اَفِسُسیَل 1:9 - کتاب مقدس به زبان لکی - گویش مرکزی

⁹ خدا وَه ایی کارَ راز قَص ووژ شناسونی اَر ایمَه، ئو هُنَ گه ووژ صِلا دیتی اِنوم مسیح آشگارا کِردی

اَفِسُسیَل 1:9 Iomraidhean Croise

مَتّی 13:11

جوواوا دانی: «فیَم رازَل پاتِشائی آسمونو داسَ هُمَه، مِنتائای نه وَه اونَل.

لوقا 12:32

«اِاِ ریئَن گُجَر، زِلَتو نَچو، اَرِیَگه خَوشی باوَه هُمَه یَسَ گه پاتِشائی بوئَشخی‌ئونتو.

لوقا 2:14

«جِلال اَر خدا اِ عرشِ فِلک، ئو اَررُی زَمی صُئل‌وسِلامتی اَر مردِمی گه، وَه دل خدان!»

کارَل رسولَل 13:48

وخدی خِرِیهودیَل یِئونَ شنَفت، خَوشالا بین ئو کلوم خداونو پِرَسی؛ ئو اونَلی گه اَرِه ژییاین ابدی مَیِّن بوئین، ایمونو آوِرد.

کارَل رسولَل 2:23

ایی عیسیَ مِطابق اَ نشقَه ئو اَ چیئَه گه خدا وِرِکار مَذِناسدی، تسِلیم هُمَه بی، ئو هُمَه وَه دس آمَل کافِر کیشیتون اَر صلیب ئو کُشتِتو.

کارَل رسولَل 4:28

تا اَ چیئَه گه دس تون ئو نشقَه تو اژ وِرِکار مقدّر کِردوئیتی، اَنجوم دَن.

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

رومیان 8:28

ئو ایمَه مَذانیم اَرِه اونَلی گه خدا دوس دیرِن ئو مِطابق خواس او دَوَت بینَ، کُل چیئَل وَه‌گَرد یَک اَرِه خِریَّت کارَ مَهَن.

اول قرنتیان 1:21

اَرِیَگه وَه حکمت خدا، دنیا نتونستی وَه‌سونگَ حکمتْ، خدا بشتاسی، خدا هُنَ صِلا دیتی گه وَه‌سونگَ هَرایی نایونیَ گه موعظَه مِهِیم، کسَلی گه ایمونَ مارِن، نجاد بِ.

غَلاطیَل 1:12

اَرِیَگه مِه اَومَ اژ اِنسو نَگِرت، ئو کسی‌شی اَوَه یام ناتی؛ بلکِم عیسی مسیح اَوَه آشگار کِردی اَر مِه.

غَلاطیَل 1:15

مِنتائای وخدی او جُ‌جُ وِر اژ یَگه مِه بامَ دی جیاما کِردی ئو وَه‌سونگَ فیض ووژ دَوَتِم کِردی، رضائتَ یَه بیتی

غَلاطیَل 1:16

گه کُر ووژ اَر مِه ظاهر بِهِه تاگَه اِنوم خِرِیهودیَل اِلوم کَمی، مِه هِرازِه وَه‌گَرد جسم ئو خوین شورِم نَهَرد،

اَفِسُسیَل 1:11

ایمَه اِنوم او بیمونَسَ وارثَل. هُنَ گه خدا کُل چیئَل مِطابق خواس ووژ اَنجومَ مِ، ایمِه‌یش مِطابق مصقود او وِر اژ یَه اِنتخاو بیمونَ.

اَفِسُسیَل 1:8

وَه‌گَرد حکمت ئو فیَم کامل، چَل‌چَل بَشخیتیَ ایمَه.

اَفِسُسیَل 3:11

یَه مِطابق اَ قَص ازلی خدا بی گه او اِنوم خداون ایمَه مسیحْ عیسی وَه اَنجوم رَسونی.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

دوئِم تیموتائوس 1:9

خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.