اَفِسُسیَل 1:8 - کتاب مقدس به زبان لکی - گویش مرکزی

⁸ وَه‌گَرد حکمت ئو فیَم کامل، چَل‌چَل بَشخیتیَ ایمَه.

اَفِسُسیَل 1:8 Iomraidhean Croise

مَتّی 11:19

کُر اِنسو هات گه هم میری ئو هم خُرَّ مِ؛ موشِن: ”سِیل کَنی پیای کَ لَمو ئو گُراگُر مَس، رِقیف خِراجگیرَل ئو گناکارِلَ.“ مِنتائای، دُریسی حکمت، وَه ثمر کارَلیا ثابتَ ماو.»

رومیان 11:33

دولَمَنی ئو حکمت ئو علم خدا چَنی قویلَ؛ اژ داوریَلی نِماو سر اِربارین ئو رئیَلی نِماو درک کِین.

رومیان 5:15

مِنتائای پیشکَشی اِجور کورفِربونی نیَ. اَرِیَگه اَرّ وَه‌سونگَ کورفِربونی یِه اِنسو فِرَه کسَل مِردِن، چَنی ویشتِر فیض خدا ئو پیشکَشی‌ای گه وَه‌سونگَ فیض اَ یِه اِنسونَ، یانی عیسی مسیح، هات، چَل‌چَل بیَ نَصُی فِرَه کسَل.

اول قرنتیان 2:7

بلکِم حکمت خدا اِلومَ مِهِیم گه اِنوم یِه رازی پنهو بی گه خدا اژ اَ اولَ اَرِه جِلال ایمَه نا.

اَفِسُسیَل 1:11

ایمَه اِنوم او بیمونَسَ وارثَل. هُنَ گه خدا کُل چیئَل مِطابق خواس ووژ اَنجومَ مِ، ایمِه‌یش مِطابق مصقود او وِر اژ یَه اِنتخاو بیمونَ.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 1:9

خدا وَه ایی کارَ راز قَص ووژ شناسونی اَر ایمَه، ئو هُنَ گه ووژ صِلا دیتی اِنوم مسیح آشگارا کِردی

اَفِسُسیَل 3:10

تا وَه‌سونگَ کلیسا اِسگَه حکمت جوراجور خدا آشگارا بو اَر حکِمرونَل ئو قدِرتَل اِ جائَل آسمونی،

کولُسیَل 2:3

هَراَ مسیحَ گه کُل گنجَل حکمت ئو شناخت خدا اِنوم او پنهونَ.

یهودا 1:25

اَر اَ خداءِ یَکونَه ئو نجاددهندَه ایمَه وَه‌سونگَ عیسی مسیح، خداون ایمَه، جِلال ئو عظَمت ئو سِلطنت ئو قدِرت بو، گه اژ اَ اولَ بیَسی، اِسگَه هَسی، ئو تا ابد هَسی! آمین.

مِکاشفَه 5:12

ئو وَه دَنگ کَلِنگا موئِتو: «اَ وَرکَ گه قُرونی بیَ لائقَ گه قویَت ئو دولَمَنی ئو حکمت ئو قدِرت، ئو عزّت ئو جِلال ئو بِرَکت پیشکَش بوتی اَری.»