کولُسیَل 2:2 - کتاب مقدس به زبان لکی - گویش مرکزی

² تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

کولُسیَل 2:2 Iomraidhean Croise

مَتّی 11:25

اَ حِنَ، عیسی وِتی: «اِاِ باوَه، اِاِ مالک آسمون ئو زَمی، شگِرتَ مَهَم گه ایی چیئِلتَ اژ دونائَل ئو حکیمَل شاردیَسا ئو اَر آیلَل گُجَر آشگارتا کِردیَ.

مَتّی 11:27

باوَه‌م کُل چی سپارتیَسیَ مِه. کس کُر نِمَشتاسی بِخِر اژ باوَه ئو کس باوَه نِمَشتاسی بِخِر اژ کُر ئو اونَلی گه کُر بِیتی باوَه اَرینو آشگارا بِهِه.

مَتّی 13:11

جوواوا دانی: «فیَم رازَل پاتِشائی آسمونو داسَ هُمَه، مِنتائای نه وَه اونَل.

لوقا 1:1

عالی‌مَقوم تِئوفیلوس، وَه خاطر یَگه فِرَه کسَل دَسو داسَ نُیسونِن چیئَلی گه اَرتَک ایمَه اتفاق کَتیَ،

یوحنا 10:30

مِن ئو باوَه‌م یَکی کیم.»

یوحنا 10:38

مِنتائای اَرّ اونِلَ مارِمَ جا، جُ‌جُ اَرّ ایمونمَ بی نِمارینو، دسِ‌کم ایمو بارِنَ اَ کارِلَ، تاگَه بِذانینو ئو ایمونتو داشدوئی گه باوَه ها نوم مِن‌اِر ئو مِه هام اِنوم باوَه.»

یوحنا 16:15

هرچی گه هِن باوِه‌ءَ، هِن مِن‌یشَ. اَژونَسَ وِتمَ بینتو، اَ چیئَه گه هِن مِنَ مَگِری، اِلومَ مِهِیتی اَر هُمَه.

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 5:17

مِنتائای جوواو عیسی یَه بیَ گه «باوَه‌م هَنی کارَ مِهِه، مِن‌یش کارَ مَهَم.»

یوحنا 5:23

تا کُل مردِم عزّت بِنِن اَر کُر، هَراَ جورَ گه عزّتَ مَنِن اَر باوَه. اَرِیَگه کسی گه عزّت نِمَنی اَر کُر، عزّت نَنیاسی‌ اَر باوِه گه او کِل‌کِردیَسی.

یوحنا 6:69

ئو ایمَه ایمونمو آوِردیَ ئو فیَمیمونَ گه اَ قدوسِ خدا تونین.»

کارَل رسولَل 4:32

کُل ایمودارَل اژ دل ئو گیو یَکی بین ئو هُیچ کس چیئی اژ دارِنداری هِن ووژ نِمَذِناسدی، بلکِم اِ کُل چی وَه‌گَرد یَک هُم‌بیَر بین.

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

رومیان 16:25

اِسگَه جِلال اَر او گه مَتونی مِطابق انجیلی گه مِن اِبارَه عیسی مسیح موعظَه مَهَم، تقویتتو کِ، -مِطابق مِکاشفَه اَ رازَ گه اَرِه زمونَه‌ل دِریژی آشاریا مَنوئی.

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

اول قرنتیان 14:31

اَرِیَگه کُلَ مَتونینو گِ‌گِ نبوّت بِهِینو تاگَه کُل تیَلیما بِگِرِن ئو کُل تشویق بوئن.

اول قرنتیان 2:12

ایمَه نه روحِ ایی دنیاءَ، بلکِم روحمونی آوِردیَسَ دس گه اژ خداءَ تا اَوَه گه خدا پیشکَش کِردیَس اَر ایمَه، بفیَمیم.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 3:16

گه مِطابق دولَمَنی جِلال ووژ بوئَشخیَ بینتو تاگَه وَه‌سونگَ روح خدا اِ دَرین ووژتو وَه قویَت زوردار بوئینو،

اَفِسُسیَل 3:3

هَرهُنَ گه کم تا کُتی نُیسونِم، گه چطور ایی رازَ وَه مِکاشفَه آشگارا بی اَر مِه.

اَفِسُسیَل 6:22

مِه هَراَ ایی خاطرَ کِلَ‌مَهَمی اَرِه تَکتو تا اژ حال ایمَه باخَوَرا بوئینو ئو تشویقتو کِ.

