اَفِسُسیَل 1:4 - کتاب مقدس به زبان لکی - گویش مرکزی

⁴ اَرِیَگه وِر اژ یَگه بِنیا دنیا باوِنی، ایمَه اِنوم مسیح اِنتخاو کِردی تا اَر تک ووژ مقدّس ئو بی‌عِو بوئیم. ئو اِنوم مِحبت،

اَفِسُسیَل 1:4 Iomraidhean Croise

مَتّی 24:22

اَرّ اَ روژِلَ کُئلا نِموئیا، هُیچ بشری گیو آزا اِرنِمَهَردی. مِنتائای وَه خاطر کسَلی گه دیاری بینَ، اَ روژِلَ کُئلا ماو.

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 24:31

او فریشدَه‌ل ووژ وَه دَنگ کَلِنگ شِپور کِلَ‌مِهِه ئو اونَل دیاری‌بیَل خدا اژ چوار سویک دنیا اژ یِه پر آسمو تاگَه اَ پر، جیَمَ مَهَن اَر دور یَکا.

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

یوحنا 10:16

کاوِرَل‌تِریشی دیرِم گه اژ ایی کُرِنگَ نیِن. باس اون‌یشَ بارِم ئو اون‌یش گوشَ مَگِرِنَ دَنگ مِه. اَسَه موئنَ یِه ریئَن وَه‌گَرد یِه شوئو.

یوحنا 15:16

هُمَه نوئینو گه مِنتو اِنتخاو کِرد، بلکِم مِه بیم گه هُمَه‌م اِنتخاو کِرد ئو هُمَه‌م مَیِّن کِرد تاگَه بِچینو ئو ثمر بارینو ئو ثمر هُمَه بِمینی، تاگَه هر چَتونی اژ باوَه وَه نُم مِه بِ، بیَ بینتو.

یوحنا 17:24

اِ باوَه، مِم اونَلی گه داتَسَ بینِم وَه‌گَرد مِه بوئن، هَراَ جاءَ گه مِه هم، تاگَه جِلالِم بوئینِن، جِلالی گه تو داتَسَ بینِم؛ اَرِیَگه وِر اژ یَگه بِنیا دنیا باوِنی مِنِت دوس داشدیَ.

کارَل رسولَل 13:48

وخدی خِرِیهودیَل یِئونَ شنَفت، خَوشالا بین ئو کلوم خداونو پِرَسی؛ ئو اونَلی گه اَرِه ژییاین ابدی مَیِّن بوئین، ایمونو آوِرد.

کارَل رسولَل 15:18

ایی چیئِلَ اژ قدیم آشگارا کِردیَسی.“

کارَل رسولَل 18:10

اَرِیَگه مِه هامَ گَردِت ئو کس نِمَتونی بِلاتی باری اَرسر، اَرِیَگه مِه فِرَه کسَل اِنوم ایی شیَرَ دیرِم.»

رومیان 8:33

کیَ گه کسَلی گه خدا دیاری کِردِنِ مِتهم کِ؟ خداءَ گه اونَل، صالح وَه حساوَ ماری!

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

غَلاطیَل 5:13

اَرِیَگه اِاِ بِرال، هُمَه دَوَت بینو‌نَسَ آزادی، مِنتائای حُواستو بو آزادیتو ناوَ مِجالی اَرِه جسم، بلکِم وَه مِحبت خِلمت بِهَن اَر یَکتِری.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

اَفِسُسیَل 2:10

اَرِیَگه ایمَه کار دس خدائیم، ئو اِنوم مسیحْ عیسی اَرِه کارَل خو خَلک بیمونَ، گه خدا وِرِکار تیارِک دیتی تا اِنوم اونَ زِنِه‌ی بِهِیم.

اَفِسُسیَل 3:17

تاگَه مسیح وَه‌سونگَ ایمو لیز بِگِری اِنوم دلَلتو، ئو اِنوم مِحبت ریشیا بِینو ئو پایارا بوئینو،

اَفِسُسیَل 4:2

اِ تاواضی کامل ئو مِلائمت، وَه صبِر ئو اِنوم مِحبت یَکتِری تیَمِل بِهَن.

اَفِسُسیَل 5:2

ئو اِنوم مِحبت رفدار بِهَن، هَرهُنَ گه مسیح‌یش مِحبت کِردی اَر ایمَه ئو گیو ووژ اِجور قُرونی ئو پیشکَشی عطِرداری اَرِه ایمَه تقدیم خدا کِردی.

اَفِسُسیَل 5:27

ئو کلیسا اِ اَ جِلال ئو رنگینیَ گه دیری باری اَرِه تک ووژ بی‌هُیچ لکَه ئو لوچی ئو هُنَ چیئَلی، تا کلیسا مقدّس ئو بی‌عِو بو.

فیلیپیَل 2:15

تاگَه بی‌عِو ئو بی یَگه تصقیرکار بوئینو، آیلَل بی‌عِو خدا بوئینو، اِنومجا نسِل تور ئو اَژرئی‌اِرهاتی‌ای گه هُمَه اِنومو اِجور نُیر اِنوم ایی دنیاءَ بِریقَه‌تونَ مای.

کولُسیَل 1:22

اِسگَه مسیح وَه‌سونگَ مرگ ووژ اِنوم لار جسمونی ووژ، هُمَه دوسی داسی، تا مقدّس ئو بی‌عِو ئو بی‌هُیچ خِضی باریتون‌ اَرِه تک خدا،

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

کولُسیَل 3:12

اِسَه اِجور کسَلی گه خدا دیاری کِردِنِ ئو مقدّس ئو عزیزگرامیِن، دلسوزی، مِرِبونی، تاواضی، مِلائمت ئو صبِر بِهَنِ وَر.

اول تِسالونیکیَل 3:12

ئو هُنَ گه مِحبت ایمَه اَر هُمَه فِرَه‌آ ماو، خداون مِحبت هُمَه اَر یَکتِری ئو اَر کُل مردِم ویشتِر ئو فِرَه‌تِرا کِ،

اول تِسالونیکیَل 4:7

اَرِیَگه خدا ایمَه دَوَت کِردیَسیَ مقدّس‌بیئین نه ناپاکی.

دوئِم تیموتائوس 1:9

خدای گه ایمَه نجاد داتی ئو دَوَتمو کِردیَ زِنِه‌ی مقدّس، نه وَه خاطر کارَل ایمَه بلکِم وَه خاطر قَص ئو فیض ووژ، گه او وِر اژ بِنیا زمونَه‌ل، اِنوم مسیحْ عیسی بَشخیتیَ ایمَه.

دوئِم تیموتائوس 2:10

اِسَه مِه کُل چی وَه خاطر کسَلی گه دیاری بینَ تیَمِلَ مَهَم تاگَه اون‌یش نجادی‌ گه ها نوم مسیحْ عیسی‌اِر، وَه‌گَرد جِلال ابدی بارِنَ دس.

دوئِم تیموتائوس 2:19

وَه ایی حالا بِناوَه موکَمی گه خدا ناسی، پایارَ ئو هُنَ میر بیَ گه: «خداون کسَل ووژَ مَشتاسی،» ئو «هر کی نُم خداون باریَ زوئو باس اژ نادُریسی دویرا بِگِری.»

یعقوب 2:5

بِرال عزیزِم، گوش بِگِرِن! مَر خدا ژارَل ایی دنیاءَ اِنتخاو نَهَردیِ تاگَه اِ ایمو دولَمَن بوئن ئو بوئنَ وارث اَ پاتِشائیَ گه وَدَه داسیَ دوسدارَل ووژ؟

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول پطرس 1:20

او وِر اژ یَگه بِنیا دنیا بِنِری مَیِّن بی، مِنتائای اِ ایی زمونَل آخِرَ وَه خاطر هُمَه ظاهر بی.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.

اول یوحنا 4:16

اِسَه ایمَه مِحبتی گه خدا اَر ایمَه دیری شناسیمونَ ئو باوارمو کِردیَ. خدا مِحبتَ ئو کسی گه لیز گِرتیَس اِنوم مِحبت، لیز گِرتیَس اِنوم خدا ئو خدا اِنوم او.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.