کارَل رسولَل 2:4 - کتاب مقدس به زبان لکی - گویش مرکزی

⁴ کُل اونَل پِرا بین اژ روح‌القدس ئو هُنَ گه روحِ خدا قدِرت قصَه کِردِنَ مائونو، بِنیائو نا اَر قصَه کِردِن وَه زوئونَلی‌تِر.

کارَل رسولَل 2:4 Iomraidhean Croise

مَتّی 10:19

مِنتائای حِنی گه میَنتونَ دس دشمنا، هولتون اِرانَگِری گه چطور قصَه بِهِینو یاگَه چَه بوشینو. اَرِیَگه اَ موقَع اَ چیئَه گه باس بوشینو عطا ماوِنی‌ئونتو.

مَرقُس 16:17

ئو ایی نشونه‌لَ ها گَرد ایمودارَل: وَه نُم مِه مِلاکَتَل مَهَنَ دِریر ئو وَه زوئونَل جدیدی قصَه مَهَن

لوقا 1:15

اَرِیَگه او اَر وَر چیَم خداون کَلِنگا ماو. یحیی هرگِس نَباس لو بِنی اَر شِراو یاگَه عِرَخَلی‌تِر. جُ‌جُ هِر اژ لَم دای، پِرا ماو اژ روح‌القدس،

لوقا 1:41

ئو وخدی اِلیزابِت سِلام مریم شنَفتی، آویلِهَه اِنوم لَمی کَتِ جویل، ئو اِلیزابِت پِرا بی اژ روح‌القدس،

لوقا 1:67

اَسَه باوِه، زکریا، پِرا بی اژ روح‌القدس ئو هُنَ نبوّت کِردی وِتی:

لوقا 12:12

اَرِیَگه هَراَ ساتَ روح‌القدس یاتونَ مِ گه چَه باس بوشینو.»

لوقا 21:15

اَرِیَگه مِه کلوم ئو حکمتتونی میَم‌ئون گه هُیچ کُم اژ دشمنَلتو نتونِن بوسِنی اَر نوا یا بوئنی اَرضد.

لوقا 4:1

عیسی پِر اژ روح‌القدس، اژ روو اُردن گِلاهُاردی، ئو وَه هدائَت روحِ خدا چی اَرِه نوم بیاوو.

یوحنا 14:26

مِنتائای اَ هِنارَسَ، یانی روح‌القدس، گه باوَه وَه نُم مِه کِلَ‌مِهِیتی، او کُل چی تیَلیمتونَ مِ ئو هرچی گه مِه وِتمَ بینتو، ماریَ ویرتو.

یوحنا 20:22

وخدی یَه وِتی، پِف کِردی اَر نوم رُی شاگردَل ئو وِتی: «روح‌القدس بِگِرِن.

کارَل رسولَل 1:5

یحییِ پِخَمَر وَه آو خُسِل تیَمیدَ ماتی، مِنتائای چَن روژ ویشتِر نَمَنیَ گه هُمَه وَه روح‌القدس تیَمید بِگِرینو.»

کارَل رسولَل 1:8

مِنتائای وخدی روح‌القدس با اَررُی هُمَه، قویَتَ مَگِرینو ئو موئینونَ شاتَل مِن اِ شیَر اورشلیم ئو کُل هیالَل یهودیَه ئو سامرَه ئو تاگَه دویرتِرین جائَل دنیا.»

کارَل رسولَل 10:46

اَرِیَگه شنَفتو گه اونَل وَه زوئونَلی‌تِر قصَه مَهَن ئو خدا مَپِرَسِن. اَسَه پطرس وِتی:

کارَل رسولَل 10:47

«اِسگَه گه یوئنَ روح‌القدسو اِجور ایمَه گِرتیَ، دیَر کیَ مَتونی نوا تیَمید گِرتِنون اِنوم آو بِگِری؟»

کارَل رسولَل 11:15

«هَریَگه بِنیام نا اَر قصَه کِردِن، روح‌القدس رِشیا اَر سرون‌اِرا، هَرهُنَ گه گِل اول رِشیائی اَر سر ایمِه‌اِرا.

کارَل رسولَل 11:24

اَرِیَگه پیا خاصی بی ئو پِر اژ روح‌القدس بی ئو ایمو فِرِه داشدی. اَسَه مردِم فِرِه ایمونو آوِرد اَر خداون.

کارَل رسولَل 13:52

مِنتائای شاگردَل پِر اژ خَوشی ئو پِر اژ روح‌القدس بین.

کارَل رسولَل 13:9

مِنتائای شائول، گه پولُس‌یشونَ موئِت‌ئون، پِرا بی اژ روح‌القدس، گِز کِردی اَر جادوگِرِهَه ئو وِتی:

کارَل رسولَل 15:8

ئو خدای گه اژ دلَل خَوَر دیری، شاتی داتی‌ئونو ئو روح‌القدس دانی‌ئون، هَرهُنَ گه داتیَ ایمِه‌یش.

کارَل رسولَل 19:6

ئو وخدی گه پولُس دس نا اَرسر اونَل، روح‌القدس هات اَررُیو، هُنَ گه وَه زوئونَلِ‌تِر قصه‌ئو کِرد ئو نبوّتو کِرد.

کارَل رسولَل 2:11

(چه یهودی ئو چه اونَلی گه بینَسَ یهودی)؛ ئو هَمیش مردِمَل کْرِت ئو عِرَب -کُلمو دیریم مَشتوئیم گه یوئنَ دیرِن وَه زوئو ایمَه اژ کارَل پِرقدِرت خدا قصَه مَهَن.»

کارَل رسولَل 2:3

اَسَه، بِلاچَه‌لی اِجور بِلاچَه‌ل آگِر دیارا داتی گه اژ یَک جیاآ بین ئو نیشت اَررُی هر کُم اژ اونَل.

