اَفِسُسیَل 3:1 - کتاب مقدس به زبان لکی - گویش مرکزی

¹ اَژونَسَ مِه، پولُس، گه وَه خاطر هُمَه خِرِیهودیَل اَرِه مسیحْ عیسی زندونیِم، -

اَفِسُسیَل 3:1 Iomraidhean Croise

لوقا 21:12

«مِنتائای وِر اژ کُل یوئنَ، هُمَه مَگِرِن، آزارتونَ میَن ئو هُمَه میَنَ دس عَبادتگال ئو زندونَل، ئو وَه‌سونگَ نُم مِه، میَرِنتون اِرَه تک پاتِشائَل ئو والیَل

کارَل رسولَل 21:33

فرموندَه هاتِ نزیک ئو پولُس گِرتی ئو فِربو داتی وَه دو زنجیر آبوئنِنی. اَسَه پِرسیتی گه او کیَ ئو چَه کِردیَسی.

کارَل رسولَل 23:18

اَسَه افسرِهَه او بِردی اِرَه تک فرموندَه ئو وِتون: «پولُسی گه ها نوم زندون‌اِر، مِه هِنا کِردی ئو اَژینِم هِستی ایی جِهالَ بارم‌ اِرَه تک تو؛ میا چیئی بوشی‌ئونِت.»

کارَل رسولَل 26:29

پولُس وِتی: «اژ خدامَ مِ گه دیر یا زوی، نه فَخَد جنابعالی بلکِم کُل کسَلی گه ایمِرو گوشَ میَنِ مِه، بوئن اِجور مِه، اَلوَت نه اِ زنجیر!»

کارَل رسولَل 9:15

مِنتائای خداون وِتیَ حَنانیا: «بِچُ، اَرِیَگه ایی پیا حاجتی کَ گه مِه جیاما کِردیَ تاگَه نُمِم بیَری اِرَه تک خِرِیهودیَل ئو پاتِشائَلو، ئو قوم اسرائیل.

دوئِم قُرَنتیان 1:6

اَرّ هایمونِ سخدی، وَه خاطر دلگُوئی ئو نجاد هُمِئَه، ئو اَرّ دلگُوئی دیریم، هَنی اَرِه دلگُوئی هُمِئَه، گه وخدی هُمِه‌یش هَراَ عذاوِلَ مَکیشینو گه ایمَه مَکیشیم ئو وَه صبِر طاخَتَ مارینو، وَه کارَ مای.

دوئِم قُرَنتیان 10:1

مِه، پولُس، ووژِم وَه فِروتنی ئو مِرِبونی مسیح خواهشدتون اَژینَ مَهَم -مِه گه هر اَ جورَ گه هُمَه موشینو وخدی هام اَرتَکتو بی‌جورَتِم مِنتائای وخدی دویرِم اَژینتو جورَت دیرِم-

دوئِم قُرَنتیان 11:23

اونَل خِلمتکارَل مسیحِن؟ مِن اژ اونَل بیتِرِم. -اِجور آم لیوه‌ی قصَه مَهَم- مِه ویشتِر اژ اونَل زیَمَتِم کیشیَ، ویشتِر اژ اونَل کَتِمَس اِنوم زندو، ویشتِر اژ اونَل شلاخِم هُاردیَ، ئو ویشتِر وَخدَل نزیک بیَ بِمِرِم.

غَلاطیَل 5:11

اِاِ بِرال، اَرّ مِه هَنی ختینَه‌م موعظَه مَهَرد، اَرّا دیَر جَفامَ مَکیشیا؟ اَرِیَگه هُنَ دیَر پِغوم صلیب باعث رَنجونِن کسی نِموئیا.

غَلاطیَل 5:2

گوش بِگِرِن! مِه، پولُس، موشِمَ بینتو گه اَرّ ختینَه بوئینو، مسیح هُیچ فادِه‌ی اَرِنتو نِری.

