اَفِسُسیَل 2:7 - کتاب مقدس به زبان لکی - گویش مرکزی

⁷ تاگَه اِ اَ زمونَلی گه میا بان، دولَمَنی بی‌حدِحساو فیض ووژ اِنوم مسیحْ عیسی، اِ مِرِبونی اَر ایمَه، نِشو بِ.

اَفِسُسیَل 2:7 Iomraidhean Croise

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 2:4

مِنتائای خدای گه اِ ریَمَت دولَمَنَ، وَه خاطر مِحبت بی‌حدِحساوی گه اَر ایمَه دیری،

اَفِسُسیَل 3:21

اِنوم کلیسا ئو اِنوم مسیحْ عیسی، ئو اِنوم تموم نسِلَل، تا ابد، جِلال اَر خدا بو! آمین.

اَفِسُسیَل 3:5

ایی رازَ هَراَ جورَ گه اِسگَه وَه‌سونگَ روحِ خدا اَر رسولَل مقدّس او ئو پِخَمَرَلی آشگارا بیَ، اَر کُرَل اِنسو اِ نسِلَلی‌تِر آشگارا نوئیَ.

دوئِم تِسالونیکیَل 1:12

تاگَه نُم خداونمو عیسی اِنومتو جِلال بِگِری، ئو هُمِه‌یش مِطابق فیض خدامو ئو خداون عیسی مسیح اِنوم او جِلال بِگِرینو.

تیتوس 3:4

مِنتائای وخدی مِرِبونی نجاددهندَه‌مو خدا، ئو مِحبتی اَر بشر، آشگار بی،

اول پطرس 1:12

کَتِ در اَرِنو گه خِلمت اژ هُمَه‌ئونَ مَهَرد نه ووژو، اَسَه گه اژ چیئَلی قصه‌ئونَ مَهَرد گه اِسگَه اِبارَه اونَل اژ بشارت‌کَرَل انجیلَ مَشتوئینو، اژ اونَل گه وَه‌سونگَ روحِ خدا گه اژ آسمو کِل‌بیَ، بشارتَ میَنَ بینتو. جُ‌جُ فِریشدَه‌ل‌یش شوق سِیل کِردِن اَر ایی چیئِلَ دیرِن.