اَفِسُسیَل 2:2 - کتاب مقدس به زبان لکی - گویش مرکزی

² ئو زمونی اِنوم اونَل زِنِه‌یتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِه‌یشَ اِنوم آیلَل کورفِربونی کارَ مِهِه.

اَفِسُسیَل 2:2 Iomraidhean Croise

مَتّی 11:19

کُر اِنسو هات گه هم میری ئو هم خُرَّ مِ؛ موشِن: ”سِیل کَنی پیای کَ لَمو ئو گُراگُر مَس، رِقیف خِراجگیرَل ئو گناکارِلَ.“ مِنتائای، دُریسی حکمت، وَه ثمر کارَلیا ثابتَ ماو.»

مَتّی 13:22

تُئمی گه کَت اِنوم دِرِکو، کسی کَ گه کلوم خداءَ مَشتوئی، مِنتائای دلِ‌هولی اَرِه ایی دنیا ئو فنی گه مالِ‌منالَ اِنسونَ مِ، اَ کلومَ خَفه مِهِه ئو بی‌ثمرَ مِهِیتی.

مَتّی 13:38

زَمی، ایی دنیاسَ؛ ئو تُئم خو، آیلَل پاتِشائی آسمونِن. گیال، آیلَل اَ شریرِنَ؛

مَرقُس 4:19

مِنتائای هول ایی دنیاءَ ئو فنی گه مالِ‌منال وَه اِنسونَ مِ ئو هوس چیئَلی‌تِرَ ماءَ دَرینو ئو کلوم اِ دَرینو خفَه مِهِه ئو بی‌ثمرَ مِهِیتی.

لوقا 16:8

«اَرباوِهَه، اَرِه زِرِنگی گه پیشکار قُشمَه کِردوئیتی، اَژی تیَریف کِرد؛ اَرِیَگه آیلَل ایی دنیا اِنوم کارَلو وَه‌گَرد هُم‌دورَه‌ل ووژو، اژ آیلَل نُیر زرِنگتِرِن.

لوقا 22:31

«اِاِ شَمعون، اِاِ شَمعون، بِذان: شِطو هِستی هُمَل چُی گَنِم شَن کِ.

یوحنا 12:31

اِسگَه وخد داوری اَر ایی دنیاسَ؛ اِسگَه رِئیس ایی دنیا ماوژِنَ دِریر.

یوحنا 13:2

موقَع شُم بی. ابلیس وِرِکار نایت‌ِ دل یهودا اَسخَریوطی، کُر شَمعون، گه عیسی بیَ گیر دشمن.

یوحنا 13:27

هَر یَگه یهودا گُپ نونِهَه گِرتی، شِطو چِتیِ دَرین. اَسَه عیسی وِتیَ بی: «اَ چیئَه گه مِ اَنجوم بِین، زویتِر اَنجوم دَ.»

یوحنا 14:30

دیَر ویشتِر اژ یَه قصَه‌تونَ گَرد نِمَهَم، اَرِیَگه رِئیس ایی دنیا گه شِطونَ دیری مای. او هُیچ ادعای اَر مِه نِری؛

یوحنا 15:19

اَرّ هِن دنیا بوئیاینو، دنیا هُمَه اِجور کسِ‌کار ووژ دوس داشدی. مِنتائای اَرِیَگه هِن دنیا نیئینو، بلکِم مِه هُمَه‌م اژ دنیا اِنتخاو کِردیَ، اِسَه دنیا اژ هُمَه بیزارَ.

یوحنا 16:11

ئو اِبارَه داوری کِردِن‌یش، اَرِیَگه رِئیس ایی دنیا مَکوم بیَ.

یوحنا 7:7

دنیا نِمَتونی اژ هُمَه بیزار بو مِنتائای اژ مِه بیزارَ، اَرِیَگه مِه شاتیَ میَم گه کارَلی گَنِن.

یوحنا 8:23

عیسی وِتیَ بینو: «هُمَه اژ هُارینو، ئو مِه اژ بِلِنگ. هُمَه اژ ایی دنیائینونَ، مِنتائای مِه اژ ایی دنیاءَ نیِم.

یوحنا 8:44

باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.

