اَفِسُسیَل 2:8 - کتاب مقدس به زبان لکی - گویش مرکزی

⁸ اَرِیَگه وَه فیض ئو وَه‌سونگَ ایمو نجادتو گِرتیَ -ئو یَه اژ ووژتو نیَ، بلکِم عطا خداءَ-

اَفِسُسیَل 2:8 Iomraidhean Croise

مَتّی 16:17

عیسی وِتی: «خَوزگالَ تو، اِاِ شَمعون، کُر یونا! اَرِیَگه گوشد ئو خوین ایی حخیختَ اَر تو آشگارا نَهَردیِ، بلکِم باوَه مِه گه ها نوم آسمون‌اِر یَه آشگارا کِردیِ.

مَتّی 20:9

کارگرَلی گه نزیک اَر سات پنج ایوارَه هاتوئین اِرَه سر کار، هرکُمو یِه دینارو گِرت.

مَرقُس 16:16

هر کی ایمو باری ئو خُسِل تیَمید بِگِری، نجادَ مَگِری. مِنتائای هر کی ایمو ناری، مَکومَ ماو.

لوقا 7:50

عیسی وِتیَ اَ ژِنَ: «ایمونِت نجادِت داسی، بِچُ مِزِلِت خِر!»

یوحنا 3:36

اَوَه گه ایمو دیری اَر کُر، ژییاین ابدی دیری؛ مِنتائای اَوَه گه فِربون اژ کُر نِمیَری، ژییاین نِموئینی، بلکِم خَضو خدا مَمینِتی اَررُی.»

یوحنا 4:10

عیسی جوواو داتی: «اَرّ اژ چیئی گه خدا بی تِلافَتی پیشکَشیَ مِ، خَوَرِت داشد، ئو مَذِناسدِت کیَ گه اژ تو آوَ مِیتی، تو ووژِت اژ اوتَ مِهِست، تاگَه آو زِنیَ مَوئَشخیاتیَ بینِت.»

یوحنا 5:24

حخیختاً، موشِمَ بینتو، هر کی کلوم مِه گوش بِگِری ئو ایمو باری اَر کسی گه مِه کِل‌کِردیَسی، ژییاین ابدی دیری ئو داوری اَری نِماوتی، بلکِم اژ مرگ، جاواز بیَسَ ژییاین.

یوحنا 6:35

عیسی وِتیَ بینو: «مِنِم، اَ نونی گه ژییاینَ مِ. هر کی با اَرِه تَکِم، وِرسِنی نِماوتی، ئو هر کی ایمو باری اَر مِه هرگِس تینی نِماوتی.

یوحنا 6:37

کُل کسَلی گه باوَه بیَ بینِم، مان اَرِه تک مِه؛ ئو هر کی با اَرِه تَکِم، هرگِس اژ ووژِم تار نِمَهَمی.

یوحنا 6:40

اَرِیَگه خواس باوَه مِه یَسَ گه هر کی اَر کُر سِیل کِ ئو ایمو بارتیَ بی، ژییاین ابدیَ ماوتیَ نَصُی، ئو مِه اِ روژ قیومت او زِنیا مَهَم.»

یوحنا 6:44

هُیچ‌کس نِمَتونی با اَرِه تک مِه مَر یَگه باوِه گه مِه کِل‌کِردیَسی، بارتی ویرِ مِه، ئو مِه اِ روژ قیومت او زِنیا مَهَم.

یوحنا 6:65

ئو عیسی وِتی: «اَژونَبیَ گه وِتمَ بینتو هُیچ‌کس نِمَتونی با اَرِه تک مِه، مَر یَگه اَوَه اژ جونِم باوَه بَشخیائیتیَ بی.»

کارَل رسولَل 13:39

اِسگَه وَه‌سونگَ اوآ هر کی ایمو باری، اژ کُل گنائَلی گه وَه‌سونگَ شریعت موسی نتونستِتو آزاد بوئینو، آزادَ ماو.

کارَل رسولَل 14:27

هَریَگه رَسین اَر اورَه، کلیسائون اَر دور یَکا جیَم دا ئو اژ چیئَلی گه خدا وَه‌سونگَ اونَل اَنجوم دائیتی، تیَریفون اَرِه کِردِن گه چطور خدا در ایمو واز هُیشتیَسی اَررُی خِرِیهودیَل.

کارَل رسولَل 15:11

اَرِیَگه ایمَه ایمو دیریم گه وَه فیض خداون عیسیَ گه نجادَ مَگِریمو، هَرهُنَ گه اُوُن‌یش.»

