اَفِسُسیَل 3:17 - کتاب مقدس به زبان لکی - گویش مرکزی

¹⁷ تاگَه مسیح وَه‌سونگَ ایمو لیز بِگِری اِنوم دلَلتو، ئو اِنوم مِحبت ریشیا بِینو ئو پایارا بوئینو،

اَفِسُسیَل 3:17 Iomraidhean Croise

مَتّی 13:6

وخدی هویَر داتی، سُتِن ئو اَرِیَگه ریشیو ناآشد، حُشگا بین.

لوقا 6:48

او اِجور کسی کَ گه اَرِه مال آوشدِنی، زَمی قویل کَنی ئو پِ مال نا اَررُی کمر. وخدی لاف هات ئو لافاو، هاوِنت اَر مالِهَه، نتونستی تَکو دِیتی اَرِیَگه موکَم سازیائی.

یوحنا 14:17

یانی روحِ حخیخت گه دنیا نِمَتونی بِچوتی‌ِ گِرد، اَرِیَگه نه اوءَ موئینی ئو نه مَشتاسِتی؛ مِنتائای هُمَه اوءَ مَشتاسینو، اَرِیَگه اَر تک هُمَه لیزَ مَگِری ئو مَمینی اِنوم هُمَه.

یوحنا 14:23

عیسی جوواو داتی: «اَرّ کسی مِه دوس دیری، کلوم مِنَ ماریَ جا ئو باوَه‌م دوس دیرِتی، ئو ایمَه مایمی اَرِه تک ئو وَه‌گَرد او لیزَ مَگِریم.

یوحنا 17:23

مِه اِنوم اونَل ئو تو اِنوم مِه. هُنَ بِهَه، گه اون‌یش بِن‌کُل بوئنَ یَکی، تاگَه دنیا بِذانی گه تو مِنِت کِل‌کِردیَ، ئو اونَلتَ هَرهُنَ دوس داشد گه مِنِت دوس داشد.

یوحنا 6:56

کسی گه لارمَ میری ئو خوینِم خُرَّ مِ، لیزَ مَگِری اِنوم مِه ئو مِن‌یش اِنوم او.

رومیان 5:5

ئو امید، ایمَه خجالتا نِمِهِه، اَرِیَگه مِحبت خدا وَه‌سونگَ روح‌القدس گه بَشخیاس‌ئونمو، رِشیاس اِنوم دلَلمو.

اول قرنتیان 3:6

مِه تُئمِم آوشد ئو آپولُس آویاری کِردِنی، مِنتائای خدا باعث بی چِخِر بِکیشِن.

اول قرنتیان 8:1

ئو مِنتائای اِبارَه خوراکَلی گه پیشکَشیَ ماو اَر بِتَل: مَذانیم گه «ایمَه کُل صائای علمیم.» ایی علمَ باعث قُراتیَ ماو، مِنتائای مِحبت بِنا مِهِه.

دوئِم قُرَنتیان 13:5

ووژتو اِنتحو کَن تاگَه بوئینینو هاینون اِنوم ایمو یاگَه نه. ووژتو اِنتحو کَن. یانی یَتونَ اِبارَه ووژتو نَفیَمیَ گه مسیح ها نومتون‌اِر؟ مَر یَگه اِراسی اِنوم ایی اِنتحونَ رِفوزَه بوئینو!

دوئِم قُرَنتیان 6:16

معبد خدا ئو بِتَل چطورَ مَکُوئِن اَر یَک؟ اَرِیَگه ایمَه معبد خداءِ زِنیئیم. هَرهُنَ گه خدا اِنوم تورات ئو کِتاوَل پِخَمَرَل وِتی: «مِه لیزَ مَگِرِم اِنوم اونَل، ئو اِنوم اونَل مَچِمَ رئیا، ئو مِنَ موئمَ خدا اونَل ئو اونِلَ موئنَ قوم مِه.»

غَلاطیَل 2:20

وَه‌گَرد مسیح کیشیام‌ اَر صلیب، ئو دیَر مِه نیِم گه زِنِه‌یَ مَهَم، بلکِم مسیحَ گه اِنوم مِه زِنِه‌یَ مِهِه؛ ئو ایی زِنِه‌یَ گه اِسگَه اِ جسمَ مَهَم، وَه ایمون اَر کُر خداءَ مَهَم گه مِه دوس داشدی ئو گیو ووژ اَرِه مِه داتی.

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 2:7

اِنوم او ریشیا بیَن ئو بِنا بوئن، ئو هَرهُنَ گه گِرتِتونَسا اِنوم ایمون اَر او پایار بِمینِن، پِرا بوئن اژ شگِر کِردِن.

اول یوحنا 4:16

اِسَه ایمَه مِحبتی گه خدا اَر ایمَه دیری شناسیمونَ ئو باوارمو کِردیَ. خدا مِحبتَ ئو کسی گه لیز گِرتیَس اِنوم مِحبت، لیز گِرتیَس اِنوم خدا ئو خدا اِنوم او.

اول یوحنا 4:4

اِاِ رولَه‌ل، هُمَه اژ خداینو ئو فائق هاتینونَس اَر اونَل، اَرِیَگه اَوَه گه ها نوم هُمِه‌اِر کَلِنگتِر اژ اَوَه‌‌سَ گه ها نوم دنیااِر.

مِکاشفَه 3:20

اِسگَه، موسِم اَر پِشت دِراخِل ئو مَکوئِم. اَرّ کسی دَنگ مِه بشتوئی ئو دِراخِل واز کِ، مام اِنوم ئو مِنَ گَرد او شُمَ میرِم ئو او وَه‌گَرد مِه.