اَفِسُسیَل 1:7 - کتاب مقدس به زبان لکی - گویش مرکزی

⁷ اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 1:7 Iomraidhean Croise

مَتّی 20:28

هُنَ گه کُر اِنسون‌یش نِهات تاگَه خِلمت اَژی بِهَنی، بلکِم هات تاگَه خِلمت بِهِه ئو تا گیون ووژ اِجور نَسَخ آزادی اَرِه فِرَه کسَل بِ.»

مَتّی 26:28

یَسَ خوین مِن اَرِه عَت [جدید] گه وَه خاطر بشخِش گنائَل فِرَه کسَل مَرِشی‌اِرا.

مَتّی 6:12

قَرتَل ایمَه بوئَشخِن، هُنَ گه ایمِه‌یش قَرت‌دارَل ووژمونَ موئَشخیم.

مَرقُس 14:24

ئو وِتیَ بینو: «یَسَ خوین مِه اَرِه عَتی [تازَه] گه وَه خاطر فِرَه کَسِلَ مَرِشی.

لوقا 1:77

ئو ایی میَرفتَ بِینَ قوم او گه وَه بشخِش گنائَلو، نجادَ مَگِرِن.

لوقا 24:47

ئو وَه نُم او، توئَه ئو بشخِش گنائَل اِلومَ ماو اَر کُل ملتَل ئو بِنیا اژ اورشلیمِ.

یوحنا 20:23

اَرّ گنائَل کسی بوئَشخینو، بَشخیا ماو اَرِنو؛ ئو اَرّ گنائَل کسی نَبَشخیاءَ بِیلینو، نَبَشخیا مَمینی.»

کارَل رسولَل 10:43

پِخَمَرَل، کُل اِبارَه او شاتیَ میَن گه هر کی ایمو باری اَر عیسی، وَه نُم او گنائَلی بَشخیا ماو.»

کارَل رسولَل 2:38

پطرس وِتی‌ئونو: «توئَه کَن ئو هرکُم اَژینتو وَه نُم عیسی مسیح اَرِه بشخِش گنائَلتو خُسِل تیَمید بِگِرِن گه روح‌القدسی گه عطا خداءَ مَگِرینو.

کارَل رسولَل 20:28

حُواستون اَر ووژتون ئو کُل ریئَن بو، گه روح‌القدس هُمَل اَرِه نظارت اَر اونَل اِنتخاو کِردیِ تاگَه کلیسا خداون گه وَه خوین ووژ خِریَسی شوئونی کِینو.

کارَل رسولَل 3:19

اِسگَه توئَه کَن ئو گِلارِن ویرِ خدا، تاگَه گنائَلتو پاکا بو تاگَه روژَل تازه‌آ بیئِن، اژ حضور خدا اَرِنتو برَسی،

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

رومیان 3:24

وَه فیض خدا ئو وَه‌سونگَ اَ نَسَخ آزادی‌ای گه ها نوم مسیحْ عیسی‌اِر، وَه مِفت صالح وَه حساوَ مان،

رومیان 3:25

گه خدا وِرِکار عیسی مسیح اَرِه کفارَه گنائَل مَیِّن کِردی، تاگَه وَه‌سونگَ خوین او، اژ رئی ایمو باءَ دس. یَه اَرِه نِشو دائِن عدالت خدا اَنجوم گِرتی، اَرِیَگه خدا اِ صبِر الهی ووژ، گنا نواینِلَهَه وَه نِئیَ گِرتی.

رومیان 9:23

تاگَه جِلال بی‌حدِحساو ووژ بشتاسِنی اَر حاجَتَل ریَمَتی گه وِرِکار اَرِه جِلال حاضر کِردِنِ؟

اول قرنتیان 1:30

وَه‌سونگَ اوءَ گه هُمَه هاینون اِنوم مسیحْ عیسی، اَوَه گه اژ جونِم خدا اَرِه ایمَه بیَسَ حکمت، صالح‌بیئین، قدوسیّت ئو آزدی.

