کارَل رسولَل 1:4 - کتاب مقدس به زبان لکی - گویش مرکزی

⁴ وخدی عیسی هَنیَ گَردو بی فِربو دائونو گه اژ شیَر اورشلیم نَچنَ دِریر بلکِم چیَمَ‌رئی اَ وَدَه باوَه بوئنَ ئو وِتی‌ئونو: «هُمَه اژ مِنتو شنَفت،

کارَل رسولَل 1:4 Iomraidhean Croise

مَتّی 10:20

اَرِیَگه اَوَه گه قصَه مِهِه هُمَه نیئینو، بلکِم روحِ باوَه آسمونی هُمِئَه گه وَه زوئو هُمَه قصَه مِهِه.

لوقا 11:13

اِسَه اَرّ هُمَه گه شرَبارینو، مَذانینو گه چطور پیشکَشی خو بِینونَ آیلَلتو، چَنی ویشتِر باوَه آسمونی هُمَه، روح‌القدسَ موئَشخیَ اونَلی گه اَژینو بِ.»

لوقا 12:12

اَرِیَگه هَراَ ساتَ روح‌القدس یاتونَ مِ گه چَه باس بوشینو.»

لوقا 24:49

بِذانِن مِه اَوَه گه باوَه‌م وَدَه داسی کِلَ‌مَهَم اَررُیتو؛ اِسَه بِمینِن اِنوم شیَر تا وخدی گه ایی قدِرتی گه ها نوم آسمون‌اِر هُمَه اِرابِگِری.»

یوحنا 14:16

ئو مِه اژ باوَه‌مَ مِ ئو، او هِنارَسی‌تِرَ مِئَه بینتو گه هَر وَه‌گَرد هُمَه بو،

یوحنا 15:26

«مِنتائای وخدی گه اَ هِنارَسَ گه اژ جونِم باوَه اَرِه هُمَه کِلَ‌مَهَم بای، یانی روحِ حخیخت گه اژ جونِم باوَه مای، او ووژ اِبارَه مِه شاتیَ مِ،

یوحنا 20:22

وخدی یَه وِتی، پِف کِردی اَر نوم رُی شاگردَل ئو وِتی: «روح‌القدس بِگِرِن.

یوحنا 7:39

ایی قصَه اِبارَه روحِ خدا وِتی، گه اونَلی گه ایمو بارنیَ بی، اَوَه مَهَنَ دی؛ اَرِیَگه هَنی روحِ خدائونَ بی نائین، اَرِیَگه عیسی هَنی جِلال نَگِرتوئیتی.

کارَل رسولَل 10:41

مِنتائای نه اَر کُل کس، بلکِم اَر شاتَلی گه خدا وِرِکار دیاری کِردوئینی، یانی اَر ایمَه‌لی گه دُما زِنیابیئِنی اژ مِردیَل، وَه‌گَرد او هُاردمون ئو خُرّمو دا.

کارَل رسولَل 2:33

او ویرِ بِلِنگ بَریاءَ دس راس خداآ ئو روح‌القدسی گه باوَه آسمونی وَدَه دائیتی، گِرتیِ، ئو رِشونیَس اَر هُاراِرا، هَر یَگه اِسگَه موئینینون ئو مَشتوئینو.