینون اَر دُمون ئو عذاوُنَ مِینو.

لوقا 10:24

اَرِیَگه موشِم‌ئونتو، فِرَه کسَل اژ پِخَمَرَل ئو پاتِشائَل آواخدو داشد اَ چیئَه گه هُمَه موئینینو، بوئینِن ئو نِئیو، ئو اَ چیئَه گه هُمَه مَشتوئینو، بشتوئِن ئو نَشتَفتو.»

لوقا 11:49

اَژونَسَ حکمت خداءَ موشی: ”مِه پِخَمَرَل ئو رسولَلون اَرِه کِلَ‌مَهَم. مِنتائای بِری اَژینونَ مَکُشِن ئو بِریشی عذاوَ میَن.“

یوحنا 14:26

مِنتائای اَ هِنارَسَ، یانی روح‌القدس، گه باوَه وَه نُم مِه کِلَ‌مِهِیتی، او کُل چی تیَلیمتونَ مِ ئو هرچی گه مِه وِتمَ بینتو، ماریَ ویرتو.

یوحنا 16:13

مِنتائای وخدی روحِ حخیخت بای، رئیَ مَنیِ وَرتو تاگَه وَه کُل حخیخت بِرَسینو؛ اَرِیَگه او اژ جونِم ووژ قصَه نِمِهِه، بلکِم اَ چیئَه گه مَشتوئی، موشی ئو اژ اَ چیئَه گه اِنواتِر میا بو، وَه‌گَرد هُمَه قصَه مِهِه.

کارَل رسولَل 10:28

پطرس وِتی‌ئونو: «هُمَه ووژتونَ مَذانینو گه اَرِه یِه یهودی شرعاً دُریس نیَ گه وَه‌گَرد بیگونَه‌ل بای ئو بِچو یاگَه بِچوءِ دیارو. مِنتائای خدا نشونِم داتی گه وَه هُیچ‌کس نوشِم نِجس یاگَه ناپاک.

رومیان 16:25

اِسگَه جِلال اَر او گه مَتونی مِطابق انجیلی گه مِن اِبارَه عیسی مسیح موعظَه مَهَم، تقویتتو کِ، -مِطابق مِکاشفَه اَ رازَ گه اَرِه زمونَه‌ل دِریژی آشاریا مَنوئی.

اول قرنتیان 2:10

خدا ایی چیئِلَ وَه‌سونگَ روحِ ووژ آشگار کِردیَسی اَر ایمَه، اَرِیَگه روحِ خدا کُل چی، جُ‌جُ عمقَل خدائیشَ مَجوری.

اَفِسُسیَل 2:20

ئو اَر رُی بِناوِه‌ی گه رسولَل ئو پِخَمَرَلو ناءَ بِنا بینونَ، گه مسیحْ عیسی ووژ، بَرد بِنچین اَوَه‌‌سَ.

اَفِسُسیَل 3:9

ئو اَرِه کُل کس باوژمِ در گه نشقَه رازی گه اِ دورَه‌ل قدیم اَر تک خدای گه کُل چی خَلک کِردی پنهو مَنوئی، چَه بی.

دوئِم پطرس 3:2

تا قصَه‌لی گه پِخَمَرَل مقدّس اِ قدیم وِتونَ، بارینونِ ویر ئو هَمیش حکِم خداون ئو نجاددهندَه‌مو گه وَه‌سونگَ رسولَلتو وِتی.

یهودا 1:17

مِنتائای هُمَه اِاِ عزیزَل، پیشگوئی رسولَل خداونمو عیسی مسیحتونَ ویر بو