کارَل رسولَل 26:2 - کتاب مقدس به زبان لکی - گویش مرکزی

² «اِاِ آگْریپاسِ پاتِشا، اَرِه مِه سعادتَ گه ایمِروژ هام اَرتَک هُمَه تاگَه اِبارَه کُل شکائَتَل یهودیَل اژ ووژِم دَفاع بِهَم.

کارَل رسولَل 26:2 Iomraidhean Croise

مَتّی 10:19

مِنتائای حِنی گه میَنتونَ دس دشمنا، هولتون اِرانَگِری گه چطور قصَه بِهِینو یاگَه چَه بوشینو. اَرِیَگه اَ موقَع اَ چیئَه گه باس بوشینو عطا ماوِنی‌ئونتو.

لوقا 12:11

وخدی هُمَه بیَرِن اَرِه عَبادتگائَل یهود ئو اَرِه تک حکِمرونَل ئو صائای قدِرتَل، دلتونِ هول ناو گه چطور اژ ووژتو دَفاع بِهِینو یاگَه چَه بوشینو،

لوقا 21:12

«مِنتائای وِر اژ کُل یوئنَ، هُمَه مَگِرِن، آزارتونَ میَن ئو هُمَه میَنَ دس عَبادتگال ئو زندونَل، ئو وَه‌سونگَ نُم مِه، میَرِنتون اِرَه تک پاتِشائَل ئو والیَل

کارَل رسولَل 25:26

مِنتائای دَسپیچ دُریس‌حِساوی نِرِم گه اِبارَه او اَرِه سرور ووژِم بِنُیسِنِم. اِسَه اوئِم آوِرد اِرَه تک کُل هُمَه ئو مصقوصاً اَرتَک جنابعالی، اِاِ آگْریپاسِ پاتِشا، تاگَه هایتِر دُما بازخواس، چیئی اَرِه نُیسونِن بِهَمَ دی.

کارَل رسولَل 26:1

آگْریپاس وِتیَ پولُس: «صِلا دیرین گه اژ ووژِت دَفاع کِین.» اَسَه پولُس دس ووژ دِریژاِرا کِردی ئو هُنَ اژ ووژ دَفاع کِردی:

کارَل رسولَل 26:19

«اِسَه، اِاِ آگْریپاسِ پاتِشا، مِن اژ رویا آسمونی نافِربونیِم نَهَرد.

کارَل رسولَل 26:26

اَرِیَگه پاتِشا ووژ اژ ایی چیئِلَ خَوَر دیری ئو مِن‌یش رُک قصَئَه گَردَ مَهَمی، اَرِیَگه اطمینو دیرِم هُیچ کُم اژ یوئنَ اژ چیَم پنهو نَمَنیِ، اَرِیَگه ایی اتفاقَ اِ خلوت اَنجوم نَگِرتیِ.

کارَل رسولَل 26:3

مصقوصاً اَرِیَگه مَذانِم هُمَه اژ کُل رسمِ‌رِسیم یهود ئو اختلافَلی گه ها نومون‌اِر خَوَر دیرینو. اِسَه، مَلالکِم‌ئونتو تاگَه وَه حوصلَه گوش بِگِرینونَ قصَه‌لِم.

کارَل رسولَل 26:7

یَه هَراَ وَدَه‌‌سَ گه دوازَه طائفَه‌مو اژ تیَه دلا، شو ئو روژ وَه ایی امیدَ گه بارنیَ دس، عَبادتَ مَهَن. اِاِ پاتِشا، هَراَ خاطر ایی امیدَسَ گه یهودیَل مِه مَکومَ مَهَن.