کارَل رسولَل 4:1 - کتاب مقدس به زبان لکی - گویش مرکزی

¹ پطرس ئو یوحنا هَنی داشدونَ گَرد مردِم قصه‌ئونَ مَهَرد گه کاهنَل ئو فرموندَه قِلااورَل معبد ئو شیخَل فرقَه صَدّوقی هاتِن اِرَه تَکو.

کارَل رسولَل 4:1 Iomraidhean Croise

مَتّی 16:12

اَسَه اونَل فیَمین گه اِبارَه تیَلیم فَریسیَل ئو صدّوقیَل هُشتارئون دانَسی، نه اِبارَه حمیرتُرش نُو.

مَتّی 22:16

اونَل شاگردَل ووژونَ گَرد بِری اژ کسَلی گه لا هیرودیسو داشد، کِل‌کِرد اَرِه تک او ئو وِتو: «استاد، مَذانیم پیای کین راس‌وَش ئو رئی خدا وَه دُریسی تیَلیمَ مِین ئو دَروَن عخیدَه کس نیئین اَرِیَگه چیَمت اَر ظاهر نیَ.

مَتّی 27:20

مِنتائای رِئیسَل کاهنَل ئو شیخَل قوم، جیَمیَتو راضی کِرد تاگَه آزادی باراباس ئو مرگ عیسی‌ئو بِ.

مَتّی 27:41

رِئیسَل کاهنَل ئو مَلِمَل تورات ئو شیخَل تیزمَتَلونَ مَهَرد، موئِتو:

مَتّی 3:7

مِنتائای یحیی وخدی دیتی فِرَه کسَل اژ شیخَل فرقَه‌ل فَریسی ئو صَدّوقی ماهاتِن اِرَه اورَه گه او تیَمیدَ ماتی، وِتی‌ئونو: «اِاِ حَفی‌زائَل! کی هُشتار دائونتو تا اژ خَضوئی گه ها نواتون‌اِر، بِحواینو؟

لوقا 20:1

یَکی اژ روژَلی گه عیسی اِنوم معبد خداون تیَلیم مردِمَ ماتی ئو خَوَر خَوش پاتِشائی خدا موعظَه مَهَردی، رِئیسَل کاهنَل ئو مَلِمَل تورات وَه‌گَرد شیخَل یهود هاتِن اِرَه تک عیسی

لوقا 22:4

یهودا چی اِرَه تک رِئیسَل کاهنَل ئو فرموندَه‌ل قِلااورَل معبد خدا ئو وَه‌گَرد اونَل گپ داتی گه چطور عیسی بیَ گیرو.

یوحنا 15:20

کلومی گه وِتمَ بینتو، بِمینیَ ویرتو: ”خُلُم اژ اَرباو ووژ کَلِنگتِر نیَ.“ اَرّ مِنو آزار دا، وَه‌گَرد هُمِه‌یش هُنَ مَهَن؛ ئو اَرّ کلوم مِنو آوِردَ جا، کلوم هُمِه‌یشَ مارِن‌َ جا.

یوحنا 18:3

اَسَه یهودا بِری اژ سَروازَل ئو هَمیش مأمورَل رِئیسَل کاهنَل ئو شیخَل فرقَه فَریسی وَه‌گَرد ووژ هیزداتی، وَه چراخ‌دَسی ئو مَشَل ئو اسلحَه وَه دس چِن اَرِه اورَه.

کارَل رسولَل 4:6

حَنّا کاهن اعظم ئو قیافا ئو یوحناءِ کاهن ئو اسکندر ئو کُل کسِ‌کارَل کاهن اعظم اِنوم ایی مِجِلیسَ بینَ.

کارَل رسولَل 5:17

مِنتائای کاهن اعظم ئو کُل هُمکارَلی گه اژ فرقَه صَدّوقی بین، اژ زور حَسوئی دَسَ‌کارا بین

کارَل رسولَل 5:24

وخدی، فرموندَه قِلااورَل معبد ئو رِیئسَل کاهنَل یِئونَ شنَفت تَپون اَری شویا، چِنَ فگِراِرا گه «عاقویَت ایی کارَ چَه ماو؟»

کارَل رسولَل 5:26

اَسَه فرموندَه قِلااورَل معبد وَه‌گَرد مأمورَل چِن ئو رسولَلو آوِرد، مِنتائای نه وَه زور، اَرِیَگه زِلَئونَ مَچیا مردِم سنگسارو کَن.

کارَل رسولَل 6:12

اونَل مردِم ئو شیخَل دین ئو مَلِمَل توراتو آنتریک کِرد ئو رِشیان اَرسر استیفان‌اِرا، اوُ گِرت ئو بِردون اِرَه تک شورا یهود.

کارَل رسولَل 6:7

ئو هَرهُنَ، کلوم خدا پَشخا موئیا ئو اِنوم شیَر اورشلیم شاگردَل ویشتِرا موئیان ئو بِری اژ کاهنَل‌یش ایمونو آوِرد.