کارَل رسولَل 16:14

اِنوم اونَل ژَن خداپِرَسی اژ شیَر تیاتیرا بی ئو گوشَ ماتی اَر قصَه‌لمو. او لیدیَه نُم بیتی ئو پارچَه‌ل گِرو کاوَ مَفِروتی. خداون قلب گُشونا تاگَه خو گوش بِگِریَ اَ چیئَه گه پولُسَ موئِتی.

کارَل رسولَل 16:31

اونَل جوواوُنا دا: «ایمو بار اَر خداون عیسی مسیح گه تون ئو عتِ‌عیالِت نجادَ مَگِرینو.»

رومیان 10:14

مِنتائای چطور هِنا بِهَن اَر کسی گه ایمونو ناوِردیَس اَری؟ ئو چطور ایمو بارِنَ کسی گه اَژینو نَشتَفتیَ؟ ئو چطور بشتوئِن، اَرّ کسی موعظَه‌ئون اَرِه نِهِه؟

رومیان 10:17

اِسَه ایمون اژ شنَفتِنَ ئو شِنَفتِن، اژ کلوم مسیح.

رومیان 4:16

اَژونَسَ، وَدَه تکی هایتی اَر ایمو تاگَه اَررُی فیض بو ئو اَرِه کُل نسِل ابراهیم ضمونت بو، یانی نه فَخَد اَرِه اونَلی گه هانِ ژیر شریعت‌اِر، بلکِم اَرِه کسَلی‌شی گه اِ ایمو ابراهیم هُم‌بیَرِن، گه باوَه کُل ایمِئَه.

رومیان 4:5

مِنتائای اَوَه گه کار نِمِهِه، بلکِم ایمو باری اَر خدای گه بی‌دینَل صالح وَه حساوَ ماری، ایمون او صالح‌بیئین اَرِه وَه حساوَ مایتی.

رومیان 9:16

اِسَه، یَه رَفطی اَر خواس یاگَه تقِلا اِنسو نِری، بلکِم رَفط اَر خدای دیری گه ریَم دیری.

غَلاطیَل 3:14

او هُنَ کِردی تاگَه بِرَکت ابراهیم اِنوم مسیحْ عیسی بوءَ نَصُی خِرِیهودیَل، ئو تا ایمَه اَ روحِ خداءَ گه وَدَه هاوِنتوئی، وَه‌سونگَ ایمو بِگِریم.

غَلاطیَل 3:22

مِنتائای نُسَخ مقدّسَ موشی گه کُل چی ها بَن گنااِر، تاگَه اَ چیئَه گه وَدَه هاوِنتوئی اَررُی ایمون اَر عیسی مسیح بیَنَ ایمودارَل مسیح.

اَفِسُسیَل 1:19

ئو اژ قدِرت بی‌حدِحساو او اَر ایمَه گه ایمو دیریم باخَوَر بوئینو. ایی قویَتَ اژ قدِرت بی‌حدِحساو خدا گه دیری کارَ مِهِه، مای.

اَفِسُسیَل 2:10

اَرِیَگه ایمَه کار دس خدائیم، ئو اِنوم مسیحْ عیسی اَرِه کارَل خو خَلک بیمونَ، گه خدا وِرِکار تیارِک دیتی تا اِنوم اونَ زِنِه‌ی بِهِیم.

اَفِسُسیَل 2:5

جُ‌جُ وخدی اِنوم خطائَلمو مِردوئیمو، وَه‌گَرد مسیح زِنیا کِردیمی -اِسَه، وَه‌سونگَ فیض نجادتو گِرتیَ؛

فیلیپیَل 1:29

اَرِیَگه ایی افتخارَ بیَسَ نَصُیتو گه نه فَخَد ایمو بارینون‌ اَر مسیح بلکِم اَرِه او عذاویش بِکیشینو،

کولُسیَل 2:12

اِ خُسِل تیَمید، وَه‌گَرد او چال بینونَ، گه اِنوم اَوَه وَه‌سونگَ ایمون اَر کار پِرقویَت‌ خدای گه مسیح اژ مِردیَل زِنیا کِردی، وَه‌گَرد او اژ مِردیَل زِنیا بینو.

دوئِم تِسالونیکیَل 1:9

جزا اونَل نابودی ابدی ئو دویری اژ درگا خدا ئو اژ جِلال قدِرت اوءَ.

عِبرانیَل 6:4

اَرِیَگه اونَلی گه یِه گِل روشتاآ بینَ ئو عطا آسمونیو طُم کِردیَ ئو اِ روح‌القدس هُم‌بیَرا بینَ

اول پطرس 1:5

اَرِه هُمَه گه وَه قویَت خدا ئو وَه‌سونگَ ایمو، اَرِه نجادی‌ گه اژ هَراِسگَه آمادَه بیَ تاگَه اِ زمون آخِر آشگارا بو، حفظ بینونَ؛