کارَل رسولَل 4:31

ئو دُما دوعا کِردِنو، اَ جاءَ گه جیَم بوئینی اَری، هاتِ رِکَه ئو کُلو پِرا بین اژ روح‌القدس، ئو کلوم خدائونَ دلِ‌جورَتا موئِت.

کارَل رسولَل 4:8

اَسَه پطرس پِرا بی اژ روح‌القدس، ئو جوواوا دانی: «اِاِ کَلِنگَل قوم ئو اِاِ شیخَل،

کارَل رسولَل 6:3

اِسَه اِاِ بِرال، اژ نوم ووژتو هفت پیا نُم‌نیک گه پِر اژ روح‌القدس ئو حکمتِن جیاآ کَن تاگَه بِنیمِنون اَرسر ایی کارَ،

کارَل رسولَل 6:5

کُل اژ ایی قصَه خَوشو هات. اَسَه استیفانو گه پیای پِر اژ ایمون ئو روح‌القدس بی، وَه‌گَرد فیلیپُس، پْروخُروس، نیکانور، تیمون، پَرمیناس ئو نیکولائوس، گه اژ مردِم اَنطاکیَه بی ئو یهودیا بوئی، اِنتخاو کِرد.

کارَل رسولَل 6:8

استیفان پِر اژ فیض ئو قدِرت بی ئو مُجِزَه‌ل ئو نشونَه‌ل کَلِنگی اِنوم مردِم اَنجومَ ماتی.

کارَل رسولَل 7:55

مِنتائای استیفان پِر اژ روح‌القدس، گِز کِردی اَر آسمو، جِلال خدا دیتی ئو عیسی گه هوسیائی اَر دس راس خداآ.

کارَل رسولَل 8:17

اَسَه پطرس ئو یوحنا دَسَلو نا اَرنوم سر اونَل ئو اونَل روح‌القدسو گِرت.

کارَل رسولَل 9:17

اَسَه حَنانیا کَتِ رئی ئو چیَ نوم اَ مالا ئو دَسَلی نا اَرنوم سر شائول، ئو وِتی: «شائول، بِرا، خداون عیسی گه اَر نوم رئی گه ماهاتین اِرَه ایرَه ووژ اَر تو ظاهر کِردی، مِه کِل‌کِردیِ تاگَه اِدوارَه بیناآ بوئین ئو پِرا بوئین اژ روح‌القدس.»

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

اول قرنتیان 12:10

وَه یَکی قدِرت مُجِزَه کِردِن بَشخیاءَ ماو، وَه یَکی‌تِر نبوّت، وَه کسی‌تِر قدِرت تشقیص روحَل، وَه یَکی‌تِر قصَه کِردِن وَه زوئونَلی‌تِر.

اول قرنتیان 13:1

اَرّ وَه زوئو آمَل ئو فریشدَه‌ل قصَه بِهَم، مِنتائای مِحبتِم ناآشدوئی، اِجور زنگی مَمینِم گه مَزِری ئو سنجی گه زِرینگَ مایتی.

اول قرنتیان 13:8

مِحبت هرگِس تموم نِماو. مِنتائای نبوّتَل اژ بِنَ مَچِن ئو زوئونَل تمومَ موئن ئو علم اژ بِنَ مَچو.

اول قرنتیان 14:18

مِه شگِر خداءَ مَهَم گه ویشتِر اژ کُلتو وَه زوئونَلی‌تِر قصَه مَهَم؛

اول قرنتیان 14:5

اِسگَه آواخدِم یَسَ گه کُلتو وَه زوئونَلی‌تِر قصَه بِهِینو، مِنتائای ویشتِر مِم گه نبوّت بِهِینو. کسی گه نبوّتَ مِهِه، کَلِنگتِر اژ اَوَه‌‌سَ گه وَه زوئونَلی‌تِر قصَه مِهِه، مَر یَگه ترجِمَه بِهِه تاگَه کلیسا اژ نظر روحانی بِنا بو.

اَفِسُسیَل 3:19

ئو مِحبت مسیح گه بِلِنگ‌تِر اژ درک ئو فیَم بشرَ، بشتاسینو- تا اژ پِری کامل خدا پِرا بوئینو.

اَفِسُسیَل 5:18

مَس شِراو نوئن، اَرِیَگه شِراو مَکیشیتو ویرِ کارَل گَن؛ بلکِم پِرا بوئن اژ روحِ خدا.

اَفِسُسیَل 6:18

ئو اِ کُل زمونی، وَه کُلِ جور دوعا ئو لالکَ‌حُاس، اِنوم روح خدا دوعا بِهَن ئو اَرِه یَه وَه‌خَوَر ئو هوشیار بوئن، ئو یِسَر ئو وَه پایاری اَرِه کُل ایمودارَل مسیح دوعا بِهَن.

اول پطرس 1:12

کَتِ در اَرِنو گه خِلمت اژ هُمَه‌ئونَ مَهَرد نه ووژو، اَسَه گه اژ چیئَلی قصه‌ئونَ مَهَرد گه اِسگَه اِبارَه اونَل اژ بشارت‌کَرَل انجیلَ مَشتوئینو، اژ اونَل گه وَه‌سونگَ روحِ خدا گه اژ آسمو کِل‌بیَ، بشارتَ میَنَ بینتو. جُ‌جُ فِریشدَه‌ل‌یش شوق سِیل کِردِن اَر ایی چیئِلَ دیرِن.

دوئِم پطرس 1:21

اَرِیَگه هُیچ نبوّتی وَه خواس اِنسو نِهات، بلکِم آمَل وَه‌سونگَ روح‌القدس اژ جونِم خدا قصه‌ئو کِرد.