کارَل رسولَل 19:35

دُماخِرِ، داروغَه شیَر جیَمیَت آروما کِردی ئو وِتی: «اِاِ پیال شیَر اَفِسُس، کیَ گه نَذانی شیَر اَفِسُس قِلااور معبد آرتِمیسِ کَلِنگَ ئو مِتیَه‌جی اَ بَرد مقدّسَسَ گه اژ آسمو هاتیَسَ هُار؟

کارَل رسولَل 5:3

پطرس وِتون: «حَنانیا، اَرّا هُیشتِت شِطو دلِت پِرا کِ، گه دِرو بوشینَ روح‌القدس ئو قِیلی اژ پیل زمینِهَه اَرِه ووژِت هیزدِین؟

رومیان 12:2

نوئنَ هُم‌شکِل ایی دنیاءَ، بلکِم وَه نووآ بیئِن فگِرَلتو، عوض بوئن. اَسَه مَتونینو خواس خدا تشقیص دِینو؛ خواس خو، باوِ دل ئو کامل خدا.

اول قرنتیان 5:10

مِنتائای مصقود یَه نیَ گه وَه‌گَرد آمَل بی‌عصمت ایی دنیاءَ یا طَمَ‌کارَل یا رِنگَرَل یا بِت‌پِرَسَل هاتِن‌چیئینتو ناآشدوئی، اَرِیَگه اَرّ اژ ایی جورَ بوءَ باس ایی دنیاءَ وِل کِینو.

اول قرنتیان 6:11

بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ.

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

غَلاطیَل 1:4

گه گیو ووژ اَرِه گنائَل ایمَه داتی تا مِطابق خواس خدامو ئو باوَه‌مو، ایمَه اژ ایی زمونَه شَرَبارَ آزاد بِهِه.

اَفِسُسیَل 1:21

بِلِنگ‌تِر اژ هر ریاست ئو قدِرت ئو قویَت ئو حکومت، ئو بِلِنگ‌تِر اژ هر نُمی گه نه فَخَد اِ ایی زمونَه بلکِم اِنوم زمونی گه میا بای هِنا ماو.

اَفِسُسیَل 2:11

اِسَه اَویرتو بو اونَلی گه ووژونَ ’ختینَه‌کَریا‘ مَذِناسد، هُمِه‌ئو گه زمونی اِ جسم خِرِیهودیَل وَه حساوَ ماهاتینو ’ختینَه‌نکَریا‘ هِناءَ مَهَرد -وَه‌یاآگه ختینَه اونَل کار جسمونی‌ای کَ گه وَه دس اِنسو اَنجومَ ماو-

اَفِسُسیَل 2:13

مِنتائای اِسگَه اِنوم مسیحْ عیسی، هُمَه گه زمونی دویر بینو، وَه‌سونگَ خوین مسیح نزیکا بینونَ.

اَفِسُسیَل 2:3

ایمِه‌یش کُل، زمونی اِنوم یوئنَ اِنوم هُواوهوس جسمو زِنِه‌یمونَ مَهَرد، ئو چیئَلی گه لار ئو فگِرمونَ مِهِستی انجوممونَ ما؛ ئو اِجور کسَلی‌تِر، مِطابق طبیعتمو مَکوم بیمون اَر آیلَل خَضو.

اَفِسُسیَل 4:17

اِسَه یَه موشِم ئو اِنوم خداون شاتیَ میَم گه رفدارتو دیَر نَباس اِجور خِرِیهودیَل بو گه اِنوم فگِرَل باطل ووژو رفدارَ مَهَن.

اَفِسُسیَل 4:22

تا طُرُخ زِنِه‌ی قدیم ووژتو، یانی اَ اِنسو قدیمَ گه وَه خاطر هُواوهوس گنا گَنیائی، اِ وَرتو بِکَنینو.

اَفِسُسیَل 5:6

نِیلِن کسی وَه قصَه‌ل پیک فَنتو دِ، اَرِیَگه وَه خاطر هَرایی چیئِلَسَ گه خَضو خدا مَرِشی اَرسر آیلَل کورفِربونی‌اِرا.

اَفِسُسیَل 5:8

اَرِیَگه هُمَه زمونی تیَریکی بینو، مِنتائای اِسگَه اِنوم خداون نُیرینو. اِسَه اِجور آیلَل نُیر رفدار بِهَن.

اَفِسُسیَل 6:12

اَرِیَگه ایمَه وَه‌گَرد جسم ئو خوین زورو نِمَگِریم، بلکِم ایمَه اَرضد حکِمرونَل، اَرضد رِئیسَل، اَرضد قدِرتَلی گه اَر دنیا تیَریکی حکِمرونیَ مَهَن، اَرضد قدِرتَل روحانی شر اِ جائَل آسمونی، جنگَ مِهِیم.

