اَفِسُسیَل 1:18 - کتاب مقدس به زبان لکی - گویش مرکزی

¹⁸ تا چیَم دلتو روشِه بو، تاگَه امیدی گه خدا دَوَتتو کِردیَسیَ بی، بشتاسینو ئو اَ میرات بی‌حدِحساو ئو پِرجِلال خدا اِنوم ایمودارَل مسیحَ، بِفیَمینو.

اَفِسُسیَل 1:18 Iomraidhean Croise

مَتّی 13:15

اَرِیَگه دل ایی قومَ بیَسَ بَرد، گوشَلو سنگینا بیَ، ئو چیَمَل ووژونا بَسدونَ، تاناخواد وَه چیَمَلونا بوئینِن، ئو وَه گوشَلونا بشتوئِن ئو اِنوم دلَل ووژونا بفیَمِن ئو گِلابیرِنِ دُما ئو مِه شِفائو دَم.“

مَرقُس 10:17

وخدی عیسی کَتِ رئی، پیای هَراَ دو هات، اَر وَر پالی زُنی داتی ئو پِرسیتی: «استادِ خو، چَه بِهَم تاگَه ژییاین ابدی بیَرمَ میرات؟»

لوقا 24:45

اَسَه ذِنو روشِنا کِردی تاگَه بتونِن نُسَخ مقدّس بفیَمِن.

کارَل رسولَل 16:14

اِنوم اونَل ژَن خداپِرَسی اژ شیَر تیاتیرا بی ئو گوشَ ماتی اَر قصَه‌لمو. او لیدیَه نُم بیتی ئو پارچَه‌ل گِرو کاوَ مَفِروتی. خداون قلب گُشونا تاگَه خو گوش بِگِریَ اَ چیئَه گه پولُسَ موئِتی.

کارَل رسولَل 26:18

تاگَه چیَمَلو واز کِین تاگَه اژ تیَریکی ویرِ روشتایی ئو اژ قدِرت شِطو گِلارِن ویرِ خدا، تاگَه وَه‌سونگَ ایمون اَر مِه گنائَلو بَشخیا بو ئو اِنوم کسَلی گه تقدیس بینَ، بیَرونی داشدوئی.“

رومیان 11:29

اَرِیَگه خدا هرگِس پیشکَشیَل ئو دَوَت ووژ نِمَسینیِ دُما.

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

غَلاطیَل 5:5

اَرِیَگه ایمَه وَه‌سونگَ روحِ خدا، وَه ایمو، چیَمَ‌رئی اَ صالح‌بیئینی کیم گه امیدَ بی دیریمی.

اَفِسُسیَل 1:11

ایمَه اِنوم او بیمونَسَ وارثَل. هُنَ گه خدا کُل چیئَل مِطابق خواس ووژ اَنجومَ مِ، ایمِه‌یش مِطابق مصقود او وِر اژ یَه اِنتخاو بیمونَ.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 2:12

بارِنَ ویر گه اِ اَ زمونَ، اژ مسیح جیا بینو، ئو جُزم قوم اسرائیل وَه حساو نِماهاتینو ئو وَه‌گَرد عَتَل وَدَه بیگونَه بینو، ئو ناامید ئو بی‌خدا اِنوم ایی دنیاءَ زِنِه‌یتونَ مَهَرد.

اَفِسُسیَل 3:16

گه مِطابق دولَمَنی جِلال ووژ بوئَشخیَ بینتو تاگَه وَه‌سونگَ روح خدا اِ دَرین ووژتو وَه قویَت زوردار بوئینو،

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

اَفِسُسیَل 4:1

اِسَه مِه گه وَه خاطر خداون زندونیِم، خواهشد اَژینتونَ مَهَم گه لائق دَوَتی گه اَژینتو بیَ، رفدار بِهَن،

اَفِسُسیَل 4:4

هَرهُنَ گه یِه لار ئو یِه روح هَس، خدایش گه دَوَت اَژینتو گِرتیَسی، یِه امید داسیَ بینتو؛

اَفِسُسیَل 5:8

اَرِیَگه هُمَه زمونی تیَریکی بینو، مِنتائای اِسگَه اِنوم خداون نُیرینو. اِسَه اِجور آیلَل نُیر رفدار بِهَن.

فیلیپیَل 3:14

اَرِیَگه برَسم اَر قَص ووژِم تقِلا مَهَم تا جائزه‌ی بارمَ دس گه خدا اَرِه اَوَه اِنوم مسیحْ عیسی دَوَت کِردِمَسیَ بِلِنگ.

کولُسیَل 1:12

تا شگِر باوَه آسمونی بِهِینو گه هُمَه کِردیَسیَ لائق شیَریکی اِ میراتی گه ایمودارَل مسیح، اِنوم نُیر دیرِن.

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 1:5

گه یوئنَ اژ امیدی گه اِ آسمو اَرِه هُمِه‌ئو هُیشتیَ مای، گه وِرِکار اِنوم کلوم حخیخت یانی انجیلتو شنَفتیَ،

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

کولُسیَل 3:15

صُئل مسیح حکِمرون دلَلتو بو گه هَر اِراسی اَرِه یَه دَوَت بینو‌نَسَ یِه لار، ئو شگِرگزار بوئن.

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

اول تِسالونیکیَل 5:8

مِنتائای اَرِیَگه ایمَه هِن روژیم، باس وَه سر ووژمونا بوئیم، ئو ایمون ئو مِحبت اِجور زِری‌ای بوئنیم اَر وَر سینَه‌مونا ئو کِلاوخور امید نجاد بنیمِ سر.

دوئِم تِسالونیکیَل 1:11

اَژونَسَ، یِسَر دوعاتون‌ اَرِنَ مِهِیم تا خدامو لائقتو بِذانی گه دَوَت اَژینتو بِگِری ئو وَه قدِرت ووژ هر قَص خو ئو هر کاری گه اژ ایمونتونَ، اَنجوم بِ،

دوئِم تِسالونیکیَل 2:16

اِسگَه خداونمو عیسی مسیح ووژ، ئو خدا، باوَه آسمونیمو گه ایمَه دوس داشدی ئو وَه فیض ووژ دلگُوئی ابدی ئو امید خو بَشخیتیَ بینمو،

اول تیموتائوس 6:12

اِ جنگ خو ایمو، جنگ بِهَه ئو بچسب اَر ژییاین ابدی‌ای گه اَرِه هِنا بینی ئو اَر تک شاتَل فِرِه‌ی اعتراف خوتَ بی کِرد.

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

تیتوس 3:7

تاگَه وَه فیض او صالح وَه حساو بایم ئو مِطابق امید اَر ژییاین ابدی بوئیمَ وارثَل.

عِبرانیَل 10:32

اَ روژَل وِر اژ یَه بارنَ ویرتو، زمونی گه تازَه نُیردارا بوئینو؛ اِ اَ روژِلَ، اِ جنگ کَلِنگیَ گَرد عذاوَل طاختتو آوِرد.

عِبرانیَل 6:4

اَرِیَگه اونَلی گه یِه گِل روشتاآ بینَ ئو عطا آسمونیو طُم کِردیَ ئو اِ روح‌القدس هُم‌بیَرا بینَ

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

اول پطرس 3:9

جوواو گَنیَ گَنی ئو دُشمینَ دُشمینا نیَن، بلکِم اِجالی، بِرَکت بارِنَ دس، اَرِیَگه هَر اَرِه یَه دَوَت بینونَ تاگَه بِرَکت بوءَ نَصُیتو.

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.