اَفِسُسیَل 3:19 - کتاب مقدس به زبان لکی - گویش مرکزی

¹⁹ ئو مِحبت مسیح گه بِلِنگ‌تِر اژ درک ئو فیَم بشرَ، بشتاسینو- تا اژ پِری کامل خدا پِرا بوئینو.

اَفِسُسیَل 3:19 Iomraidhean Croise

مَتّی 5:6

خَوزگالَ اونَلی گه اَرِه صالح‌بیئین وِرسِنی ئو تینیِن، اَرِیَگه اونَل سیرَ موئن.

یوحنا 1:16

اژ پِری او کُل ایمَه بیَرَه‌مو بِردیَ، فیض اَر رُی فیض.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

رومیان 8:35

کیَ گه ایمَه اژ مِحبت مسیح جیاآ کِ؟ مِصیوَت یاگَه سخدی یا آزار یا قیَطی یا لُتی یا خطر یاگَه شِمشیر؟

رومیان 8:39

ئو نه بَرزی ئو نه نِمِزی، ئو نه هُیچی‌تِر اِنوم کُل خلقت، نِمَتونی ایمَه اژ مِحبت خدا گه ها نوم خداونمو مسیحْ عیسی‌اِر، جیاآ کِ.

دوئِم قُرَنتیان 5:14

اَرِیَگه مِحبت مسیح ایمَه ادارَه مِهِه، اَرِیَگه ایمَه زقین دیریم گه یَکی وَه خاطر کُل مِرد، اِسَه کُل مِردِن.

غَلاطیَل 2:20

وَه‌گَرد مسیح کیشیام‌ اَر صلیب، ئو دیَر مِه نیِم گه زِنِه‌یَ مَهَم، بلکِم مسیحَ گه اِنوم مِه زِنِه‌یَ مِهِه؛ ئو ایی زِنِه‌یَ گه اِسگَه اِ جسمَ مَهَم، وَه ایمون اَر کُر خداءَ مَهَم گه مِه دوس داشدی ئو گیو ووژ اَرِه مِه داتی.

اَفِسُسیَل 1:23

کلیسای گه لارَسی، یانی پِری او گه کُل چی اَر کُل جا پِرا مِهِه.

اَفِسُسیَل 3:18

تا قویَتتو داشدوئی گه وَه‌گَرد کُل ایمودارَل، دِریژی ئو پیَنی ئو قویلی ئو بِلِنگی مِحبت مسیح بفیَمینو

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اَفِسُسیَل 5:25

اِاِ میردَه‌ل، ژِنَلتو دوس داشدوئی، هَرهُنَ گه مسیح کلیسا دوس داشدی ئو گیو ووژ کِردَ خِر،

فیلیپیَل 1:7

ایی حخَ دیرِم گه اِبارَه کُل هُمَه هُنَ فگِر بِهَم، اَرِیَگه هاینونِ نوم قلب مِن‌اِر، اَرِیَگه کُل هُمَه اِنوم فیض خدا وَه‌گَرد مِه هُم‌بیَرینو، هم اِ زندونی بیئِنِم ئو هم اِ دَفاع اژ انجیل ئو ثابت کِردِن دُریسی اَوَه.

فیلیپیَل 4:7

ئو صُئل ئو سِلامتی خدا گه اژ هَر فیَمی بِلِنگ‌تِرَ، دل ئو فگِرَلتون اِنوم مسیحْ عیسی حفظَ مِهِه.

کولُسیَل 1:10

تا رفدارتو لائق خداون بو، اِ هر لِحاظ خَوشالا کِینونی، ئو اِ هر کار خوئی ثمر بارینو ئو اِ شناخت خدا رشد کِینو

اول پطرس 1:8

هُمَه وَه‌یاآگه اوتو نِئیَ، دوس دیرینونی؛ ئو وَه‌یاآگه اِسگَه نِموئینینونی، ایمونَ بی دیرینونی ئو وَه خَوشی‌ای خَوشالیَ مِهِینو گه نِماو تیَریف کِینی ئو پِر اژ جِلالَ،

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.