کارَل رسولَل 1:8 - کتاب مقدس به زبان لکی - گویش مرکزی

⁸ مِنتائای وخدی روح‌القدس با اَررُی هُمَه، قویَتَ مَگِرینو ئو موئینونَ شاتَل مِن اِ شیَر اورشلیم ئو کُل هیالَل یهودیَه ئو سامرَه ئو تاگَه دویرتِرین جائَل دنیا.»

کارَل رسولَل 1:8 Iomraidhean Croise

مَتّی 24:14

ئو ایی خَوَر خَوش پاتِشائیَ اِلومَ ماو اِ سِرُسَر دنیا تا اَرِه کُل ملتَل شاتی بو. اَسَه آخِرکارَ مَرَسی.

مَتّی 28:19

اِسَه بِچِن ئو کُل قومَل بِهَنَ شاگرد مِه ئو اونَل وَه نُم باوَه، کُر ئو روح‌القدس خُسِل تیَمید دَن

مَرقُس 16:15

اَسَه وِتیَ بینو: «بِچِن اَرِه سِرُسَر دنیا ئو ایی خَوَر خَوش انجیلَ اِلوم کَن اَر کُل مردِم دنیا.

لوقا 1:35

فریشدَه جوواوا داتی: «روح‌القدسَ ما اَررُی تو ئو قدِرت خداءِ متعال ساءَ ماوژی‌ اَرینِت. اَژونَسَ، اَ کورپِه‌ی گه میا باءَ دی مقدّس ئو کُر خدا هِناءَ ماوَ.

لوقا 10:19

اِسگَه قدِرت‌واختیارَ میَمَ هُمَه گه مارَل ئو کُلاژدُمَل ئو کُل قدِرت دشمن لَخَ‌سا کِینو ئو هُیچ چی ضِرَدتون اَری نِمِ.

لوقا 24:29

مِنتائای اُوُ جُرّیانی اَری ئو وِتو: «بِمین اَرتَک ایمَه، اَرِیَگه چیئی نَمَنیَ روژ تموم بو ئو شو نزیکَ.» اِسَه عیسی چی اِنوم ئو مَن اَرتَکو.

یوحنا 15:27

ئو هُمِه‌یش باس شاتی بِینو، اَرِیَگه اژ اَ اولَ وَه‌گَرد مِه بینونَ.

کارَل رسولَل 1:22

یانی اژ زمونی گه یحییِ پِخَمَر عیسی تیَمید داتی تاگَه روژی گه عیسی اژ تک ایمَه ویرِ بِلِنگ بَریا، یَکی اَژینو وَه‌گَرد ایمَه بوءَ شات زِنیابیئِن عیسی.»

کارَل رسولَل 1:5

یحییِ پِخَمَر وَه آو خُسِل تیَمیدَ ماتی، مِنتائای چَن روژ ویشتِر نَمَنیَ گه هُمَه وَه روح‌القدس تیَمید بِگِرینو.»

کارَل رسولَل 13:31

ئو او روژَل فِرِه ظاهر بی اَر اونَلی گه اژ هیال جلیل وَه‌گَرد هاتوئینی اِرَه اورشلیم، ئو اِسگِه‌یشَ اَرتَک قوم ایمَه شاتَل اوئِن.

کارَل رسولَل 2:32

خدا هَر ایی عیسیَ زِنیا کِردی ئو ایمَه کُل شاتیمی.

کارَل رسولَل 22:15

اَرِیَگه تونَ موئینَ شات او اَرتَک کُل مردِم، اَرِه چیئَلی گه دیتَ ئو شنَفتِتَ.

کارَل رسولَل 3:15

هُمَه سِرآو ژییاینتو کُشت، مِنتائای خدا او اژ مِردیَل زِنیا کِردی ئو ایمَه شات یِئیمَ.

کارَل رسولَل 4:33

رسولَل وَه قدِرت فِرِه شاتیونَ ما اَر زِنیابیئِن خداون عیسی ئو فیضِ کَلِنگی اَررُی کُلو بی.

کارَل رسولَل 5:32

ئو ایمَه شاتَل ایی چیئَلیمَ، هَرهُنَ گه روح‌القدس‌یش هَس گه خدا اَوَه داسیَ کسَلی گه اَژی اطاعتَ مَهَنی.»

کارَل رسولَل 6:8

استیفان پِر اژ فیض ئو قدِرت بی ئو مُجِزَه‌ل ئو نشونَه‌ل کَلِنگی اِنوم مردِم اَنجومَ ماتی.

کارَل رسولَل 8:1

ئو سولُس دل بیتی استیفان بِکُشِن. اَ روژَ، بِنیا آزار سخدی اَر کلیسا اورشلیم نیریا، هُنَ گه بِخِر اژ رسولَل، کُل پَشخِ‌پِلاآ بین اِنوم هیالَل یهودیَه ئو سامرَه.

رومیان 10:18

مِنتائای مَپِرسِم: مَر نَشتَفتو؟ اَلوَت گه شنَفتو: «دَنگو پَشخا بیَسِ سِرُسَر زَمی، ئو کَلومو رَسیَس اَر اَ پر دنیا.»

رومیان 15:19

وَه قویَت نشونَه‌ل ئو مُجِزَه‌ل، وَه قویَت روحِ خدا، هُنَ گه اژ شیَر اورشلیم تا ایلیریکوم دورِم دا، خِلمت انجیل مسیحِم کامل وَه اَنجوم رَسو.

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.