کولُسیَل 1:21

هُمِه‌یش زمونی وَه‌گَرد خدا بیگونَه ئو اِ فگِرتو دشمن بینونی، ئو یَه اِنوم شَرَباریتو دیارَ موئیا.

دوئِم تیموتائوس 4:10

اَرِیَگه دیماس وَه خاطر دوس داشدِن ایی دنیاءَ مِه وِل کِردیِ چیَس اَرِه تِسالونیکی. کْریسکیس چیَس اَرِه غَلاطیَه ئو تیتوس‌یش اَرِه دَلماتیَه.

یعقوب 1:27

دینداری پِرچِ‌پاک اَر تک باوَه ایمَه، خدا، یَسَ گه اِ سخدیَل اژ یتیمَل ئو بیوَه‌ژِنَل دسگیری بِهِیم ئو اژ فساد دنیا ووژمو دویر بِگِریم.

یعقوب 1:7

اَرِیَگه هُنَ آمی نَباس گُمو بِهِه گه چیئی اژ خداونَ ماریَ دس،

یعقوب 4:4

اِاِ آمَل زِنهاکار، یانی نِمَذانینو گه دوسی وَه‌گَرد دنیا، دشمنی وَه‌گَرد خداءَ؟ اِسَه هر کی مِیتی رِقیف دنیا بو، ووژَ مِهِئَه دشمن خدا.

اول پطرس 1:14

اِجور آیلَل فِربوبَر، دیَر نوئن اِجور هُواوهوسَلی گه دورَه نایونی اَسگَه‌تونَ داشد.

اول پطرس 4:3

اَرِیَگه قدیم اَخَ گه بس بو عمِر ووژتون اَرِه اَ چیئَه گه بِت‌پِرَسَل خدانشتاس دوس دیرِن، ناتونَ ئو روژگارتونَ بی‌عصمتی، هُواوهوس، مَسی، خیزی، عِیاشی ئو بِت‌پِرَسی ننگَ‌بار، گذَرونیَ.

دوئِم پطرس 2:14

اونَ چیَمَلی دیرِن پِر اژ زِنها گه اژ گنا کِردِن سیر نِموئن. ایی آیلَل لیَنتَ، گیونَلی گه سُسِن ماوژِنِ تِلَه ئو دلَلون اَرِه طَما آوِردیَسَ عمل!

اول یوحنا 3:10

هُنَ آشگارا ماو چه کسَلی آیلَل خدان ئو چه کسَلی آیلَل ابلیس: اَوَه گه صالح‌بیئین نِماریَ جا اژ خدا نیَ ئو هَمیش اَوَه گه بِرا ووژ دوس نِری.

اول یوحنا 3:8

هر کی اِنوم گنا زِنِه‌یَ مِهِه اژ ابلیسَ، اَرِیَگه ابلیس هَر اژ اَ اولا گنا کِردیِ ئو مِهِه. اَژونَبیَ گه کُر خدا ظاهر بی تاگَه کارَل ابلیس باطل کِ.

اول یوحنا 4:4

اِاِ رولَه‌ل، هُمَه اژ خداینو ئو فائق هاتینونَس اَر اونَل، اَرِیَگه اَوَه گه ها نوم هُمِه‌اِر کَلِنگتِر اژ اَوَه‌‌سَ گه ها نوم دنیااِر.

اول یوحنا 5:19

ایمَه مَذانیم گه اژ خدایم ئو کُل دنیا ها ژیر دس شِطون‌اِر.

اول یوحنا 5:4

اَرِیَگه هر کی اژ خدا زاندَه بیَ، اَر دنیا فائقَ مای ئو ایمون ایمَه هَراَ پیروزیَسَ گه فائق هاتیَس اَر دنیا.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 16:17

فریشدَه هفتِمینِهَه جُم ووژ پِشکونیِ هُوا ئو اژ اَ تختَ گه اِنوم معبد بی، دَنگ کَلِنگی هات گه موئِتی: «کار تمومَ!»

مِکاشفَه 20:2

او اُژدها، اَ مار قدیمیَ، گه هَراَ ابلیس یا شِطونَ، گِرتی ئو اَرِه هزار سال بَسدا.