کارَل رسولَل 1:9 - کتاب مقدس به زبان لکی - گویش مرکزی

⁹ دُما یَگه عیسی ایی قصه‌لَ وِتی، هَرهُنَ گه اونَل سِیلونَ مَهَرد، ویرِ بِلِنگ بَریا ئو اَر وَر چیَمَلو اُری او گِرتی اِنوم ووژا.

کارَل رسولَل 1:9 Iomraidhean Croise

مَرقُس 16:19

اَسَه عیسیِ خداون دُما یَگه ایی قصه‌لَ وِتیَ بینو، ویر آسمو بَریا، ئو نیشت اَر دس راس خدا.

لوقا 21:27

اَسَه کُر اِنسونَ موئینِن گه وَه قدِرت ئو جِلال کَلِنگی اَرسر اُریکا مای.

یوحنا 6:62

اِسَه اَرّ کُر اِنسو بوئینینو گه دیری وَه جای مَچوءِ بِلِنگ گه وِرِکار بیَسی، چَه مِهِینو؟

کارَل رسولَل 1:11

ئو وِتو: «اِاِ پیال جلیلی، اَرّا هوسیاینونَ ئو گِزتو کِردیَس اَر آسمو؟ هَر ایی عیسیَ گه اژ تک هُمَه ویرِ آسمو بَریا، هَرهُنَ گه دیتو چی اَر آسمو اِدوارَه گِلامیریِ دُما.»

کارَل رسولَل 1:2

تا روژی گه وَه‌سونگَ روح‌القدس، فِربونَلی داتیَ رسولَلی گه ووژ دیاری کِردوئینی ئو اَسَه ویرِ بِلِنگ بَریا.

اول تِسالونیکیَل 4:17

اَسَه ایمَه گه زِنیئیمون ئو مَنیمَس اَر جا، وَه گَرد اُوُ اِنوم اُرَل میَرِنمو ویرِ بِلِنگ تاگَه اِ آسمو خداون بوئینیم، اَسَه ایمَه هَر هایمَ ‎گَرد خداون.

اول تیموتائوس 3:16

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.

مِکاشفَه 11:12

اَسَه دَنگ کَلِنگونی اژ آسمو شنَفت گه موئِتی‌ئونو: «بورِنِ رُ اَرِه ایرَه!» ئو اونَل اِنوم اُری ویرِ آسمو چِنِ رُ ئو دشمنَلو سِیلو کِردِن.

مِکاشفَه 14:4

یوئنَ هَراَ کسَلِنَ گه ووژو آلودَه ژِنَل نَهَردیَ، اَرِیَگه عُذَبِن. یوئنَ کسَلی کِن گه مَچِنَ تُرّ وَرکا ویرِ هر جای گه بِچو. یوئنَ اژ نوم آمَل وَه نَسَخی اِدوارَه خِریانَ تا بوئنَ نوبر اَرِه خدا ئو وَرک.