کولُسیَل 1:2 - کتاب مقدس به زبان لکی - گویش مرکزی

² وَه ایمودارَل مسیح ئو بِرال وفادار اِنوم مسیح گه هانِ شیَر کولُسی‌اِر: فیض ئو سِلامتی اژ جونِم خدا، باوَه آسمونی ایمَه، اَر هُمَه بو.

کولُسیَل 1:2 Iomraidhean Croise

کارَل رسولَل 9:13

حَنانیا جوواوا داتی: «اِاِ خداون، اژ فِرَه کسَل اِبارَه ایی پیامَ شنَفتیَ گه اِنوم شیَر اورشلیم چَنی ایمودارَلِت آزار داسی.

رومیان 1:7

وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیض‌وسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.

اول قرنتیان 1:2

وَه کلیسا خدا اِ شیَر قُرَنتُس، وَه اونَلی گه اِنوم مسیحْ عیسی تقدیس بینَ ئو دَوَت بینَ گه زِنِه‌ی مقدّسو داشدوئی، وَه‌گَرد کُل کسَلی گه اِ هر جای‌تِر نُم خداونمو عیسی مسیحَ مَپِرَسِن، گه خداون ایمَه ئو خداون اونِلَ:

اول قرنتیان 4:17

اَژونَسَ گه مِه تیموتائوسِم کِل‌کِردیَس‌ اَرِه تَکتو گه آویل عزیزگرامی مِنَ ئو اَر خداون وفادارَ. او طُرُخَل مِن اِنوم مسیحْ عیسی ماریَ ویرتو، هَراَ جورَ گه اونَل اِ کُل جا اِنوم کُل کلیسائَل تیَلیمَ میَم.

غَلاطیَل 1:3

فیض ئو سِلامتی اژ جونِم خدا، باوَه ایمَه، ئو خداون عیسی مسیح اَر هُمَه بو

غَلاطیَل 3:9

اِسَه اونَلی گه تَکیو هار ایمو، وَه‌گَرد ابراهیم، اَ پیا ایمونَ بِرَکتَ مَگِرِن.

اَفِسُسیَل 1:1

اژ پولُس گه وَه خواس خدا رسول مسیحْ عیسیَ، وَه ایمودارَلی گه هانِ شیَر اَفِسُس‌اِر، وَه اونَ گه اِنوم مسیحْ عیسی وفادارِن:

اَفِسُسیَل 6:21

اَرِیَگه اژ حال مِه باخَوَرا بوئینو ئو بِذانینو چَه مَهَم، تیخیکوس، بِرا عزیزِم ئو خادم وفادار اِنوم خداون، کُل چیَ موشیَ بینتو.

فیلیپیَل 1:1

اژ پولُس ئو تیموتائوس، خادمَل مسیحْ عیسی، وَه کُل ایمودارَل مسیحْ عیسی گه هانِ شیَر فیلیپی‌‌اِر، وَه‌گَرد اُسقُفَل ئو شمّاسَل:

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

دوئِم پطرس 1:2

فیض‌وسِلامتی وَه‌سونگَ شناخت خدا ئو خداونمو عیسی، چَل‌چَل اَر هُمَه بو.

یهودا 1:2

ریَمَت ئو سِلامتی ئو مِحبت، چَل‌چَل اَر هُمَه بو.

مِکاشفَه 1:4

اژ یوحنا، وَه هفت کلیسای گه هان اِنوم هیال آسیااِر: فیض‌وسِلامتی اژ جونِم او گه هَس ئو بی ئو مای اَر هُمَه بو ئو اژ جونِم هفت روحی گه هان اَرتَک تخت پاتِشائی او،