اَفِسُسیَل 1:19 - کتاب مقدس به زبان لکی - گویش مرکزی

¹⁹ ئو اژ قدِرت بی‌حدِحساو او اَر ایمَه گه ایمو دیریم باخَوَر بوئینو. ایی قویَتَ اژ قدِرت بی‌حدِحساو خدا گه دیری کارَ مِهِه، مای.

اَفِسُسیَل 1:19 Iomraidhean Croise

یوحنا 3:6

اَ چیئَه گه اژ جسم زاندَه بو، جسمونیَ؛ ئو اَ چیئَه گه اژ روحِ خدا زاندَه بو، روحانیَ.

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

رومیان 1:16

اَرِیَگه مِن اژ انجیل عارِم نِمای، اَرِیَگه قویَت خداءَ اَرِه نجاد هر کی گه ایمو باری، اول‌بار یهود ئو دُماخِرِ یونانی.

دوئِم قُرَنتیان 4:7

مِنتائای ایمَه ایی گنجَ اِنوم کویزَه‌ل گِلین دیریمو، تاگَه دیار بو گه ایی قدِرت عظیمَ اژ خداونَ نه اژ ایمَه.

دوئِم قُرَنتیان 5:17

اِسَه اَرّ کسی ها نوم مسیح‌اِر، خلقت تازه‌ی‌کَ. چیئَل کُینَه اژ بِن چِن، اِسگَه کُل چی تازه‌آ بیَ!

اَفِسُسیَل 2:10

اَرِیَگه ایمَه کار دس خدائیم، ئو اِنوم مسیحْ عیسی اَرِه کارَل خو خَلک بیمونَ، گه خدا وِرِکار تیارِک دیتی تا اِنوم اونَ زِنِه‌ی بِهِیم.

اَفِسُسیَل 3:20

اِسگَه جِلال اَر خدای گه مَتونی وَه‌سونگَ اَ قدِرتَ گه اِنوم ایمَه کارَ مِهِه، فِرَه ویشتِر اژ اَ چیئَه گه ایمَه بِمو یا فگِر کِیمی، اَنجوم بِ.

اَفِسُسیَل 3:7

مِه مِطابق عطاءِ فیض خدا بیمَسَ خادم ایی انجیلَ گه یَه وَه‌سونگَ قدِرت او گه کارَ مِهِه، بَشخیاسَ بینِم.

اَفِسُسیَل 6:10

خلاصَه، اِنوم خداون ئو اِ قویَتی گه اژ قدِرت اوءَ مای، زوردار بوئن.

فیلیپیَل 2:13

اَرِیَگه یَه خداءَ گه هم اِ خواس هم اِ عمل، اَرِه خَوشالی ووژ اِنوم هُمَه کارَ مِهِه.

فیلیپیَل 3:21

او گه وَه قدِرتی گه قویَتَ مِیتیَ بی گه جُ‌جُ کُل چی بِهِئَه فِربوبَر ووژ، لارَل خوار ایمَه عوضَ مِهِه تا بوئن اِجور لار پِرجِلال ووژ.

کولُسیَل 1:29

اَژونَسَ مِه جُورَ مَکیشِم ئو وَه‌سونگَ او گه وَه قدِرت اِنوم مِه کارَ مِهِه، وَه تموم قویَتِم تقِلاءَ مَهَم.

کولُسیَل 2:12

اِ خُسِل تیَمید، وَه‌گَرد او چال بینونَ، گه اِنوم اَوَه وَه‌سونگَ ایمون اَر کار پِرقویَت‌ خدای گه مسیح اژ مِردیَل زِنیا کِردی، وَه‌گَرد او اژ مِردیَل زِنیا بینو.

اول تِسالونیکیَل 1:5

اَرِیَگه انجیل ایمَه نه فَخَد وَه قصَه بلکِم اِنوم قدِرت ئو اِنوم روح‌القدس ئو وَه اطمینو کامل رَسیَ هُمَه. هُنَ گه مَذانینو وَه خاطر هُمَه چطور اِنومتو رفدارمو کِرد.

دوئِم تِسالونیکیَل 1:11

اَژونَسَ، یِسَر دوعاتون‌ اَرِنَ مِهِیم تا خدامو لائقتو بِذانی گه دَوَت اَژینتو بِگِری ئو وَه قدِرت ووژ هر قَص خو ئو هر کاری گه اژ ایمونتونَ، اَنجوم بِ،

یعقوب 1:18

او مِطابق خواس ووژ ایمَه وَه کلوم حخیخت خَلک کِردی تاگَه اِجور نوبری بوئیم اژ مخلوقات ووژ.

اول پطرس 4:11

هر کی قصَه مِهِه، اِجور خدا قصَه بِهِه؛ ئو هرکی خِلمتَ مِهِه، وَه قویَتی گه خدا موئَشخی خِلمت بِهِه، تاگَه اِ کُل چی، خدا وَه‌سونگَ عیسی مسیح جِلال بِگِری. جِلال ئو سِلطنت اَر او تا ابد ئو تا ابد. آمین.