کارَل رسولَل 11:3 - کتاب مقدس به زبان لکی - گویش مرکزی

³ «تو چین اِرَه تک پیالی گه ختینَه نوئینَ ئو خوراکتَ گَرد هُاردِن!»

کارَل رسولَل 11:3 Iomraidhean Croise

مَتّی 9:11

وخدی شیخَل فرقَه فَریسی یِئونَ دی، وِتونَ شاگردَل او: «اَرِه‌چَه استاد هُمَه وَه‌گَرد خِراجگیرَل ئو گناکارَل نونَ میری؟»

لوقا 15:2

مِنتائای شیخَل فرقَه فَریسی ئو مَلِمَل تورات خُت‌خَتونَ مَهَرد موئِتو: «ایی پیاءَ گناکارَل قبولَ مِهِه هُم‌سِفِرِه‌ئونا ماو.»

یوحنا 18:28

عیسی‌ئو اژ تک قیافا بِرد اَرِه کاخ فرموندار. شوصو بی. اونَل ووژو نَچِن اِنوم کاخ تاگَه نِجس نوئن ئو بتونِن پِسَخ بیرِن.

کارَل رسولَل 10:23

اَسَه پطرس اونَل بِردی اِرَه مال تاگَه بوئنیَ مِمو. وَه صوایکا پطرس هیزگِرتی ئو وَه‌گَرد اونَل کَتِ رئی چی. بِری اژ بِرالی گه اَل شیَر یافا بین‌یش چِنیَ گَرد.

کارَل رسولَل 10:28

پطرس وِتی‌ئونو: «هُمَه ووژتونَ مَذانینو گه اَرِه یِه یهودی شرعاً دُریس نیَ گه وَه‌گَرد بیگونَه‌ل بای ئو بِچو یاگَه بِچوءِ دیارو. مِنتائای خدا نشونِم داتی گه وَه هُیچ‌کس نوشِم نِجس یاگَه ناپاک.

کارَل رسولَل 10:32

کسَلی کِل‌کَ اِرَه شیَر یافا تاگَه شَمعون مَشور وَه پطرس بارن اِرَه ایرَه. او اَرتَک شَمعونِ دَبّاخ گه مال هایتی اَر لو دریا، مِمونَ.“

کارَل رسولَل 10:48

اِسَه پطرس فِربو داتی تاگَه وَه نُم عیسی مسیح تیَمیدو دَن. اَسَه اژ پطرسو هِست گه چَن روژی بِمینی اَر تَکو.

اول قرنتیان 5:11

مِنتائای اِسگَه اَرِنتونَ مَنُیسِنِم گه وَه‌گَرد کسی گه ووژَ بِرا هُمَه مَذانی، مِنتائای بی‌عصمت یا طَم‌َکار یا بِت‌پِرَس، دُشمین‌فِروش یا عِرَخی یا رِنگَرَ، هاتِن‌چیئینتو ناآشدوئی ئو وَه‌گَرد هُنَ کسی جُ‌جُ هُم‌سِفِرَه نوئن.

غَلاطیَل 2:12

اَرِیَگه وِر اژ یَگه کسَلی اژ جونِم یعقوب بان، هُم‌سِفِرَه خِرِیهودیِلَ موئیا، مِنتائای هَریَگه اونَ هاتِن، داءِ لا ئو ووژ جیاآ کِردی، اَرِیَگه اژ طرفدارَل ختینَه زِلَه مَچیاتی.

دوئِم یوحنا 1:10

اَرّ کسی با اِرَه تک هُمَه ئو ایی تیَلیمَ ناری، رئی‌ئون نیَنی با اِنوم مالتو ئو جُ‌جُ رُی خَوش‌ئون نِشو نیَنی؛