دوئِم تیموتائوس 4:17 - کتاب مقدس به زبان لکی - گویش مرکزی

¹⁷ مِنتائای خداون هوسیا اَر لِف مِه ئو قویَت داتیَ مِه تاگَه کلوم خدا وَه‌سونگَ مِه تمومِ‌کمال اِلوم بو ئو کُل خِرِیهودیَل بشتوئِنی. اِسَه اژ دَم شیر اِرچِم‌.

دوئِم تیموتائوس 4:17 Iomraidhean Croise

مَتّی 10:19

مِنتائای حِنی گه میَنتونَ دس دشمنا، هولتون اِرانَگِری گه چطور قصَه بِهِینو یاگَه چَه بوشینو. اَرِیَگه اَ موقَع اَ چیئَه گه باس بوشینو عطا ماوِنی‌ئونتو.

لوقا 1:1

عالی‌مَقوم تِئوفیلوس، وَه خاطر یَگه فِرَه کسَل دَسو داسَ نُیسونِن چیئَلی گه اَرتَک ایمَه اتفاق کَتیَ،

لوقا 21:15

اَرِیَگه مِه کلوم ئو حکمتتونی میَم‌ئون گه هُیچ کُم اژ دشمنَلتو نتونِن بوسِنی اَر نوا یا بوئنی اَرضد.

کارَل رسولَل 23:11

هَراَ شوءَ، خداون هوسیا اَرتَک پولُس ئو وِتی: «دلِ‌دَرینِت داشدوئی! هَرهُنَ گه اِنوم شیَر اورشلیم شاتیِت دا اَر مِه، اِنوم روم‌یش باس شاتی بِین.»

کارَل رسولَل 9:15

مِنتائای خداون وِتیَ حَنانیا: «بِچُ، اَرِیَگه ایی پیا حاجتی کَ گه مِه جیاما کِردیَ تاگَه نُمِم بیَری اِرَه تک خِرِیهودیَل ئو پاتِشائَلو، ئو قوم اسرائیل.

رومیان 15:31

تاگَه شر بی‌ایمونَل یهودیَه اژ مِه بِکُوءِ لا ئو خِلمتِم اِ اورشلیم وَه دل ایمودارَل اورَه بوءَ.

دوئِم قُرَنتیان 12:9

مِنتائای خداون وِتی‌ئونِم: «فیض مِن اَرِه تو بسَ، اَرِیَگه قدِرت مِه اِنوم ضیَفَل کاملا ماو.» اِسَه وَه خَوشی ویشتِری افتخارَ مَهَمَ ضیَفَل ووژِم، تاگَه قدِرت مسیح اَررُی مِه بو.

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

اول تیموتائوس 1:12

شگِر خداونمو مسیحْ عیسیَ مَهَم گه قویَت داءَ بینِم ئو مِنَ وفادار ذِناسدی ئو اَرِه خِلمت ووژ اِنتخاو کِردمی.

دوئِم تیموتائوس 2:1

اِسَه تو اِاِ کُرِم، وَه فیضی گه ها نوم مسیحْ عیسی‌اِر قویَت بِگِر،

دوئِم تیموتائوس 2:9

وَه خاطر اَوَه‌‌سَ گه عذاوَ مَکیشِم، هُنَ گه اِجور جنائَتکاری هامِ زنجیراِر. مِنتائای کلوم خدا اِ زنجیر نیَ.

دوئِم تیموتائوس 3:11

ئو اژ آزارَل ئو عذاوَلی گه اِ اَنطاکیَه، قونیَه ئو لِستْرَه هاتَ سرِم ئو آزارَلی گه تیَمِلِم کِرد، خَوَر دیرین. وَه ایی حالا، خداون اژ کُل اونَ نجادِم داتی.

دوئِم تیموتائوس 4:5

مِنتائای تو هَر هوشیار بو، سخدیَل تیَمِل بِهَه، کار اِلوم انجیل اَنجوم دَ، ئو خِلمت ووژِت تمومِ‌کمال برَسِنَ آخِر.

تیتوس 1:3

ئو اِ وخد دُریس، اَ وَدَه اِ کلومی گه اِلوم کِردِنی وَه فِربو نجاددهندَه‌مو خدا سپارتیاءَ مِه، آشگارا بی.

عِبرانیَل 11:33

گه وَه ایمو، مملکتَلون اِراگِرت، عدالتو آوِردَ جا، ئو وَدَه‌لو آوِردَ دس؛ دَم شیرَلو بَسد،

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

دوئِم پطرس 2:9

اِسَه خداونَ مَذانی چطور آم دیندار اژ اِنتحونَل نجاد بِ ئو آمی گه صالح نیَ بِیلی اَرِه مِکافات روژ داوری،