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

اَفِسُسیَل 1:14

روح‌القدسی گه بِعونَه میرات ایمِئَه تا زمونی گه تمومِ‌کمال بِهِیمیَ هِن ووژمو، تاگَه جِلال او شگِر بو.

اَفِسُسیَل 1:18

تا چیَم دلتو روشِه بو، تاگَه امیدی گه خدا دَوَتتو کِردیَسیَ بی، بشتاسینو ئو اَ میرات بی‌حدِحساو ئو پِرجِلال خدا اِنوم ایمودارَل مسیحَ، بِفیَمینو.

اَفِسُسیَل 1:6

تا هُنَ فیض پِرجِلال او شگِر بو، فیضی گه اِنوم اَ عزیزگرامی ووژَ ایمَه بِرَکت داتی.

اَفِسُسیَل 1:8

وَه‌گَرد حکمت ئو فیَم کامل، چَل‌چَل بَشخیتیَ ایمَه.

اَفِسُسیَل 2:4

مِنتائای خدای گه اِ ریَمَت دولَمَنَ، وَه خاطر مِحبت بی‌حدِحساوی گه اَر ایمَه دیری،

اَفِسُسیَل 2:7

تاگَه اِ اَ زمونَلی گه میا بان، دولَمَنی بی‌حدِحساو فیض ووژ اِنوم مسیحْ عیسی، اِ مِرِبونی اَر ایمَه، نِشو بِ.

اَفِسُسیَل 3:16

گه مِطابق دولَمَنی جِلال ووژ بوئَشخیَ بینتو تاگَه وَه‌سونگَ روح خدا اِ دَرین ووژتو وَه قویَت زوردار بوئینو،

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

فیلیپیَل 4:19

ئو خداءِ مِه، کُل هَوَجَه‌ل هُمَه مِطابق دولتی پِرجِلال ووژ اِنوم مسیحْ عیسی زفت‌ِرفتَ مِهِه.

کولُسیَل 1:14

گه ایمَه اِنوم او آزادی دیریم یانی بشخِش گنائَلمو.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 2:13

ئو خدا هُمَه گه اِ گنائَل ئو جسم ختینَه‌نکَریاتو مِردوئینو، وَه‌گَرد مسیح زِنیا کِردی. او کُل گنائَل ایمَه بَشخیتی

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

اول تیموتائوس 2:6

او گه گیو ووژ اَرِه خیمت آزادی کُل آمَل داتی، ایی حخیختَ اِ زَمو دُریس ووژ شاتی هاوِنتیَ بی.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

تیتوس 3:6

گه خدا وَه‌سونگَ نجاددهندَه‌مو عیسی مسیح، وَه دولَمَنی روح‌القدس رِشونی‌ اَر سرمون‌اِرا.

عِبرانیَل 9:22

اِراسی، مِطابق شریعت، تقریباً کُل چی وَه خوین پاکا ماو ئو اَرّ خوین نَرِشی، بشخِش گنائَل نیَ.

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،

اول یوحنا 2:12

اِاِ رولَه‌ل، اَرِه هُمَه مَنُیسِنِم، اَرِیَگه گنائَلتو وَه خاطر نُم او بَشخیان.

اول یوحنا 2:2

او کفارَه گنائَل ایمِئَه، نه فَخَد گنائَل ایمَه، بلکِم گنائَل کُل دنیایش.

اول یوحنا 4:10

مِحبت هَر یَسَ، نه یَگه ایمَه مِحبتمو کِردوئی اَر خدا، بلکِم او مِحبت کِردی اَر ایمَه ئو کُر ووژ کِل‌کِردی تاگَه کفارَه گنائَلمو بو.

مِکاشفَه 14:4

یوئنَ هَراَ کسَلِنَ گه ووژو آلودَه ژِنَل نَهَردیَ، اَرِیَگه عُذَبِن. یوئنَ کسَلی کِن گه مَچِنَ تُرّ وَرکا ویرِ هر جای گه بِچو. یوئنَ اژ نوم آمَل وَه نَسَخی اِدوارَه خِریانَ تا بوئنَ نوبر اَرِه خدا ئو وَرک.

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