غَلاطیَل 5:24

کسَلی گه هِن مسیحْ عیسی‌‌ن، جسم وَه‌گَرد کُل هوسَل ئو چیئَلی گه ها دُمونا کیشیونَس‌ اَر صلیب.

اَفِسُسیَل 3:11

یَه مِطابق اَ قَص ازلی خدا بی گه او اِنوم خداون ایمَه مسیحْ عیسی وَه اَنجوم رَسونی.

اَفِسُسیَل 3:13

اِسَه خواهشد اَژینتونَ مَهَم وَه خاطر جُورَلی گه اَرِه هُمَه مَکیشِم، دلسردا نوئن، اَرِیَگه اونَل باعث افتخارتونِن.

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

اَفِسُسیَل 4:1

اِسَه مِه گه وَه خاطر خداون زندونیِم، خواهشد اَژینتونَ مَهَم گه لائق دَوَتی گه اَژینتو بیَ، رفدار بِهَن،

اَفِسُسیَل 6:20

هَراَ انجیلی گه سفیر اَوِمَ، وَه‌یاآگه هامِ بَن‌اِر! دوعا بِهَن گه وَه جورَت اِلوم بِهَمی، هَرهُنَ گه باس بوشِم.

فیلیپیَل 1:7

ایی حخَ دیرِم گه اِبارَه کُل هُمَه هُنَ فگِر بِهَم، اَرِیَگه هاینونِ نوم قلب مِن‌اِر، اَرِیَگه کُل هُمَه اِنوم فیض خدا وَه‌گَرد مِه هُم‌بیَرینو، هم اِ زندونی بیئِنِم ئو هم اِ دَفاع اژ انجیل ئو ثابت کِردِن دُریسی اَوَه.

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

کولُسیَل 4:18

مِه پولُس، ایی سِلامَ وَه خط ووژمَ مَنُیسِنِم. زنجیرَل مِن اِنوم زندو اَویرتو بو. فیض وَه‌گَردتو بو.

کولُسیَل 4:3

ئو اَرِه ایمِه‌یش دوعا بِهَن، گه خدا دری اَرِه کلوم اَررُی ایمَه واز بِهِه، تا راز مسیح گه اَرِه اَوَه هامِ زندو اِلوم بِهِیم.

دوئِم تیموتائوس 1:16

ریَمَت خداون اَر عتِ‌عیال اونیسیفوروس، اَرِیَگه او چَن گِل گیو مِه تازه‌آ کِردی ئو اژ زنجیرَلِم عار ناهاتی.

دوئِم تیموتائوس 1:8

اِسَه اژ شاتی دائِن اَر خداون ایمَه عارِت نای ئو اژ مِن‌یش گه وَه خاطر او هامِ زندون‌اِر، بلکِم تونیش وَه قدِرت خدا اِ عذاو کیشین وَه خاطر انجیل شریک بو.

فیلیمون 1:1

اژ پولُس، گه وَه خاطر مسیحْ عیسی ها زندون‌اِر، ئو بِرامو تیموتائوس، وَه هُمکار عزیزمو فیلیمون،

فیلیمون 1:23

اِپافْراس، هُم‌زندونی مِن اِ مسیحْ عیسی، سِلامت‌ئونَ مَرَسِنی.

فیلیمون 1:9

وَه ایی حالا وَه خاطر مِحبت، بیتِرَ مَذانِم گه خواهشد اَژی بِهَم. اِسَه مِه، پولُس، گه ریش‌اَسبی‌ای کِم ئو اِسگِه‌یشَ وَه خاطر مسیحْ عیسی هامِ زندون‌اِر،

مِکاشفَه 2:10

اژ جُورَلی گه وَه ایی زویَ مَکیشین زِلَت نَچو. سِیل کَ، ابلیس وَه ایی زویَ بِری اژ هُمَه ماوژیِ زندو، تا اِنتحو بوئینو ئو دیَه روژ عذاوَ موئینینو. تا مِردِن وفادار بِمین، گه مِه تاج ژییاینتَ موئَشخِم‌ئون.