کارَل رسولَل 1:3 - کتاب مقدس به زبان لکی - گویش مرکزی

³ عیسی دُما عذاو کیشینی، ووژ اَر رسولَل ظاهر کِردی ئو وَه دلیلَل فِرِه ثابت کِردِنی‌ئون گه زِنیا بیَ. اَسَه تا چِل روژ ظاهرَ موئیا اَرینو ئو اِبارَه پاتِشائی خدا قصه‌ئونَ گَردَ مَهَردی.

کارَل رسولَل 1:3 Iomraidhean Croise

مَتّی 21:43

اِسَه موشِم‌ئونتو گه پاتِشائی خدا اژ هُمَه مَسینِن ئو میَنَ قومی گه ثمر بیَن.

مَتّی 28:9

ئو یِگِلی عیسی هاتَ وَرپیریو ئو وِتی: «سِلام!» ژِنَل هاتِنِ وَر ئو کَتِن اَر پال او ئو اوُ پِرَسی.

مَتّی 3:2

موئِتی: «توئَه بِهَن اَرِیَگه پاتِشائی آسمو نزیکَ!»

مَتّی 4:2

عیسی اِنوم بیاوو چِل شو ئو چِل روژ وَه روژی بی، دُما تموم بیئِن ایی وخدَ وِرسِنی بیتی.

مَرقُس 16:19

اَسَه عیسیِ خداون دُما یَگه ایی قصه‌لَ وِتیَ بینو، ویر آسمو بَریا، ئو نیشت اَر دس راس خدا.

یوحنا 20:26

دُما هشت روژ، شاگردَل عیسی اِدوارَه اِنوم مال بین ئو تومایش وَه‌گَردو بی. وَه‌یاآگه دِرَل کِلیل بین، عیسی هات ئو اِنوم اونَل هوسیا ئو وِتی: «سِلام اَر هُمَه!»

یوحنا 21:1

دُما یَه، عیسی یِگِلی‌تِر اِ اَکو دریاچَه تیبِریَه گه هَراَ دریاچَه جلیلَ ووژ اَر شاگردَل ظاهر کِردی. ئو هُنَ ظاهر بی:

یوحنا 21:14

یَه گِل سِئِم بی گه عیسی دُما زِنیابیئِن اژ مِردیَل، ووژ اَر شاگردَل ظاهر کِردی.

کارَل رسولَل 13:31

ئو او روژَل فِرِه ظاهر بی اَر اونَلی گه اژ هیال جلیل وَه‌گَرد هاتوئینی اِرَه اورشلیم، ئو اِسگِه‌یشَ اَرتَک قوم ایمَه شاتَل اوئِن.

کارَل رسولَل 19:8

اَسَه پولُس چی اِنوم عَبادتگا یهود، اَر اورَه سه مُنگ وَه جورَتا قصَه مَهَردی ئو اِبارَه پاتِشائی خدا دلیلَ ماوِردی ئو قانیونَ مَهَردی.

کارَل رسولَل 28:23

اَسَه روژونی اَرِه او مَیِّن کِرد ئو فِرَه کسَل هاتِنی اِرَه مال اَرِه تکی. او اژ شفق تاگَه شو گپ اَرِه دانی ئو شاتی داتی اَر پاتِشائی خدا ئو تقِلا کِردی اژ تورات موسی ئو نُسَخ پِخَمَرَل، اونَل اِبارَه عیسی قانی کِ.

کارَل رسولَل 28:31

او پاتِشائی خدا اِلومَ مَهَردی ئو وَه جورَت بی‌یَگه کس نوا بِگِرتی اِبارَه عیسی مسیح خداون تیَلیمَ ماتی.

کارَل رسولَل 8:12

مِنتائای وخدی ایمونو آوِرد اَر خَوَر خَوش فیلیپُس اِبارَه پاتِشائی خدا ئو نُم عیسی مسیح، کُلو، یانی ژَن ئو پیا، خُسِل تیَمیدو گِرت.

رومیان 14:17

اَرِیَگه پاتِشائی خدا هُاردِن ئو خُرّدائن نیَ، بلکِم صالح‌بیئین، صُئل‌وسِلامتی، ئو خَوشی اِنوم روح‌القدسَ.

کولُسیَل 1:13

اَرِیَگه قدِرت تیَریکی اژ ایمَه آوشدیَسِ لا ئو جاوازمو کِردیَسیَ پاتِشائی کُر عزیزگرامی ووژ،

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

اول یوحنا 1:1

اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.