فیلیپیَل 2:1

اِسَه اَرّ دلگرمی‌ای اِنوم مسیح هَس، اَرّ دلگُوئی اژ مِحبت هَس، اَرّ رِقیفی اِنوم روحِ خدا هَس، اَرّ ریَم ئو دلسوزی هَس،

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

کولُسیَل 1:26

یانی اَ سِرّی گه اِ زمونَل ئو نسِلَل پنهو مَنوئی، مِنتائای اِسگَه آشگارا بیَس اَر ایمودارَل او.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 1:9

وَه ایی خاطرَ، اژ روژی گه یَمونَ شنَفت، دَسمون اژ دوعا کِردِن اَرِنتو نکیشیَ، بلکِم یِمِجو اژ خدامونَ مِ گه پِر بوئینون اژ شناخت خواس او، اِ هر حکمت ئو فیَم روحانی،

کولُسیَل 2:19

هُنَ کسی دیَر نچسبیَسَ سرا، اَ سِرَ گه کُل لار اژ اَوَه گیونَ مَگِری ئو وَه گُشبَن ئو گیسَه مَنِریَ قِ یَکا، ئو هَراَ جورَ گه خدا مِیتی رشدَ مِهِه.

کولُسیَل 3:14

ئو اَر رُی یوئنَ کُل، مِحبت بِهَنِ وَر گه کُل چی اِ اتحاد کامل مَنیَ قِ یَکا.

کولُسیَل 4:3

ئو اَرِه ایمِه‌یش دوعا بِهَن، گه خدا دری اَرِه کلوم اَررُی ایمَه واز بِهِه، تا راز مسیح گه اَرِه اَوَه هامِ زندو اِلوم بِهِیم.

کولُسیَل 4:8

مِه اوئِم هَر اَرِه یَه کِل‌کِرد، گه هُمَه اژ حالِ‌روژ مِه باخَوَرا بوئینو ئو تاگَه او دلگرمتونا کِ.

اول تِسالونیکیَل 1:5

اَرِیَگه انجیل ایمَه نه فَخَد وَه قصَه بلکِم اِنوم قدِرت ئو اِنوم روح‌القدس ئو وَه اطمینو کامل رَسیَ هُمَه. هُنَ گه مَذانینو وَه خاطر هُمَه چطور اِنومتو رفدارمو کِرد.

اول تِسالونیکیَل 3:2

ئو ایمَه، بِرا ئو هُمکار خدا اِ کار انجیل مسیح، تیموتائوسمو کِل‌کِرد اَرِه تک هُمَه تا اِنوم ایمونتو تشویق ئو تقویتتو کِ.

اول تِسالونیکیَل 5:14

ئو اِاِ بِرال، خواهشد اَژینتونَ مِهِیم گه کسَلی گه تَمَلِن مِنا کِینو، ئو بی‌جورَتَل تشویق کِینو، ضِیفَل یاری دِینو ئو وَه‌گَرد کُلو صبِرتو داشدوئی.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

عِبرانیَل 10:22

بورِن وَه دلی رُی‌راس ئو اطمینو کاملِ ایمو نزیکا بوئیمون اَر خدا ئو، هُنَ گه دلَلمو اژ وِژدان گَن پاکا کِردیَ ئو لارَلمو وَه آو پاک شوریَ؛

عِبرانیَل 6:11

آواخدمو یَسَ گه هرکُم اژ هُمَه هَر ایی خیرَتَ تاگَه آخِر حفظ کِ تاگَه امیدتو کامل وَه اَنجوم برَسی،

دوئِم پطرس 1:10

اِسَه اِاِ بِرال، ویشتِر تقِلا بِهَن تا دَوَت ئو دیاری بیئین ووژتو ثابت بِهِینو، اَرِیَگه اَرّ هُنَ بِهِینو هرگِس اِرانِمَکُوئینو.

دوئِم پطرس 1:3

قدِرت الهی او هرچی گه اَرِه ژییاین ئو دینداری اِکَلَ داسیَ بینمو، یَه وَه‌سونگَ شناخت او اَنجوم گِرتیِ گه ایمَل دَوَت کِردیَسیَ جِلال ئو خوئی ووژ،

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.

اول یوحنا 3:19

هُنَ ایمَه مَذانیمو گه هِن حخیختیم ئو اِدوارَه اَرتَک او دلَلمو قرصَ مِهِیم؛

اول یوحنا 5:7

اَرِیَگه سه‌اِن گه شاتیَ میَن: