اَفِسُسیَل 1:21 - کتاب مقدس به زبان لکی - گویش مرکزی

²¹ بِلِنگ‌تِر اژ هر ریاست ئو قدِرت ئو قویَت ئو حکومت، ئو بِلِنگ‌تِر اژ هر نُمی گه نه فَخَد اِ ایی زمونَه بلکِم اِنوم زمونی گه میا بای هِنا ماو.

اَفِسُسیَل 1:21 Iomraidhean Croise

مَتّی 12:32

هر کی قصه‌ی اَرضد کُر اِنسو بوشی، بَشخیا ماو مِنتائای هر کی اَرضد روح‌القدس قصَه بِهِه، بَشخیا نِماو، نه اِ ایی زمونَ ئو نه اِ زمونی گه میا بای.

کارَل رسولَل 4:12

اِنوم هُیچ کسِ‌تِر بِخِر اژ عیسی نجاد نیَ، اَرِیَگه اِژیر آسمو نُمی‌‌تِرونَ آمَل ناءَ تاگَه وَه‌سونگَ اَوا نجاد بِگِریم.»

اَفِسُسیَل 2:2

ئو زمونی اِنوم اونَل زِنِه‌یتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِه‌یشَ اِنوم آیلَل کورفِربونی کارَ مِهِه.

اَفِسُسیَل 3:10

تا وَه‌سونگَ کلیسا اِسگَه حکمت جوراجور خدا آشگارا بو اَر حکِمرونَل ئو قدِرتَل اِ جائَل آسمونی،

اَفِسُسیَل 6:12

اَرِیَگه ایمَه وَه‌گَرد جسم ئو خوین زورو نِمَگِریم، بلکِم ایمَه اَرضد حکِمرونَل، اَرضد رِئیسَل، اَرضد قدِرتَلی گه اَر دنیا تیَریکی حکِمرونیَ مَهَن، اَرضد قدِرتَل روحانی شر اِ جائَل آسمونی، جنگَ مِهِیم.

کولُسیَل 2:10

ئو هُمَه اِنوم مسیح پِرا بینونَ، گه سر کُل حکِمرونیَل ئو قدرتِلَ.

کولُسیَل 2:15

او اسلحَه اژ حکِمرونَل ئو قدِرتَل گِرتی، ئو وَه فائق هاتن اَر اونَل اِنوم ووژ گه اَررُی صلیب بی، اِوَر چیَم کُل رُسبائو کِردی.

عِبرانیَل 1:4

اِسَه هَر اَخَ گه اژ فریشدَه‌ل سرتِرا بی، نُمی گه بِردیَ میرات اعلی‌تِر اژ نُم اونِلَ.

عِبرانیَل 2:5

اَرِیَگه خدا، دنیا آیندَه گه دیریم اَژی قصَه مِهِیمی، فِربوبَر فریشدَه‌ل نَهَردی.

عِبرانیَل 4:14

اِسَه وخدی کاهن اعظم کَلِنگی دیریم گه ویرِ آسمونَل چیَسِ رُ، یانی عیسی کُر خدا، بورِن سفدِسخد بچسبیمون اَر اعتراف ایمونمو.

اول پطرس 3:22

هَر او گه ویرِ آسمو چی ئو اِسگَه ها اَر دس راس خدا ئو فریشدَه‌ل ئو صائای‌قدِرتَل ئو قویَتَل فِربوبَر اوئِن.