کولُسیَل 2:4 - کتاب مقدس به زبان لکی - گویش مرکزی

⁴ مِه یَه موشِم تا هُیچ‌کس وَه دلیلَلی گه مَتونی قانیتو بِهِه، فَنتو نِ.

کولُسیَل 2:4 Iomraidhean Croise

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 24:4

عیسی جوواوا داتی: «حُواستو بو تاگَه کس اژ رئیتون اِرناری.

مَرقُس 13:22

اَرِیَگه مسیحَل ئو پِخَمَرَل دِروزِنِ آشگارَ موئن، نشونَه‌ل ئو مُجِزَه‌ل اَنجومَ میَن تاگَه اَرّ بو، کسَلی گه دیاری بینَ اژ رئی اِربارِن.

کارَل رسولَل 20:30

جُ‌جُ اِنوم ووژتو کسَلی هیزَمَگِرِن ئو حخیخت چاوارشاآ مَهَن تاگَه شاگردَل بِکیشِنَ دُم ووژونا.

اول قرنتیان 2:4

ئو موعظَه ئو پِغومِم وَه قصَه‌ل قانی‌کَر حکمت نوئی، بلکِم وَه روح‌القدس ئو قدِرت خدا بی.

دوئِم قُرَنتیان 11:3

مِنتائای زِلَمَ مَچو هَرهُنَ گه مار وَه رِنگَری ووژ، سر حوّا فن داتی، فگِرَل هُمِه‌یش اژ ارادت خالص ئو رُی‌راسی گه اَر مسیح دیرینو، اِرگیردی.

غَلاطیَل 2:4

یَه وَه ایی خاطرَ بیَ گه بِری اژ بِرال دِروزِنِ‌ئو بی‌کِشکی آوِرد اِنوم جیَم ایمَه، تا جاسوسی اَ آزادیَ گه اِنوم مسیحْ عیسی دیریم بِهَن ئو ایمَه اِدوارَه بِهَنَ بَنَه.

اَفِسُسیَل 4:14

تا دیَر اِجور آیلَل نوئیمو تا وَه موجَل ویرِ هر لای هُوَ بیریم ئو وا تیَلیمَل جوراجور ایمَه بیَری ویرِ ایلا ئو اَلا ئو فن آمَلی بیریم گه اَرِه اژ رئی اِرآوِردِن نشقَه مَکیشِن.

اَفِسُسیَل 4:17

اِسَه یَه موشِم ئو اِنوم خداون شاتیَ میَم گه رفدارتو دیَر نَباس اِجور خِرِیهودیَل بو گه اِنوم فگِرَل باطل ووژو رفدارَ مَهَن.

اَفِسُسیَل 5:6

نِیلِن کسی وَه قصَه‌ل پیک فَنتو دِ، اَرِیَگه وَه خاطر هَرایی چیئِلَسَ گه خَضو خدا مَرِشی اَرسر آیلَل کورفِربونی‌اِرا.

کولُسیَل 2:18

نِیلِن کسی گه مَجُرّی اَر یَگه باس لار خوار بو ئو فریشدَه‌ل عَبادت بوئن، محرومتو کِ. هُنَ کسی میا ووژَ رویائَل ووژ مشغول بِهِه ئو بی‌یَگه دلیلی داشدوئیتی وَه فگِرَل اِلَکی ووژ، قُراتا ماو.

کولُسیَل 2:8

حُواستو بو کسی وَه فلسفَه ئو رِنگَری پُیچ، اسیرتو نِهِه، گه نه مِطابق مسیح، بلکِم مِطابق رسمِ‌رِسیم بشری ئو مِطابق اصول ایی دنیاسَ.

دوئِم تیموتائوس 2:16

مِنتائای اژ چِنَه مِفت دائِن دویرا بِگِر، اَرِیَگه ویشتِرِ ویشتِر مردِمَ میَری ویرِ بی‌دینی.

دوئِم تیموتائوس 3:13

مِنتائای شَرَبارَل ئو رِنگَرَل اِ گَنی گَنتِرا موئن، فنَ میَن ئو فنَ میرِن.

اول یوحنا 2:18

اِاِ آیلَل، یَه سات آخِرَ ئو هَراَ جورَ گه شنَفتِتونَ ’ضدّمسیحَ‘ مای، هَراِسگِه‌یشَ ضدّمسیحَل فِرِه هاتِنَ. اِسَه هَر اژ یَه‌آ مَذانیمو گه سات آخِرَ.

اول یوحنا 2:26

مِه ایی چیئِلَ اَرِه هُمَه اِبارَه کَسَلمی نُیسونیَ گه میا هُمَه اژ رئی اِربارِن.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

دوئِم یوحنا 1:7

اَرِیَگه آمَل رِنگَر فِرِه چِنَس اِنوم دنیا گه اعتراف نِمَهَن گه عیسی مسیح هاتیَس اِنوم جسمِ بشری. هُنَ کسَلی رِنگَر ئو ضدّمسیحِن.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 20:3

ئو او آوشدی اِنوم چا هاویَه در ئو اَری بَسد ئو میرِموم کِرد تا دیَر ملتَل فن نِ تا وخدی گه اَ هزار سالَ تموم بو ئو دُما اَوَه باس اَرِه مِدت کمی آزاد بو.

مِکاشفَه 20:8

ئو ماءَ دِریر اَرِه فن دائِن ملتَلی گه هانِ چوار سویک زَمی، یانی جوج ئو ماجوج گه شِمارو اِجور هُسَل دریاءَ، تا اَرِه جنگ جیَمو بِهِه.