دوئِم تیموتائوس 4:16 - کتاب مقدس به زبان لکی - گویش مرکزی

¹⁶ اِ اول دَفاع مِه، هُیچ کس پِشتِم نَگِرتی بلکِم کُل مِنو وِل کِرد. ناخواد یَه بِنِری اَر حساوُ.

دوئِم تیموتائوس 4:16 Iomraidhean Croise

مَرقُس 14:50

اَسَه کُل شاگردَل، عیسی‌ئو وِل کِرد ئو حِیواین.

لوقا 12:11

وخدی هُمَه بیَرِن اَرِه عَبادتگائَل یهود ئو اَرِه تک حکِمرونَل ئو صائای قدِرتَل، دلتونِ هول ناو گه چطور اژ ووژتو دَفاع بِهِینو یاگَه چَه بوشینو،

یوحنا 16:32

اِسَه زمونی مای گه اِراسی هَراِسگِه‌یشَ هاتیَ، گه اژ یَکَ مَچویچینو ئو هرکُمتو مَچو اَرِه مال ووژ ئو مِه تَنیاءَ مِیلینو؛ وَه ایی حالا مِه تَنیا نیِم، اَرِیَگه باوَه ها گَردِم.

کارَل رسولَل 22:1

«اِاِ بِرال، اِاِ باوَه‌ل گوش بیَنَ چیئی گه اِسگَه اَرِه دَفاع اژ ووژِم اَر وَر رُیتو عرضَ مَهَم.»

کارَل رسولَل 25:16

«مِه جوواوما دان، گه رومیَل هُنَ رسمی نِرِن گه مِتهمی بیَنَ گیر وِر اژ یَگه وَه‌گَرد شاکیَلی ویرَرویرا بو ئو مِجال‌ئون دَنی گه اَرِه اتهامَلی گه میَنی اَری، اژ ووژ دَفاع کِ.

کارَل رسولَل 7:60

اَسَه زُنی داتی ئو وَه دَنگ کَلِنگ دای داتی گه «اِاِ خداون، ایی گناءَ نَن اَر پائو.» یَه وِتی ئو اِنوم خداون حیوَت.

اول قرنتیان 13:5

مِحبت بی‌اَدو نیَ ئو وَه دُم نفع ووژا نیَ؛ زوی آگِر اژ سر نِمَچوتی ئو کینَت اِ دل نِمَگِری؛

اول قرنتیان 9:3

اَرِه اونَلی‌ گه رسالت مِنَ میَرِن‌ِ ژیر سؤال، دَفاع مِه یَسَ.

دوئِم قُرَنتیان 7:11

اَرِیَگه سِیل کَن گه ایی خُصه‌ی گه اَرِه خداءَ چه ثمرَلی اِنوم هُمَه آوِردیَسیَ عمل، بلکِم چه شوقی گه نِشو بِینو تصقیرکار نیئینو، چه آگِر اَژی چیئِنی، چه ترسی، چه حسِرتی، چه خیرَتی، چه مِجازاتی. هُمَه اژ کُل لِحاظی ثابتتو کِردیَ گه اِ ایی گپَ بی‌گنائینو.

فیلیپیَل 1:17

اَ دسَه اولَ اژ حرصی گه اژ خودخواهیَ مسیح موعظَه مَهَن، نه اژ نیّت خو بلکِم هانِ فگِر یَگه مِن اِنوم زندو عذاو بیَن.

فیلیپیَل 1:7

ایی حخَ دیرِم گه اِبارَه کُل هُمَه هُنَ فگِر بِهَم، اَرِیَگه هاینونِ نوم قلب مِن‌اِر، اَرِیَگه کُل هُمَه اِنوم فیض خدا وَه‌گَرد مِه هُم‌بیَرینو، هم اِ زندونی بیئِنِم ئو هم اِ دَفاع اژ انجیل ئو ثابت کِردِن دُریسی اَوَه.

دوئِم تیموتائوس 1:15

خَوَر دیرین گه کسَلی گه هانِ هیال آسیااِر کُل رُیون اژ مِن اِرپِلونیَ، اِنوم اونَ فیگِلوس ئو هِرموگِنِس‌یش هَن.

دوئِم تیموتائوس 4:10

اَرِیَگه دیماس وَه خاطر دوس داشدِن ایی دنیاءَ مِه وِل کِردیِ چیَس اَرِه تِسالونیکی. کْریسکیس چیَس اَرِه غَلاطیَه ئو تیتوس‌یش اَرِه دَلماتیَه.

دوئِم تیموتائوس 4:15

تونیش اژ او دویرا بِگِر، اَرِیَگه فِرَه اَرضد پِغوم ایمِئَه.

اول پطرس 3:15

بلکِم اِنوم دلتو عزّت بِنِن اَر مسیح خداون گه قدوسَ، هَر آمادَه بوئن تا هر کی دلیل امیدی گه ها دلتون‌اِر بِپِرسی، جوواوا بِینونی، مِنتائای وَه نرمی ئو عزّت.