اَفِسُسیَل 2:14 - کتاب مقدس به زبان لکی - گویش مرکزی

¹⁴ اَرِیَگه مسیح ووژ صُئل ئو سِلامتی ایمِئَه، گه ایمَه هَردِک یانی یهود ئو خِرِیهود کِردیَسیَ یَکی ئو اِنوم لار ووژ تیخَه جیایی گه باعث دشمنی بی رِمونیِ،

اَفِسُسیَل 2:14 Iomraidhean Croise

لوقا 1:79

تا روشتایی بیَ کسَلی گه نیشتِنَسَ، تیَریکی ئو سوئرکی مرگ، ئو گومَل ایمَه هدائَت بِهِه، ویرِ رئی صُئل‌وسِلامتی.»

لوقا 2:14

«جِلال اَر خدا اِ عرشِ فِلک، ئو اَررُی زَمی صُئل‌وسِلامتی اَر مردِمی گه، وَه دل خدان!»

یوحنا 10:16

کاوِرَل‌تِریشی دیرِم گه اژ ایی کُرِنگَ نیِن. باس اون‌یشَ بارِم ئو اون‌یش گوشَ مَگِرِنَ دَنگ مِه. اَسَه موئنَ یِه ریئَن وَه‌گَرد یِه شوئو.

یوحنا 11:52

ئو نه فَخَد اَرِه قوم، بلکِم اَرِه جیَم کِردِن ئو یَکی کِردِن آیلَل خدا گه اژ یَک چویچیانَ.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

کارَل رسولَل 10:28

پطرس وِتی‌ئونو: «هُمَه ووژتونَ مَذانینو گه اَرِه یِه یهودی شرعاً دُریس نیَ گه وَه‌گَرد بیگونَه‌ل بای ئو بِچو یاگَه بِچوءِ دیارو. مِنتائای خدا نشونِم داتی گه وَه هُیچ‌کس نوشِم نِجس یاگَه ناپاک.

کارَل رسولَل 10:36

خدا پِغوم ووژ کِل‌کِردی اَرِه قوم اسرائیل ئو هُنَ، خَوَر خَوش صُئل‌وسِلامتی وَه‌سونگَ عیسی مسیح گه خداون کُلَ، اِلوم کِردی.

رومیان 5:1

اِسَه اَرِیَگه وَه‌سونگَ ایمو صالح وَه حساو هاتیمَ، وَه‌سونگَ خداونمو عیسی مسیح صُئلَ گَرد خدا دیریم.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

اَفِسُسیَل 2:15

او رسمِ‌رِسیمی گه اِ حکمَل شریعت بی، بی‌اتبار کِردی، تاگَه اِنوم ووژ اِجال دو، یِه اِنسو تازَه خَلک بِهِه، تا باعث صُئل ئو سِلامتی بو.

اَفِسُسیَل 2:17

او هات ئو خَوَر خَوش صُئل اِلوم کِردی اَر هُمَه گه دویر بینو ئو اَر اونَلی گه نزیک بین،

اَفِسُسیَل 3:15

هر خانوادَه اِنوم آسمو ئو اَر رُی زَمی، نُم ووژ اژ اوءَ مَگِری،

اَفِسُسیَل 4:16

او سِرآو رشد کُل لارَ، لاری گه وَه‌سونگَ کُل مَفصِلَل ووژ، وَه یَکتِری پِوَنَ میری ئو مَنِری اَر قِ یَکا ئو وَه خاطر کار هر عضو رشدَ مِهِه ئو ووژ اِنوم مِحبت بِناءَ مِهِه.

کولُسیَل 1:20

ئو وَه‌سونگَ او، کُل چی، چه اَر زَمی چه اِ آسمو، دوسی بیَ گَرد ووژ، وَه‌سونگَ صُئلی گه وَه خوین ووژ اَر رُی صلیب، آوِردی.

کولُسیَل 2:20

اَرّ وَه‌گَرد مسیح وَه اصول ایی دنیاءَ مِردینونَ، اَرِه‌چَه اِجور کسَلی گه هَماری هَنی هِن ایی دنیانَ، مچینون‌ِ گِرد حکمَل اَوَه، حکمَلی گه موشی:

کولُسیَل 3:11

ئو اِنوم ایی اِنسو نووءَ، دیَر یونانی ئو یهودی، ختینَه‌کَریا ئو نَکَریا، بَربَر، سَکایی، خُلُم ئو آزاد میَنا نِری، بلکِم مسیح کُل چیَ ئو ها اِنوم کُل.

کولُسیَل 3:15

صُئل مسیح حکِمرون دلَلتو بو گه هَر اِراسی اَرِه یَه دَوَت بینو‌نَسَ یِه لار، ئو شگِرگزار بوئن.

عِبرانیَل 13:20

اِسگَه، خداءِ صُئل‌وسِلامتی گه شوئون اعظم کاوِرَل یانی خداونمو عیسی، وَه خوین عَت ابدی اژ مِردیَل زِنیا کِردی،

عِبرانیَل 7:2

ئو ابراهیم دیَه‌یَک کُل چی پیشکَش کِردیَ هَرایی کسَ. میَنا نُم او اول‌بار ’پاتِشا صالح‘ ئو دُماخِرِ ’پاتِشا سالیمَ‘، یانی ’پاتِشا صُئل‘.