اَفِسُسیَل 1:20 - کتاب مقدس به زبان لکی - گویش مرکزی

²⁰ گه اَوَه اِنوم مسیح بِردیِ کار، زمونی گه او اژ مِردیَل زِنیا کِردی ئو اَر جائَل آسمونی، نیشونی اَر دس راس ووژ،

اَفِسُسیَل 1:20 Iomraidhean Croise

مَتّی 26:64

عیسی جوواوا داتی: «تو ووژِت وِتِت! موشِم‌ئونتو گه اَژیرِ دُما کُر اِنسونَ موئینینو گه نیشتیَس اَر دس راس خداءِ قادرا، ئو وَه سر اُرَل آسمونا مای.»

مَتّی 28:18

اَسَه عیسی هاتِ وَر ئو وِتی‌ئونو: «کُل قدِرت‌واختیار اِنوم آسمون ئو زمینو داسَ مِه.

مَرقُس 14:62

عیسی وِتَ بی: «هم، ئو کُر اِنسونَ موئینینو گه نیشتیَس اَر دس راس خداءِ قادر، ئو اَر رُی اُرَل آسمونَ مای.»

مَرقُس 16:19

اَسَه عیسیِ خداون دُما یَگه ایی قصه‌لَ وِتیَ بینو، ویر آسمو بَریا، ئو نیشت اَر دس راس خدا.

یوحنا 10:18

هُیچ‌کس گیون مِه نِمَسینی، بلکِم مِه وَه دل ووژِم گیونمَ میَم. قدِرت‌واختیار دیرِم اَوَه بیَم ئو قدِرت‌واختیار دیرِم بِسینمیا. ایی حکمَ اژ باوَه‌م گِرتِمَ.»

یوحنا 10:30

مِن ئو باوَه‌م یَکی کیم.»

کارَل رسولَل 10:40

مِنتائای خدا او اِ روژ سِئِم زِنیا کِردی ئو ظاهر کِردی،

کارَل رسولَل 26:8

اَرِه‌چَه باس هُمَه بِلُجوئیتو بای گه خدا مِردیَل زِنیا مِهِه؟

کارَل رسولَل 4:10

اِسَه کُل هُمَه ئو کُل قوم اسرائیل بِذانِن گه وَه نُم عیسی مسیحِ ناصریَ گه ایی پیا ساق هوسیاس اَر وَر چیَمَلتو، وَه نُم هَراَ کسَ گه هُمَه کیشیتون اَر صلیب، مِنتائای خدا او اژ مِردیَل زِنیا کِردی.

کارَل رسولَل 5:31

ئو او بِردیِ بِلِنگ اَر دس راس ووژا، کِردیَ آقا ئو نجاددهندَه تاگَه مِجال توئَه ئو بشخِش گنائَل بیَ قوم اسرائیل.

رومیان 1:4

ئو اژ لِحاظ روحِ قدوسیّت وَه‌سونگَ زِنیابیئِنی اژ مِردیَل وَه قدِرتا اِلوم بی گه کُر خداءَ، یانی خداون ایمَه عیسی مسیحَ.

رومیان 8:34

کیَ گه مَکومو کِ؟ مسیحْ عیسی گه مِرد، بلکِم اژ مِردیَل‌یش زِنیا بی، او گه ها اَر دس راس خداآ، اوءَ گه اِراسی اَرِه ایمَه شِفاعت‌یشَ مِهِه!

اَفِسُسیَل 1:3

بِمارِک بو خدا ئو باوَه خداونمو عیسی مسیح، گه ایمَه اِنوم مسیح وَه هر بِرَکت روحانی اِ جائَل آسمونی بِرَکت داسی.

فیلیپیَل 3:10

تاگَه مسیح ئو قدِرت زِنیابیئِنی بشتاسِم ئو اِ عذاوَلی شریک بوئمی، اِ مرگی بوئم اِجور او.

کولُسیَل 1:16

اَرِیَگه کُل چی وَه‌سونگَ او خَلک بی: اَ چیئَه گه ها آسمون‌اِر ئو اَ چیئَه گه ها رُی زَمی، چیئَلی گه ماو بوئینیو ئو چیئَلی گه نِماو بوئینیو، تختَل ئو حکِمرونیَل، ریاستَل ئو قدِرتَل، کُل وَه‌سونگَ او ئو اَرِه او خَلک بین.

کولُسیَل 3:1

اِسَه اَرّ وَه‌گَرد مسیح اژ مِردیَل زِنیا بینونَ، اِ دُم چیئَلیا بوئن گه هانِ بِلِنگ، جای گه مسیح نیشتیَس اَر دس راس خدا.

عِبرانیَل 1:3

او نُیر جِلال خدا ئو نَشق کامل ذاتَسی، ئو وَه کلوم قدِرت ووژ، کُل چی حفظَ مِهِه. او دُما پاکا کِردِن گنائَل، نیشت اَر دس راس حضرت اعلی‌آ، اِ عرشِ فِلک.

عِبرانیَل 10:12

مِنتائای مسیح دُما یَگه اَرِه همیشَه یِه قُرونی اَرِه گنائَل پیشکَش کِردی، نیشت اَر دس راس خداآ.

عِبرانیَل 13:20

اِسگَه، خداءِ صُئل‌وسِلامتی گه شوئون اعظم کاوِرَل یانی خداونمو عیسی، وَه خوین عَت ابدی اژ مِردیَل زِنیا کِردی،

عِبرانیَل 2:9

مِنتائای عیسیَ موئینیم گه اَرِه مِدت کمی بیَ هُارتِر اژ فریشدَه‌ل، ئو وَه خاطر زجِر مرگ تاج جِلال ئو عزّت نیریاسی اَر سر تاگَه وَه‌سونگَ فیض خدا، اَرِه کُل، مرگ طُم کِ.

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

مِکاشفَه 1:17

هَریَگه اوئِم دی، اِجور مِردی کَتم اَر وَر پالی. مِنتائای او دس راس ووژ نا اَر قِم ئو وِتی: «زِلَت نَچو، مِنِم اول، مِنِم آخِر،