اَفِسُسیَل 3:13 - کتاب مقدس به زبان لکی - گویش مرکزی

¹³ اِسَه خواهشد اَژینتونَ مَهَم وَه خاطر جُورَلی گه اَرِه هُمَه مَکیشِم، دلسردا نوئن، اَرِیَگه اونَل باعث افتخارتونِن.

اَفِسُسیَل 3:13 Iomraidhean Croise

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

دوئِم قُرَنتیان 1:6

اَرّ هایمونِ سخدی، وَه خاطر دلگُوئی ئو نجاد هُمِئَه، ئو اَرّ دلگُوئی دیریم، هَنی اَرِه دلگُوئی هُمِئَه، گه وخدی هُمِه‌یش هَراَ عذاوِلَ مَکیشینو گه ایمَه مَکیشیم ئو وَه صبِر طاخَتَ مارینو، وَه کارَ مای.

دوئِم قُرَنتیان 4:1

اِسَه اَرِیَگه ایمَه ایی خِلمتَ اژ ریَمَت خدا دیریم، دلسردا نِموئیم.

غَلاطیَل 6:9

اِسَه اژ خوئی کِردِن دلسرد نوئیمو، اَرِیَگه اَرّ شَکَت نوئیمو، وَه موقَع ووژ، دروءَ مِهِیم.

اَفِسُسیَل 3:1

اَژونَسَ مِه، پولُس، گه وَه خاطر هُمَه خِرِیهودیَل اَرِه مسیحْ عیسی زندونیِم، -

فیلیپیَل 2:18

هُمِه‌یش باس هَرهُنَ خَوشال بوئینو ئو وَه‌گَرد مِه خَوشی بِهِینو.

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

دوئِم تِسالونیکیَل 3:13

ئو مِنتائای هُمَه اِاِ بِرال، هرگِس اژ خوئی کِردِن شَکَت نوئن.